2 years ago
October 20, 2023
काठमाडौं (हाम्रो खेलकुद) – नेपालले दुई सातापछि घरेलु मैदान टियु र मुलपानीमा हुने आइसिसी टि२० विश्वकप एसिया क्षेत्र छनोटको लागि भारतीय नन्दन हन्मान्त फड्नीसलाई सल्लाहकार प्रशिक्षकको रुपमा नियुक्त गरेको छ ।
नन्दन नेपाली किक्रेट टोली दुई साताअघि राजस्थान रोयल्सको एकेडेमी नागपुरमा प्रशिक्षण गर्न जादा देखी टोलीमा समेटिएका थिए । उनी नेपाली क्रिकेट टोलीसँगै त्रिकोणात्मक टि२० आई सिरिजमा छन् । उनले सल्लाहकार प्रशिक्षकको रुपमा मुख्य प्रशिक्षक मोन्टी देशाईसँग काम गर्नेछन् ।
५९ वर्षीय उनले महाराष्ट्रबाट १९ प्रथम श्रेणी र ७ लिष्ट ए खेल खेलेका छन् । उनी भारतीय क्रिकेट बोर्डबाट लेभल थ्री गरेका प्रशिक्षक हुन् । कप्तान रोहित पौडेलले उनीबाट सिक्ने बताएका छन् । ‘उनीसँग प्रशिक्षकको धेरै अनुभव छ । पेभेलिएनमा उनीसँग काम गर्न पाउँदा मोन्टी सर र म खुसी छौं । उनीबाट हामी सिक्नेछौं । नन्दन सरले हाम्रो क्रिकेटलाई सहयोग गर्दा अझ राम्रो हुनेछ’, रोहितले भने ।
आइसिसी टि२० विश्वकप एसिया क्षेत्र छनोट कार्तिक १३ देखी २० गते (३० अक्टोबर देखी नोभेम्बर ६) सम्म मुलपानी र टियु क्रिकेट मैदानमा हुँदैछ । नेपालले पहिलो खेल कार्तिक १३ (अक्टोबर ३०) मा सिंगापुरसँग टियु क्रिकेट मैदानमा खेल्नेछ ।
नेपालले दोस्रो खेल कार्तिक १४ (अक्टोबर ३१) मा मलेसियासँग खेल्नेछ । नेपालले तेस्रो खेल कार्तिक १६ (नोभेम्बर २) मा ओमानसँग खेल्नेछ । नेपालका सबै खेल टियु क्रिकेट मैदानमा हुनेछन् ।
शीर्ष दुई मा रहने दुबै समूहका टोलीले कार्तिक १७ (नोभेम्बर ३) मा सेमिफाइनल खेल्नेछन् । एउटा सेमिफाइनल टियु र अर्को मुलपानीमा हुनेछ । फाइनल कार्तिक १९ (नोभेम्बर ५) मा टियु क्रिकेट मैदानमा हुनेछ ।
फाइनलमा पुग्ने दुई टोलीले आगमी वर्ष अमेरिका र वेस्टइन्डिजमा हुने टि२० विश्वकप खेल्न पाउनेछन् । नेपाल २०१४ पछि पहिलो पटक टि२० विश्वकप खेल्ने सोचमा छ । घरेलु मैदान, दर्शक र उच्च लयमा हुँदा विश्वकप खेल्ने उच्च सम्भावना छ ।
समूह ए मा नेपाल, सिंगापुर, ओमान र मलेसिया छन् । समूह बी मा युएई, बहराइन, हङकङ र कुवेत छन् । नेपालले खेल्ने सबै खेल टियु मैदानमा हुनेछ ।
विश्वकप छनोट अघि नेपालले त्रिकोणात्मक टि२० आई सिरिज खेलेको छ । नेपालले पहिलो खेलमा युएईलाई ७ विकेट र हङकङलाई ६ विकेटले हराएको थियो । अव नेपालले कार्तिक ४ मा हङकङ र कार्तिक ६ युएईसँग खेल्नेछ । त्रिकोणात्मक सिरिजको फाइनल भने कार्तिक १० मा टियुमा हुनेछ ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
