default_image

7 months ago

October 31, 2023

लगातार दोस्रो जितको सोचमा नेपाल

4077 views

0 Bookmark

काठमाडौं (हाम्रो खेलकुद) – घरेलु टोली नेपालले आइसिसी टि२० विश्वकप एसिया फाइनल क्षेत्र छनोटमा आज मलेसियासँग खेल्दैछ । खेल दिउँसो १ : १५ मा टियु क्रिकेट मैदानमा सुरु हुनेछ ।

नेपालले पहिलो खेलमा सिंगापुरलाई ८ विकेटले हराएको थियो । मलेसिया पहिलो खेलमा ओमानसँग ३२ रनले पराजित भएको थियो । घरेलु टोली नेपाल लगातार दोस्रो जितको सोचमा हुनेछ । आज पहिलो खेलमा ओमानले सिंगापुरलाई हराए नेपाल आजको विजयीले सेमिफइनलमा समेत पुग्नेछ ।

नेपालका दीपेन्द्रसिंह ऐरी खुट्टामा चोटका कारण टोलीमा छैनन् । प्रमुख अलराउन्डर नहुँदा नेपाल समस्यामा परेको छ । दीपेन्द्रको स्थानमा विवेक यादवलाई निरन्तरता दिने देखिन्छ । पहिलो खेलमा शीर्षक्रमका ब्याटरले सहज जित दिलाएका थिए । आजको खेलमा मध्यक्रम र तल्लोक्रमका ब्याटरले राम्रो गर्नुपर्ने हुन्छ ।

प्रतियोगिता पहिलो खेलमा कुशल भुर्तेलले ७४ रन बनाउँदै राम्रो सुरुवात गरेका छन् । अर्का ओपनर आसिफ शेखबाट नेपाल राम्रो इनिङ र स्ट्राइकरेट दुबै चाहन्छ । कुशल मल्ल र सन्दीप जोराको प्रदर्शन नेपालको लागि निकै महत्वपूर्ण हुनेछ । दीपेन्द्र नहुँदा यी दुई ब्याटरले अतिरिक्त जिम्मेवारी लिनुपर्ने हुन्छ ।

कप्तान रोहित पौडेलको प्रदर्शनले नेपालको योगफल निर्धारण हुनसक्छ । नेपालको ब्याटिङमा गहिराईछ । सोमपाल कामी, करण केसी र गुलशन झा राम्रो ब्याटिङ गर्ने गर्दछन् । विवेक यादव घरेलु क्रिकेटमा राम्रो अलराउन्डर हुन् ।

तर सिनियर टोलीमा राम्रोसँग खेल्ने मौका पाएका छैनन् । सेमिफाइनल अघि विवेकलाई ब्याटिङमा मौका दिन आवश्यक देखिन्छ । प्लेइङ–११ मा भएपनि खेल्ने मौका नपाउँदा ठूला खेलमा नेपाललाई भारी पर्नसक्छ ।

नेपालले सिंगापुरविरुद्ध अभिनाश बोहरालाई सुरुवातमा बलिङ गराउँदा २२ रन खर्चेका थिए । उनलाई डेथ ओभरमा मात्रै प्रयोग गर्न आवश्यक देखिन्छ । सन्दीपलाई स्पिन आक्रामणमा कुशल मल्लले साथ दिनेछन् ।

उता मलेसियाका विरनदीप सिंह प्रमुख हतियार हुन् । एसोसिएट क्रिकेटमा २ हजार टि२० आई रन पूरा गर्ने मात्रै दोस्रो खेलाडी विरनदीप चलेको खण्डमा नेपाललाई स्तब्ध पार्न सक्छन् । उनले ओमानविरुद्ध पहिलो खेलमा अर्धशतक प्रहार गरेका थिए ।

ओपनर सैद अजिज र जुबैदी जुलकिफी यी दुई ब्याटरले पनि मलेसियाबाट लगातार राम्रो प्रदर्शन गर्दै आएका छन् । कप्तान अहमद फैज अनुभवी हुँदा राम्रो गर्नसक्छन् । बलिङ आक्रामणमा पवनदीप र विरनदीप दाजुभाइको स्पिन जोडीमा नेपाल केहि सचेत हुनुपर्छ ।

आजको पहिलो खेलमा टियु क्रिकेट मैदानमा बिहान ९ बजे सिंगापुर र ओमान खेल्नेछन् । उता मुलपानीको पहिलो खेलमा हङकङले बहराइनसँग खेल्नेछ । मुलपानीमा दोस्रो खेलमा कुवेत र युएई भिड्नेछन् ।

आजको खेलमा नेपाल, ओमान, युएई र हङकङ विजयी भएमा सबै एक खेल अगावै सेमिफाइनलमा स्थान बनाउनेछन् । अन्यथा अन्तिम खेलको नतिजा पर्खनु पर्नेहुन्छ ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.