9 months ago
November 5, 2023
काठमाडौं (हाम्रो खेलकुद) – नेपालका तीव्र गतिका बलिङ अलराउन्डर गुलशन झाले आइसिसी टि२० विश्वकप एसिया क्षेत्र छनोटमा उत्कृष्ट युवा नेपाली खेलाडीको अवार्ड पाउँदै मोटरसाइकल पाउने भएका छन् । नेपाल फाइनलमा सुपर ओभरमा पराजित भएपनि गुलशनले उक्त अवार्ड पाएका हुन् ।
गुलशनले ५ खेलमा ७९ रन बनाउनुको साथै ५ विकेट लिएका थिए । गुलशनले ओमानविरुद्ध ५४, युएईविरुद्ध २२ र ओमानविरुद्ध ३ रन बनाएका थिए । सिंगापुरविरुद्ध २ विकेट लिएका उनले मलेसिया र ओमानसँग १-१ विकेट लिएका थिए । गुलशनले पल्सरको १ सय ६० सिसीको मोटरसाइकल पाउनेछन् ।
ओमानलाई उपाधि जिताउन सानदार अलराउन्डर प्रदर्शन गरेका अकिब इल्यास प्रतियोगिता सर्वोत्कृष्ट खेलाडी चुनिएका छन् । अकिबले प्रतियोगितामा ओमानलाई अपराजित रहँदै उपाधि जिताउन १ सय रन बनाउनुको साथै १० विकेट लिएका थिए । नेपाललाई फाइनलमा हराउन ३३ रन बनाउनुको साथै २ विकेट लिएका छन् ।
ओमानका बिलाल खान प्रतियोगिता उत्कृष्ट बलर चुनिए । उनले ५ खेलमा ११ विकेट लिएका थिए । ओमानलाई उपाधि जिताउन प्रतियोगिताभर सानदार प्रदर्शन गरेका थिए ।
नेपालका कुशल भुर्तेल प्रतियोगिता उत्कृष्ट ब्याटर चुनिए । कुशलले ५ खेलमा १ अर्धशतकसहित कुल १ सय ८५ रन बनाएका थिए । नेपाल सुपर ओभरमा फाइनलमा ओमानसँग पराजित भएको छ ।
नेपाल र ओमानले २०२४ को टि२० विश्वकप खेल्न पाउनेछन् । नेपालले सेमिफाइनलमा युएई र ओमानले बहराइनलाई हराउँदै विश्वकपमा स्थान बनाएका थिए।
यसअघि अकिब इल्यास सवोृत्कृष्ट खेलाडी हुनुपर्नेमा अन्यथा भएकोमा सच्चाईएको छ,सम्पादक ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]