default_image

9 months ago

October 28, 2023

अष्ट्रेलिया टोलीमा फर्केको पहिलो खेलमै हेडको विष्फोटक शतक

2905 views

0 Bookmark

एजेन्सी – अष्ट्रेलियाका बायाँ हाते ओपनर ट्रविस हेडले आइसिसी विश्वकप २०२३ मा न्युजिल्यान्डविरुद्ध विष्फोटक शतक हानेका छन् । धर्मशालामा टस हारेर पहिला ब्याटिङको निम्तो पाएको अष्ट्रेलियाले २२ ओभरमा १ विकेट गुमाउँदै १ सय ९१ रन बनाएको छ ।

हेड ६० बलमा १० चौका र ६ छक्कासहित १ सय १ रनमा क्रिजमा छन् । हेडले ५९ बलमै शतक पूरा गरेका हुन् । उनको यो ओडिआई करिअरको चौथो शतक हो । विश्वकपमा उनको पहिलो शतक हो ।

हेड गत सेप्टेम्बरमा दक्षिण अफ्रिकाविरुद्ध चौथो ओडिआई खेल्नेक्रममा घाइते भएका थिए । तीव्र गतिका बलर जेराल्ड कोट्जीको बलले लागेर उनको बायाँ हातमा चोट लागेको थियो । त्यसैको कारण उनले विश्वकपको सुरुवाती पाँच खेल खेलेका थिएनन् । उनी नहुँदा मिचेल मार्शले ओपनिङ गरेका थिए । तर हेड फर्किदा मार्शले तेस्रो नम्बरमा खेल्नेछन् । उनको आगमनले अष्ट्रेलिया ब्याटिङ झनै उत्कृष्ट बन्नेछ ।

पहिलो विकेटका लागि हेड र डेविड वार्नरले १९.१ ओभरमा १ सय ७५ रनको सानदार शतकीय साझेदारी गरेका थिए । वार्नर ६५ बलमा ५ चौका र ६ छक्कासहित ८१ रनमा ग्लेन फिलिप्सको बलमा कट एण्ड बोल्ड आउट भए । यसअघि पाकिस्तानसँग १ सय ६३ र नेदरल्यान्ड्ससँग १ सय ४ रन बनाएका वार्नर शतकमा ह्याट्रिक हान्न चुकेका थिए ।

न्युजिल्यान्ड ५ खेलमा ४ मा जित र १ मा हारसहित ८ अंकका साथ तेस्रो स्थानमा छ । अष्ट्रेलिया ५ खेलमा ३ मा जित र २ मा हारसहित ६ अंकका साथ चौथो स्थानमा छ । शीर्ष चारमा रहँदै सेमिफाइनल खेल्न विश्वकपको सर्वाधिक सफल टोली अष्ट्रेलियालाई आजको खेल जित्नै पर्ने दबाब छ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.