default_image

7 months ago

November 4, 2023

नेपालको जितका पाँच टर्निङ प्वाइन्ट

6027 views

0 Bookmark

काठमाडौं (हाम्रो खेलकुद) – नेपालले आइसिसी टि२० विश्वकप एसिया क्षेत्र फाइनल छनोटको सेमिफाइनल खेलमा युएईलाई ८ विकेटले हराउँदै विश्वकपमा स्थान बनायो । नेपालले १० वर्षपछि टि२० विश्वकपमा स्थान बनाएको हो ।

समूह चरणमा ओमानसँग पाँच रनको हारले धेरैले नेपालको विश्वकप यात्रा कठिन हुनसक्ने अनुमान गरेको थियो । तर मुलपानी मैदानमा नेपालले सानदार प्रदर्शनका साथ सहज रुपमा विश्वकपमा स्थान बनायो ।

मुलपानी क्रिकेट मैदानमा टस जितेर पहिला ब्याटिङ रोजेको युएईले निर्धारित २० ओभरमा ९ विकेट गुमाउँदै १ सय ३४ रन बनाएको थियो । उक्त विजयी लक्ष्य पछ्याएको नेपालले १७.१ ओभरमा २ विकेट गुमाउँदै पूरा गर्या । नेपालको जितका पाँच टर्निङ प्वाइन्ट यस प्रकार छन् ।

५. खालिदको रन आउट

युएईले खेलमा राम्रो सुरुवात गरेको थियो । त्यो समय नेपाललाई खेलमा फर्किन एउटा विकेट चाहिँएको थियो । सुरुवाती तीन ओभरमै २९ रन जोेड्दै युएईले नेपाललाई केहि दबाबमा राखेको थियो । तर सोमपाल कामीको चौथो ओभरको पहिलो बलमा खालिद शाह ३ रनमा रन आउट गर्दै नेपाललाई पहिलो सफलता दिलाए ।

नन स्ट्राइकबाट खालिद स्ट्राइकमा जानेक्रममा रन आउट भएका थिए । त्यसपछि नेपाल खेलमा फर्किदै निरन्तर दबाबमा राखेको थियो । त्यहिँ रन आउटको दबाबको कारण वासिम त्यसै ओभरमा आउट भएका थिए । खालिदको रन आउटले नेपालको मोमेन्ट्स फर्किएको थियो । त्यसैले नेपालको जितमा त्यो एउटा टर्निङ प्वाइन्ट थियो ।

४. आसिफको जिम्मेवारी प्रदर्शन

नेपालले ओमानविरुद्ध १ सय ४६ रन पूरा गर्न सकेको थिएन । त्यसमा खेलाडीको जिम्मेवारीको कमी थियो । तर युएईविरुद्ध नेपाली खेलाडीले जिम्मेवारी देखाएका थिए । स्कोर बोर्डमा ठूलो रन नहुँदा कुनै दबाब थिएन ।

ओपनर आसिफ शेखले ५१ बलमा ६४ रन बनाउँदै सहज जित दिलाए । सुरुवात देखीनै उनले विकेट नदिदै युएईलाई दबाबमा राखेका थिए ।

३. कुशल र सन्दीपको राम्रो अन्त्य

एक समय युएई १७ ओभरमा ११८-५ को अवस्थामा थियो । क्रिजमा वृत्य ५४ र बासिल हामिद १ रनमा थिए । यी दुई चलेको खण्डमा बाँकी १८ बलमा युएईले राम्रो अन्त्य गर्न सक्थ्यो ।

डेथ ओभरमा तीव्र गतिका बलरले लगातार खराब प्रदर्शन गदै आएका थिए । नेपालका सन्दीप लामिछानेले १८ औं ओभरमा उच्च लयमा रहेका बासिलको विकेट लिँदै विकेट मेडन राखेका थिए । अन्तिम ओभरमा कुल मल्लले तीन विकेट लिँदा पाँच रन दिएका थिए । यी दुई ओभर राम्रो हुन नसकेको भए नतिजा अर्कै हुनपनि सक्थ्यो ।

नेपालले करण केसीलाई अन्तिम ओभरमा बलिङ नदिने निर्णय लियो । अन्तिम ओभरमा करणको राम्रो इतिहास पनि खासै छैन । करणलाई नदिएर कुशल मल्ललाई दिने निर्णय पनि जितको एक टर्निङ प्वाइन्ट थियो ।

२. स्पिनरको उत्कृष्ट प्रदर्शन

युएईका ब्याटरले स्पिनर सामु संघर्ष गर्दै आएका छन् । नेपाली स्पिनरले त्यसको भरपूर्ण फाइदा उठानए । नेपालका तीन स्पिनरले ८ ओभरमा ३१ रन खर्चेर ६ विकेट लिएका थिए । नेपालका सन्दीप लामिछानेले ४ ओभरमा १ मेडनसहित १४ रन खर्चेर २ विकेट लिए ।

कुशल मल्लले ३ ओभरमा ११ रन खर्चेर ३ विकेट लिए । रोहितले १ ओभरमा ६ रन खर्चेर १ विकेट लिएका थिए । स्पिनरको उच्च प्रदर्शनको सहयोगमा नै नेपालको सहज जित सम्भव भएको थियो । उता तीव्र गतिका बलर करण केसीले ३ ओभरमा २६, सोमपाल कामीले ३ ओभरमा १५, गुलशन झाले ३ ओभरमा २४ र अभिनाश बोहराले ३ ओभरमा ३६ रन खर्चेका थिए । सोमपालले मात्रै एक विकेट लिएका थिए ।

१. वासिमको विकेट

नेपालको हार वा जित युएईका मोहम्मद वासिमको विकेटमा निर्भर थियो । वासिमले सुरुवाती तीन ओभरमा १६ बलमा ३ चौका र २ छक्कासहित २६ रन बनाउँदै नेपाललाई दबाबमा राखेका थिए ।

तर सोमपाल कामीको चौथो ओभरको चौथो बलमा ठूलो सर्टको धुनमा वासिम डिप मिडविकेटमा करण केसीबाट क्याच आउट भए । त्यसपछि नेपाल खेलमा हाबी बनेको थियो । त्यो विकेट नै नेपालको जितमा टर्निङ प्वाइन्ट थियो ।

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

June 12, 2024

अष्ट्रेलिया सुपर ८ मा प्रवेश

एजेन्सी – उपाधि दावेदार अष्ट्रेलिया आइसीसी टि२० विश्वकपमा लगातार तेस्रो जित दर्ता गर्दै सुपर ८ मा प्रवेश गरेको छ । मंगलबार भएको खेलमा नामिबियामाथि ९ विकेटको एकपक्षीय जित निकाल्दै अष्ट्रेलिया अघिल्लो चरणमा प्रवेश गरेको हो । नामिबियाले प्रस्तुत गरेको ७३ रनको सामान्य लक्ष्य अष्ट्रेलियाले छैटौं ओभरमा पूरा गर्यो । अष्ट्रेलियाका लागि ओपनर डेविड वार्नरले ८ […]

Success

Thank you for your time.