2 years ago
November 4, 2023
काठमाडौं (हाम्रो खेलकुद) – नेपालले आइसिसी टि२० विश्वकप एसिया क्षेत्र फाइनल छनोटको फाइनलमा आइतबार ओमानसँग खेल्दैछ । खेल ११ बजे बिहान टियु क्रिकेट मैदानमा सुरु हुनेछ । नेपालले सेमिफाइनल खेलमा युएईलाई ८ विकेटले हराउँदै फाइनलमा स्थान बनाएको थियो । उता ओमानले बहराइनलाई १० विकेटले हराउँदै फाइनलमा स्थान बनाएको थियो ।
फाइनलमा पुग्दै दुबै टोली २०२४ को विश्वकपमा स्थान बनाएको छन् । नेपालले सेमिफाइनल खेलबाट टोलीमा एक परिवर्तन गर्ने पक्का छ । विश्वकपमा पुग्न युएईलाई हराउनै पर्ने हुँदा दीपेन्द्रसिंह ऐरीले आफ्नो करिअरनै जोखिममा मोलेर उक्त खेल खेलेका थिए ।
तर फाइनल उनी खेल्नेछैनन् । खुट्टाको चोट हुँदा उनले फाइनल नखेल्ने पक्का छ । फाइनल हार्दा पनि नेपाललाई खासै ठूलो घाटा हुनेछैन । त्यसैले दीपेन्द्रले उक्त जोखिम लिने छैनन् ।
दीपेन्द्र नखेल्दा नेपालले सन्दीप जोरा वा विनोद भण्डारी मध्य एकलाई मौका दिने देखिन्छ । दीपेन्द्र सन्दीप जोरालाई बेन्चमा राख्दै टोलीमा फर्किएका थिए । दीपेन्द्र नखेल्दा नेपालले जोरालाई मौका दिनसक्छ । टोलीमा अन्य परिवर्तनको भने सम्भावना देखिदैन ।
नेपालले समूह चरणमा ओमानसँग पाँच रनले हारेको थियो । नेपाल त्यो हारको बदला लिँदै उपाधि जित्न चाहन्छ ।
नेपालले ओमानसँग मध्यक्रममा खराब ब्याटिङका कारण हारेको थियो ।
जितको लागि १ सय ४६ रनको विजयी लक्ष्य पछ्याउनेक्रममा एक समय ११ ओभरमा ७४-४ को अवस्थामा हुँदा १६ ओभरमा ८६–८ को दयनीय अवस्थामा पुगेको थियो । अन्तिम ६ बलमा जितको लागि २६ रन चाहिँदा विवेक यादवले सुरुवाती तीन बलमा लगातार तीन छक्का हानेपनि जिताउन सकेका थिएनन् ।
विवेकको उक्त प्रदर्शनले टोलीको मनोबल भने झनै उच्च हुनेछ । मध्यक्रमका ब्याटर कुशल मल्ल, सन्दीप जोरा र रोहित पौडेलले खेलमा ध्यान दिनुपर्ने हुन्छ ।
नेपालको सम्भावित प्लेइङ–११ :
कुशल भुर्तेल, आसिफ शेख (विकेटकिपर), रोहित पौडेल (कप्तान), कुशल मल्ल, सन्दीप जोरा, विवेक यादव, गुलशन झा, सोमपाल कामी, करण केसी, अभिनाश बोहरा र सन्दीप लामिछाने ।
July 10, 2025
काठमाडौं (हाम्रो खेलकुद) – नेपाली राष्ट्रिय क्रिकेट टोलीका पूर्व कप्तान सन्दीप लामिछाने डेनिम एण्ड डेभिलको ब्राण्ड एम्बासडर नियुक्त भएका छन् । बिहीबार होटल हिमालयमा आयोजित एक कार्यक्रममा क्लथिङ ब्राण्ड डेनिम एण्ड डेभिल र लेग स्पीनर सन्दीपबीच सम्झौता भएको हो । सम्झौतामा डेनिम एण्ड डेभिलका तर्फबाट सिइओ धनश्याम काफ्ले र सन्दीपले हस्ताक्षर गरे । सम्झौता अवधी […]
July 10, 2025
काठमाडौं (हाम्रो खेलकुद) – नेपाली राष्ट्रिय क्रिकेट टोलीका पूर्व मुख्य प्रशिक्षक मोन्टी देसाइ काठमाडौं गोर्खाजको प्रशिक्षकमा नियुक्त भएका छन् । नेपाल प्रिमियर लिग (एनपिएल) को दोस्रो संस्करणको लागि काठमाडौंले देसाइलाई मुख्य प्रशिक्षकको रुपमा नियुक्त गरेको आफ्नो सामाजिक संजालमार्फत जनाएको छ । एनपिएलको पहिलो संस्करणमा बसन्त शाही ठकुरी काठमाडौंको प्रमुख प्रशिक्षक थिए । काठमाडौंका नवनियुक्त मुख्य […]
July 10, 2025
सुमन अधिकारी, बुटवल लुम्बिनी प्रदेश खेलकुद परिषदले एसीसी मेन्स यु-१६ इस्टन जोन कपको विजेता नेपाली टोली दुई खेलाडी शुभम खनाल र रौनक श्रीवास्तव तथा सहायक प्रशिक्षक पुरणसिंह खत्री लाई नगदसहित सम्मान गरेको छ । परिषद्ले प्रदेश राजधानी देउखुरीमा बिहिवार कार्यक्रमको आयोजना गरि प्रति खेलाडी १ लाख र सहायक प्रशिक्षकलाई ५० हजार रुपैयाँसहित सम्मान गरेको हो […]