default_image

9 months ago

October 24, 2023

डिककको शानदार शतकमा दक्षिण अफ्रिकाको विशाल योगफल

2262 views

0 Bookmark

एजेन्सी – ओपनर क्विन्टन डिककको शानदार पारिको मद्दतले भारतमा जारी विश्वकप क्रिकेट अन्तर्गत आजको खेलमा दक्षिण अफ्रिकाले बंगलादेश विरुद्ध विशाल योगफल बनाएको छ।

निर्धारित ५० ओभरमा दक्षिण अफ्रिकाले पाँच विकट गुमाउँदै ३८२ रनको विशाल योगफल खडा गरेको हो।

यो विश्वकपमा दक्षिण अफ्रिकाले तेस्रो पटक ३५० रन भन्दा बढी बनाएको हो। यसअघि श्रीलंका विरुद्ध ४२८ रन बनाएको दक्षिण अफ्रिकाले इंगल्याण्ड विरुद्ध ३९९ रन खडा गरेको थियो।

दक्षिण अफ्रिकाको इनिङमा ओपनर डिककले १५० बल खेल्दै १५ चौका र ७ छक्काको मद्दतले १७४ रन बनाए। जारी विश्वकपमा उनको तेस्रो शतक हो । डिककले पाँच नम्बरमा ब्याटिङ गर्न आएका हेनरिक क्लासनसँग मिलेर चौथो विकेटका लागि १४२ रनको साझेदारी गरेका थिए।

क्लासनले दुई चौका र आठ छक्काका साथ ५० बलमा ९० रन बनाए। उनी अन्तिम ओभरमा गएर मात्र आउट भएका थिए।

ओपनर रिजा हेन्ड्रीक्स १२ रन बनाएर शोरीफुल इस्लामको बलमा बोल्ड भएका थिए। तेस्रो नम्बरमा आएका र्यासि भ्यान डर डसेनले पनि १ रन मात्र बनाउँदै मेहिदि हसन मिराजको सिकार बने।

त्यसपछि डीकक र कप्तान एइडन मारक्रम मिलेर तेस्रो विकेटका लागि १३१ रनको साझेदारी गरेका थिए। मारक्रम ६९ बलमा सात चौकाको मद्दतमा ६० रन बनाएर आउट भए।

डेभिड मिलर १५ बलमा एक चौका र चार छक्का सहित १५ बलमा ३४ रन बनाउँदै अभिजित रहे। यस्तै मार्को यानसन एक रनमा अभिजित रहे।

बंगलादेशका लागि हसन महमूदले छ ओभरमा ६७ रन खर्चिदै सर्वाधिक दुई विकेट लिए। यस्तै मेहिदि हसन मिराज, शोरीफुल इस्लाम र कप्तान शकिब अल हसनले समान एक-एक विकेट लिए।

दक्षिण अफ्रिका चार खेलमा तीन जित र एक हार सहित ६ अंक जोड्दै तेस्रो स्थानमा रहँदा बंगलादेश भने चार खेलमा एक जित र तीन हार सहित सातौं स्थानमा छ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.