9 months ago
November 2, 2023
काठमाडौं (हाम्रो खेलकुद) – मलेसियाले आइसिसी टि२० विश्वकप एसिया क्षेत्र फाइनल छनोटमा सिंगापुरलाई ६० रनले हराएको छ । जितको लागि १ सय ९९ रनको विजयी लक्ष्य पछ्याएको सिंगापुर १७.५ ओभरमा १ सय ३८ रनमा अल आउट भयो । सिंगापुरका अरित्र दत्तले ३१ बलमा ७ चौका र २ छक्कासहित सर्वाधिक ५३ रनमा आउट भए ।
रोहन रंगराजन ३१ बलमा १ चौका र २ छक्कासहित ३६ र अनिश पराम ३१ रनमा आउट भए । पहिलो विकेटका लागि अरित्र र रंगराजनले ८.५ ओभरमा ८१ रनको साझेदारी गरेका थिए । तर त्यसपछि कुनैपनि ब्याटरले राम्रो प्रदर्शन गर्न सकेनन् ।
मलेसियाका मोहम्मद आमिरले ३ ओभरमा १६ रन खर्चेर ५ विकेट लिए । पवनदीप सिंहले २, विरनदीप सिंह र रिजवान हैदरले १–१ विकेट लिए ।
त्यसअघि टियु क्रिकेट मैदानमा टस जितेर पहिला ब्याटिङ रोजेको मलेसियाले निर्धारित २० ओभरमा ४ विकेट गुमाउँदै १ सय ९८ रन बनाएको थियो । मलेसियाको जितमा कप्तान अहमद फैजले ४१ बलमा २ चौका र ६ छक्कासहित सर्वाधिक ७१ रन बनाए । ओपनर सैद अजिज ८ बलमा १ चौकासहित ८ रनमा क्याच आउट भएका थिए ।
दोस्रो विकेटका लागि शार्विन मुनिआन्दी र जुबैदी जुलकिफीले ६८ रनको साझेदारी गरेका थिए । जुबैदी १९ बलमा ३ चौका र २ छक्कासहित ३८ रनमा थिलाप्पनको बलमा बोल्ड आउट भए ।
तेस्रो विकेटका लागि मुनिआन्दी र फैजले ९२ रनको साझेदारी गरेका थिए । मुनिआन्दी ४८ बलमा ८ चौकासहित ६० रनमा नटआउट रहे । विरनदीप सिंह ५ बलमा १ छक्कासहित ८ रनमा क्याच आउट भए ।
सिंगापुरका रमेश कलिमुथुले ४ ओभरमा ४८ रन खर्चेर २ विकेट लिए । जनक प्रकाश र थिलिप थिलाप्पनले एक एक विकेट लिए । समूह ए बाट दुबै टोली सेमिफाइनल दौडबाट बाहिरिएका थिए । समूह ए बाट ओमान शीर्ष र नेपाल दोस्रो स्थानमा रहँदै सेमिफाइनलमा पुगेका छन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]