9 months ago
October 20, 2023
एजेन्सी – पाकिस्तानले आइसिसी विश्वकप २०२३ मा अष्ट्रेलियाले प्रस्तुत गरेको विशाल लक्ष्य पछ्याउनेक्रममा सानदार सुरुवात गरेको छ । जितको लागि ३ सय ६८ रनको विशाल विजयी लक्ष्य पछ्याएको पाकिस्तानले २१.१ ओभरमा १ विकेट गुमाउँदै १ सय ३४ रन बनाएकोछ ।
पाकिस्तानका ओपनर इमाम उल हक ६६ बलमा ९ चौकासहित ६३ रनमा क्रिजमा छन् । अब्दूल्लाह शफिक ६० बलमा ७ चौका र २ छक्कासहित ६४ रनमा आउट भए । पहिलो विकेटका लागि अब्दूल्लाह र इमामले २१.१ ओभरमा १ सय ३४ रनको शतकीय साझेदारी गरे ।
अब्दूल्लाह मार्कस स्टोइनिसको २२ औं ओभरको पहिलो बलमा ग्लेन म्याक्सवेलबाट क्याच आउट भए । बाबर आजम ४ बलमा २ चौकासहित ८ रनमा क्रिजमा छन् ।
इमामले ब्यक्तिगत ४८ रनमा जीवनदान पाएका थिए । ग्लेन म्याक्सवेलको १८ औं ओभरको दोस्रो बलमा मिडविकेटमा प्याट कमिन्सले क्याच छाड्न पुगेका थिए ।
अब्दूल्लाह शफिकले ब्यक्तिगत २७ रनमा जीवनदान पाएका थिए । प्याट कमिन्सलाई १२ औं ओभरको पाँचौं बलमा पुल सट खेल्दा मिडविकेटमा शन एबोटले क्याच छाडेका थिए ।
त्यसअघि बेंगलोरमा टस हारेर पहिला ब्याटिङको निम्तो पाएको अष्ट्रेलियाले निर्धारित ५० ओभरमा ९ विकेट गुमाउँदै ३ सय ६७ रन बनायो ।
डेविड वार्नरले १ सय २४ बलमा १४ चौका र ९ छक्कासहित सर्वाधिक १ सय ६३ रनको सानदार शतकीय इनिङ खेलेका थिए । अष्ट्रेलियालाई ओपनर मिचेल मार्श र डेविड वार्नरले पहिलो विकेटका लागि ३३.५ ओभरमा २ सय ५९ रनको सानदार दोहोरो शतकीय साझेदारी गर्दै विशाल योगफलको आधार बनाएका थिए ।
मार्श १ सय ८ बलमा १० चौका र ९ छक्कासहित १ सय २१ रनमा आउट भएका थिए । पाकिस्तानका शाहिन शाह अफ्रिदीले १० ओभरमा ५४ रन खर्चेर सर्वाधिक ५ विकेट लिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]