default_image

7 months ago

November 2, 2023

नेपाललाई युएईसँग बदला लिँदै विश्वकप खेल्ने अवसर

1677 views

0 Bookmark

काठमाडौं (हाम्रो खेलकद) – नेपाल सन् २०२२ फेब्रुअरी २२ मा आइसिसी टि२० विश्वकप ग्लोबल ए छनोटको सेमिफाइनल खेलमा युएईसँग ६८ रनले पराजित हुँदै विश्वकप खेल्न पाएको थिएन । ओमानको अल अमरेत मैदानमा २०२२ मा अष्ट्रेलिया हुने टि२० विश्वकपमा स्थान बनाउन नेपाल र युएईबीच सेमिफाइनल खेल भएको थियो । त्यो भिडन्तमा युएईले बाजी मारेको थियो ।

युएईले टस जितेर पहिला ब्याटिङ गर्ने निर्णय लिँदै सानदार सुरुवातका साथ खेल मोडेको थियो । नेपालका करण केसी र सोमपाल कामी दुबै चोटका कारण थिएनन् । तीव्र गतिका बलर जितेन्द्र मुखियाले ओपनर चिराग सुरीलाई ४ रनमै क्याच आउट गराएका थिए ।

तर वृत्य अरविन्दले २३ बलमा ५ चौका र ३ छक्कासहित ४६ रनको इनिङ खेल्दै सानदार सुरुवात दिलाएका थिए । त्यो सुरुवातलाई कप्तान मोहम्मद वासिमले ४८ बलमा ४ चौका र ४ छक्कासहित ७० रनको इनिङ खेल्दै निर्धारित २० ओभरमा ७ विकेट गुमाउँदै १ सय ७५ रन बनाएको थियो ।

जितको लागि १ सय ७६ रनको विजयी लक्ष्य पछ्याएको नेपाल सुरुवात नै सम्झन लायक थिएन । तीव्र गतिका बलर जहुर खान र जुनैद सिद्दिकले १४–३ को अवस्थामा पुर्याएका थिए । त्यसपछि कप्तान अहमद राजाले ५ विकेट लिँदै नेपाललाई १ सय ७ रनमा अल आउट गर्दै विश्वकप सपना समाप्त पारेका थिए ।

दुई वर्षपछि नेपालले विश्वकपमा पुग्न पुन युएईसँग खेल्दैछ । त्यो बेला नेपाल समूह विजेता र युएई समूह उपविजेता बनेका थिए । तर यो पटक युएई समूह विजेता र नेपाल उपविजेता बनेर सेमिफाइनल खेल्न लागेका हुन् ।

शुक्रबार मुलपानी मैदानमा नेपाल र युएईबीच बिहान ११ बजे सेमिफाइनल खेल हुँदैछ । नेपालको लक्ष्य युएईलाई हराउँदै २०२४ को विश्वकपमा स्थान बनाउने हुनेछ । विश्वकपमा स्थान बनाउने मात्रै हुनेछैन, २०२१ को बदला लिने सोच पनि हुनेछ । तर युएईलाई हराउन नेपालले आफ्नो उत्कृष्ट क्रिकेट खेल्नुपर्ने हुन्छ ।

युएईका कप्तान मोहम्मद वासिम यस पटक पनि निर्णायक बन्ने देखिन्छ । उनको प्रदर्शनले युएईको नतिजा धेरै निर्भर बन्नेछ । यसै साता त्रिकोणात्मक टि२० आई सिरिजको फाइनलमा नेपाललाई हराउन वासिमले महत्वपूर्ण ४५ रन जोडेका थिए ।
गत वर्षका नायक वृत्य अरविन्द नेपालविरुद्ध खेल्ने वा नखेल्ने अन्यौल छ ।

हङकङविरुद्ध खेल्नेक्रममा उनको हातको नाडीमा चोट लागेको थियो । उनी नखेल्दा अर्यांश शर्माले खेल्नेछन् । मध्यक्रममा बासिल हामिद र अली नासिरको प्रदर्शन महत्वपूर्ण हुनेछ ।

जुनैद र जहुर अहिले पनि प्रमुख बलर हुन् । स्पिनर आयन खानले नेपालविरुद्ध लगातार सानदार प्रदर्शन गर्दै आएका छन् । युएईले समूह चरणमा मुलपानीमा तीन खेल खेलेको थियो । त्यसैले युएईलाई केहि फाइदा समेत हुनेछ ।

ओमानसँगको पाँच रनको हारले नेपालको सहज विश्वकप यात्रा कठिन बनेको हो । यदि ओमानलाई हराउन सकेको भए नेपालले टियु मैदानमा बहराइनसँग सेमिफाइनल खेल्न पाउथ्यो । क्रिकेटमा कुनै भर हुँदैन । स्तर अनुसार बहराइनसँग खेल्दा विश्वकप यात्रा केहि सहज हुनसक्थ्यो ।

तर नेपालले युएईलाई हराउन आफ्नो उत्कृष्ट क्रिकेट खेल्नुपर्छ । ब्याटरले जिम्मेवारी लिन आवश्यक देखिन्छ । प्रमुख अलराउन्डर दीपेन्द्रसिंह ऐरी घाइते हुनु नेपालको लागि ठूलो झड्का हो । दीपेन्द्रले बिहीबार नेटमा अभ्यास गरेका थिए । उनी शुक्रबार खेल खेल्न सक्ने झिनो आशा पनि देखिन्छ । यदि जोखिम मोलेर दीपेन्द्र खेल्दा सन्दीप जोरा बाहिर हुने देखिन्छ ।

कुशल भुर्तेल र कुशल मल्ल नेपालका प्रमुख टि२० खेलाडी हुन् । यी दुई खेलाडीको उच्च प्रदर्शन विना नेपालको विश्वकप यात्रा कठिन देखिन्छ । आसिफ शेख, रोहित पौडेल र सन्दीप जोराले इनिङमा ध्यान दिनुपर्छ । मुलपानीको पिच स्पिनर सहयोगी छ । सन्दीप लामिछानेको प्रदर्शन निकै महत्वपूर्ण हुनेछ ।

करण, सोमपाल र अभिनाशबाट नेपाल सानदार बलिङ प्रदर्शन चाहन्छ । घरेलु मैदान, दर्शक र कन्डिसनले गर्दा नेपाल थप मजबुत छ । त्यसैले नेपाललाई २०१४ पछि टि२० विश्वकप खेल्ने यो गोल्डेन अवसर हो । अर्कोतर्फ युएईसँग बदला लिने राम्रो अवसर पनि हो ।

नेपालले गत वैशाखमा एसिसी प्रिमियर कपको फाइनलमा युएईलाई हराउँदै उपाधि जितेको थियो । प्रिमियर कपको उपाधि जित्दै नेपालले एसिया कप खेलेको थियो । गत फागुनमा यु१९ टोलीले युएईलाई हराउँदै ८ वर्षपछि विश्वकपमा स्थान बनाएको थियो । नेपाल पनि युएईलाई हराउँदै १० वर्षपछि टि२० विश्वकपमा स्थान बनाउन चाहन्छ ।

२०२१ पछि नेपालको टोलीमा युद्ध स्तरमा परिवर्तन भएको छ । त्यो समय नेपालको ब्याटिङ प्रमुख कमजोरीको रुपमा थियो । तर अहिले मुख्य हतियार ब्याटिङ हो । त्यो समय नेपालको टोलीमा एकता थिएन । खेलाडी, क्यान, कप्तान र प्रशिक्षकबीच राम्रो सम्बन्ध पनि थिएन । पछिल्लो एक वर्षमा मोन्टी देशाईको आगमनले यी सबै समस्या अन्त्य भएका छन् ।

नेपालले क्रिकेटमा कुनैपनि कुरा सहजै हात पार्दैन । आइसिसी विश्वकप लिग-२ मा अन्तिम १२ मध्य ९ खेल जितेर नेपालले ओडिआई मान्यता जोगाएको थियो । १२ मध्य ११ खेल जितेर विश्वकप छनोट खेलेको थियो ।

नेपालले पछिल्लो समय दबाबमा खेल्न जानेको छ । फेरिएको टोलीले युएईलाई पुन हराउँदै विश्वकपमा स्थान बनाउन चाहन्छ । यो युएईसँग २०२१ को सेमिफाइनलमा हारेको बदला लिने सबैभन्दा राम्रो समय पनि हो ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.