default_image

9 months ago

October 21, 2023

विश्वकपमा श्रीलंकाको पहिलो जित

1617 views

0 Bookmark

एजेन्सी – श्रीलंकाले आईसिसी विश्वकप २०२३ मा पहिलो जित हात पारेको छ । श्रीलंकाले नेदरल्यान्ड्सलाई ५ विकेटले हराउँदै पहिलो जित हात पारेको हो । जितको लागि २ सय ६३ रनको रनको मध्यम लक्ष्य पछ्याएको श्रीलंकाले ४८.२ ओभरमा ५ विकेट गुमाउँदै पूरा गर्यो ।

श्रीलंकाको जितमा सदीरा समाराविकरमाले १ सय ७ बलमा ७ चौकासहित सर्वाधिक ९१ रनमा अविजित रहे । ओपनर पाथुम निसांकाले ५२ बलमा ९ चौकासहित ५४ रन बनाए।

चरिथ असलंकाले ६६ बलमा ४४ रन बनाए । उनले दुई चौका र एक छक्का प्रहार गरे । यस्तै धनञ्जय डी सिल्भाले ३०, दुशन हेमान्था, ओपनर कुशल परेराले ५ र कप्तान कुशल मेन्डिस ११ रन बनाए ।

नेदरल्याण्ड्सका लागि स्पिनर आर्यन दत्तले १० ओभरमा ४४ रन खर्चिदै तीन विकेट लिए । पल भ्यान मिकेरेनले आठ ओभरमा ३९ रन खर्चिदै एक विकट लिदा कोलिन एकरमनले पनि ८.२ ओभरमा ३९ रन खर्चिदै एक विकट लिए ।

त्यसअघि नेदरल्यान्ड्स ४९.४ ओभरमा अलआउट हुँदै २ सय ६२ रन बनाएको थियो । डच टोलीका लागि साइब्राण्ड एँगलब्रेक्तले सर्वाधिक ७० रन बनाए ।

उनले ८२ बल खेल्दा चार चौका र एक छक्का प्रहार गरेका थिए । एँगलब्रेक्तले सातौं विकेटका लागि लोगान भ्यान विकसँग १ सय ३० रनको महत्वपूर्ण साझेदारी गर्दै मध्यम योगफलमा पुर्याएका थिए । भ्यान विकले ७५ बलमा ५९ रन बनाउँदा एक चौका र एक छक्का प्रहार गरेका थिए।

ओपनर व्याटर विक्रमजित सिंह चार रनमा आउट हुँदा अर्का ओपनर म्याक्स ओडाउडले १६ रन बनाए । तीन नम्बरमा ब्याटिङ गर्न आएका कोलिन एकरमनले ३१ बलमा पाँच चौका सहित २९ रन बनाए ।

त्यसपछि आएका अल राउन्डर बास डे लेडाले ६ र तेजा निदामनुरुले ९ रन बनाए । त्यस लगत्तै कप्तान स्कट एडवार्ड्सले १६ रन मात्र बनाउन सके। उनी पभिलियन फर्किदा नेदरल्याण्ड्स ९१-६ को अवस्थामा थियो ।

सो अवस्थामा एँगलब्रेक्त र भ्यान विकले कमान सम्हालेका थिए। रुलफ भ्यान डर मर्वाले सात रन बनाउँदा ११ नम्बरका पल भ्यान मिकरनले चार रन बनाए । श्रीलंकाका लागि पेसरद्वय दिलशन मदुसान्का र कसुन रजिथाले समान चार(चार विकेट लिए ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.