2 years ago
October 19, 2023
काठमाडौं (हाम्रो खेलकुद) – नेपालका तीव्र गतिका बलर अभिनाश बोहराले टि२० आईमा ५० विकेट पूरा गरेका छन् । त्रिकोणात्मक टि२० आई सिरिजमा हङकङका यासिम मुर्तजालाई आउट गर्दै ५० औं विकेट पूरा गरेका हुन् ।

अभिनाशले ४१ औं खेलमा उक्त सफलता हात पारेका हुन् । उनी नेपालबाट टि२० आईमा ५० औं विकेट पूरा गर्ने तेस्रो बलर हुन् । यसअघि नेपालबाट करण केसी र सन्दीप लामिछानेले टि२० आईमा ५० विकेट पूरा गरेका थिए ।
नेपालबाट सन्दीप लामिछानेले ४६ खेलमा सर्वाधिक ८९ विकेट लिएका छन् । त्यस्तै करण केसीले ४७ खेलमा ६८ विकेट लिएका छन् । सोमपाल कामीले ४७ खेलमा ४४ विकेट लिएका छन् ।
२६ वर्षीय अभिनाश बोहराले २०१९ मा युएईविरुद्ध टि२० आईमा डेब्यू गरेका थिए । नेपाल आइसिसी विश्वकप लिग २ मा ओडिआईमा ब्यस्त रहँदा पछिल्लो एक वर्ष अभिनाश बोहरा टोली बाहिर थिए ।
अभिनाशलाई नेपालले टि२० मा डेथ ओभर स्पेलिष्टको रुपमा खेलाउँदै आएको छ । अभिनाशले घरेलु क्रिकेट नेपाल एपिएफ क्लबबाट खेल्ने गर्दछन् ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]