default_image

8 months ago

October 31, 2023

विजयी छक्का हानेको बल लिएर दर्शक मोटरसाइकलमा भागेपछि..

18762 views

0 Bookmark

भुपेन्द्र जि.सी/सफल केसी, काठमाडौं

दर्शक बिना कुनैपनि खेलको लोकप्रियता कल्पना गर्न सकिदैन । खेलमा जति धेरै दर्शक त्यतिनै धेरै खेल हेर्न रमाइलो हुन्छ । क्रिकेटमा हरेक समर्थक आफ्ना ब्याटरबाट छक्का चाहन्छन् । खेल दौरान आफ्नो टोलीका खेलाडीले छक्का हान्दा दर्शक दिर्घाको माहोल बेग्लै हुन्छ । खेलाडी पनि खेलमा जित पक्का गर्न सकेसम्म छक्काबाट अन्त्य गर्न चाहन्छन् । तर कहिलेकाहीं खेलको दौरान छक्का हानेको बल दर्शकबाट फिर्ता नै आउँदैन ।

नेपालमा जारी आइसिसी टि२० विश्वकप एसिया क्षेत्र फाइनल छनोटमा त्यस्तै एक रोचक घटना घटेको छ । माथिल्लो मुलपानी क्रिकेट मैदानमा कुवेतले युएईलाई जितको लागि मात्रै ८९ रनको लक्ष्य दिएको थियो । जितका लागि एक रन चाहिँदा कुवेतका कप्तान मोहम्मद अस्लामले मित भावसारलाई बलिङ गर्न दिए ।

युवा स्पिन अलराउन्डर मितले १५ औं ओभरको पहिलो बल बासिल हामिदलाई डट राखेका थिए । मुलपानी एण्डबाट आएको दोस्रो बल बासिलले छक्का हान्दै युएईलाई पाँच विकेटको जित दिलाए । अफ स्टम्पतर्फ फ्याँकेको बललाई बासिलले डिप मिडविकेटतर्फ छक्का प्रहार गरे । मुलपानी मैदानको दर्शक बस्ने ठाउँतर्फ गरिएको उक्त विशाल प्रहारसँगै खेल पनि सकियो ।

धेरैको ध्यान युएईको उक्त जितमा थियो । तर दर्शकको ध्यान युएईसँगै त्यहाँ भएको एक रोचक घटनामा मोडियो । त्यहाँ भएका एक दर्शकले त्यो बल समाए र आफ्नो गोजीमा हाले । अनि त्यसपछि उनले फिल्मी शैलीमा आफ्नो मोटरसाइकल स्टार्ट गरेर तीव्र गतिमा हाँक्दै भागे । खेलका अम्पायर बुद्धि बहादुर प्रधानले लगातार बल मागेपनि दर्शक बल लिएर भागिसकेका थिए ।

बाहिर रहेका सुरक्षाकर्मीले बल लगेर भागेको चाल पाउन सकेका थिएनन् । उनी बल लगेर भागेको हुँदा समाउन र रोक्न अन्य दर्शकले भनेका थिए । मुलपानीको दर्शक बस्ने कच्ची मोटरबाटोमा उनले आफ्नो ज्यानको कुनै पर्वाह नै नगरी मोटरसाइकल कुदाए । उनलाई अन्यले रोक्न भनेको सुनेका पनि थिए । तर उनी रोकिएनन् ।

केहि सुरक्षाकर्मीले पछ्याउने प्रयास गरेपनि मोटरसाइकलको गतीमा कसैले भेट्टाउन सकेनन् । यद्यपि उनको मोटरसाइकलको नम्बर भने प्रहरीले प्राप्त गरिसकेको छ ।

विश्वकप छनोटका लागि मुलपानी क्रिकेट मैदानमा भेन्यु म्यानेजर रहेका राजु बस्न्यातले दर्शकले बल लगेर भाग्नु सामान्य जस्तै भएको बताएका छन् । ‘बल फिर्ता लिने प्रयास गरेका हौं । तर अब भागिसकेपछि हामीले कुनैपनि रिपार्ट गरेनौं । सुरक्षाकर्मीहरुले सोधीखोजी गरेका थिए । दर्शकले बल टिपेर भाग्यो भनेपछि उजुरी नै हाल्ने कुरा पनि भएन’, बस्न्यातले हाँस्दै हाम्रो खेलकुदसँग भने ।

जारी प्रतियोगितामा अन्तर्राष्ट्रिय स्तरकै कुकाबुरा बलले खेलाइदै आएको छ । उक्त एक बलको मूल्य २५ हजार नेपाली रुपैयाँ पुग्ने गर्दछ । एक मात्रै किन्दा त्यसको मूल्य अझ बढी पर्नसक्छ । हरेक खेलमा दुई नयाँ बल प्रयोग गर्ने गरिन्छ । फरक इनिङमा फरक बल प्रयोग हुने गर्दछ ।

यदि कुनै कारण खेलको दौरानमा बल हराएमा त्यस्तै बल पुन प्रयोग गरिन्छ । अन्य खेलमा प्रयोग भएका बल अम्पायरसँग विकल्पका रुपमा हुन्छ । सकेसम्म पुरानै बल खोज्ने र नभेटिए मात्र अर्को बल प्रयोग गरिन्छ ।

खेलमा टस जितेर पहिला रोजेको कुवेतले निर्धारित २० ओभरमा ८ विकेट गुमाउँदै ८८ रन बनाएको थियो । कुवेतका शिराज खानले टि२० आई खेलमा टेस्ट शैलीमा ब्याटिङ गरेका थिए । खानले ३१ बल खेल्दै १२ रन बनाएका थिए । यासिन पटेलले १८ बलमा १० रन बनाएका थिए ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.