default_image

8 months ago

October 27, 2023

नेपाल फर्केको पहिलो खेलमै आयन प्लेयर अफ द म्याच

6319 views

0 Bookmark

एजेन्सी – युएईका युवा स्पिनर आयन खान नेपाल फर्केको पहिलो खेलमै प्लेयर अफ द म्याच चुनिएका छन् । त्रिकोणात्मक टि२० आई सिरिजको फाइनल खेलमा घरेलु टोली नेपाललाई चार विकेटले हराउन आयनले उत्कृष्ट बलिङ गर्दै प्लेयर अफ द म्याच चुनिएका हुन् ।

आयनले ४ ओभरमा १९ रन खर्चेर ३ विकेट लिएपछि टियुमा टस हारेर पहिला ब्याटिङको निम्तो पाएको नेपाल निर्धारित २० ओभरमा १ सय ६२ रनमा रोकिएको थियो । आयनले आफ्नो पहिलो तथा टोलीको पाँचौं ओभरको अन्तिम बलमा ओपनर आसिफ शेखलाई ७ रनमा बोल्ड आउट गरेका थिए ।

उनले नेपालका टि२० प्रमुख खेलाडी कुशल मल्ललाई सातौं ओभरको चौथो बलमा एक रनमा बोल्ड गरेका थिए । सोमपाल कामीलाई १३ रनमा बोल्ड गर्दै कम योगफलमा रोकेका थिए ।

टोलीलाई ८ बलमा १२ रन चाहिँदा उनी ब्याटिङ गर्न क्रिजमा आएका थिए । अभिनाश बोहराको १९ औं ओभरको पाँचौं बल डट गर्दा अन्तिम बलमा एज लागेर चौका प्रहार गरेका थिए । उनको उक्त चौकाको सहयोगमा युएईलाई अन्तिम ६ बलमा जितको लागि ७ रन चाहिँएको थियो ।

आयन मलेसियामा सम्पन्न एसिसी यू१९ प्रिमियर कपको फाइनल खेलेर नेपाल फर्किएका थिए । नेपालले मंगलबार फाइनलमा युएईलाई १९ रनले हराउँदै यू१९ प्रिमियर कपको उपाधि जितेको थियो । उक्त फाइनल खेलेपछि उनी नेपाल आएका थिए । त्यसैको कारण आयनले त्रिकोणात्मक सिरिजमा हङकङ र नेपालसँगको खेल लिगका सबै गुमाएका थिए ।

आयनले यू१९ प्रिमियर कपमा ५ खेलमा १८ विकेट लिँदै प्रतियोगिता उत्कृष्ट बलर चुनिएका थिए । १७ वर्षीय उनी युएईका प्रमुख स्पिन अलराउन्डर हुन् । उनले युएईबाट २५ ओडिआईमा खेलमा ३ अर्धशतकसहित कुल ४ सय ५० रन बनाउनुको साथै ३२ विकेट लिएका छन् ।

१७ टि२० आई खेलमा १५ विकेट लिनुको साथै १ सय २६ रन बनाएका छन् । टि२० आई करिअरमा नेपालविरुद्ध खेल उनको उत्कृष्ट प्रदर्शन हो ।

आयनले २०२२ नोभेम्बरमा ओडिआईमा नेपालविरुद्ध टियुमा डेब्यू गर्दै १० ओभरमा ४ मेडनसहित १४ रन खर्चेर ४ विकेट लिँदै प्लेयर अफ द म्याच चुनिएका थिए । युएईको ओडिआई मान्यता जोगाउन उनको प्रदर्शन महत्वपूर्ण छ । उनले युएईको यू१९ टोलीको कप्तानी समेत गर्दै आएका छन् ।

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.