काठमाडौं (हाम्रो खेलकुद) – बायाँ हाते स्पिनर ललित नारायण राजवंशी र बायाँ हाते तीव्र गतिका बलर प्रतिश जिसीले हङकङविरुद्ध त्रिकोणात्मक टि२०आई सिरिजको तेस्रो खेलमा खेल्ने भएका छन् ।

नेपालका कप्तान रोहितकुमार पौडेलले टस जितेर पहिलो ब्याटिङ रोज्दा नेपालले टोलीमा दुई परिवर्तन गरेको हो । प्रतिशले टि२०आई मा डेब्यु गर्दा ललितले चोटबाट पुनरागमन गर्न लागेका हुन् । एसियाली खेलकुदको तयारीका क्रममा गत महिना चोट बोकेका उनी पुनरागमन गर्दैछन् ।

ललितले पछिल्लो खेलबाट स्पिनर श्याम ढकालको स्थान लिएका छन् । त्यस्तै अभिनाश बोहोराको स्थानमा प्रतिशले अवसर पाएका हुन् । नेपालले ब्याटिङमा भने कुनै परिवर्तन गरेको छैन ।

यता हङकङले पनि टोलीमा दुई परिवर्तन गरेको छ । अनुभवी विकेटकिपर स्कट म्याकेच्नी र मोहमद घजनफार टोलीमा आएका छन् । यस्तै पछिल्लो खेल खेलेका यासिम मुर्तजा र अदित गोरवारा बेन्चमा रहेका छन् ।

नेपालको प्लेइङ-११ :

रोहित पौडेल (कप्तान), आसिफ शेख, कुशल भुर्तेल, कुशल मल्ल, दीपेन्द्रसिंह ऐरी, सन्दीप जोरा, गुलशन झा, सोमपाल कामी, करण केसी, प्रतिश जिसी, ललितनारायण राजवंशी

हङकङको प्लेइङ-११ :

निजाकत खान(कप्तान), एजाज खान, आयुश शुक्ला, अंशुमन रथ, बाबर हायत, एहसान खान, मोहम्मद गजानफार, हरुन अर्शद, मार्टिन कोट्जी, स्कट म्याकेच्नी, जिशान अली