काठमाडौं (हाम्रो खेलकुद) – नेपालका युवा अलराउन्डर विवेक यादवले आइसिसी टि२० विश्वकप एसिया क्षेत्र फाइनल छनोटमा सिंगापुरविरुद्ध दीपेन्द्रसिंह ऐरीको स्थान लिएका छन् ।

टसका क्रममा प्लेइङ(११ मा भएपनि दीपेन्द्र अभ्यासको क्रममा घाइते भएपछि नखेल्ने भएका हुन् । अभ्यासका क्रममा उनको खुट्टा मर्किएको बुझिएको छ । त्यसैले अन्तिम समयमा उनको स्थानमा विवेक यादवलाई टोलीमा राखिएको छ । टसका समयमा विवेक प्लेइङ ११ नभएपनि दीपेन्द्र घाइते भएपछि उनको स्थान लिएका हुन् । विवेक सुरुवात देखीनै नेपालको फिल्डिङमा छन् ।

खेलको अन्तिम समयमा कुनैपनि घाइते भएका विपक्षी टोलीको सहमतीमा खेलाडी परिवर्तन गर्न मिल्छ । त्यसैको कारण विवेक यादवले उनको स्थान लिएका हुन् ।

टियु क्रिकेट मैदानमा टस जितेर पहिला ब्याटिङ रोजेको सिंगापुरले ६.५ ओभरमा २ विकेट गुमाउँदै ५२ रन बनाएको छ । रोहन रंगराजन २९ बलमा ९ चौका र १ छक्कासहित ४६ रनमा क्रिजमा छन् । नेपालका करण र सन्दीप लामिछानेले एक एक विकेट लिएका छन् ।

तीव्र गतिका बलर करणले दोस्रो बलमै सिंगापुरका कप्तान अरित्र दत्तलाई बोल्ड आउट गरेका थिए । नेपालले टोलीमा एक परिवर्तन गरेको छ । नेपालका सन्दीप लामिछाने टोलीमा फर्किदा ललित बेन्चमा छन् ।

नेपालको प्लेइङ ११ स् आसिफ शेख ९विकेटकिपर०, कुशल भुर्तेल, कुशल मल्ल, रोहित पौडेल ९कप्तान०, विवेक यादव, सन्दीप जोरा, सोमपाल कामी, करण केसी, गुलशन झा, सन्दीप लामिछाने र अभिनाश बोहरा ।