एजेन्सी – श्रीलंकाका अनुभवी ब्याटर एन्जिलो म्याथ्युज क्रिकेट इतिहासमा टाइम्ड आउट हुने पहिलो खेलाडी बनेका छन् । भारतमा जारी आइसिसी विश्वकप २०२३ मा बंगलादेशविरुद्ध क्रिजमा समयमै ब्याटिङ गर्न नआएपछि उनी टाइम्ड आउट भएका हुन् ।

कप्तान सकिब अल हसनले सदिरा समाराविक्रमालाई ४१ रनमा क्याच आउट गराए । तर अर्को बलमा म्याथ्युज टाइम आउट भए । उनी ब्याटिङ गर्न मैदान आएका थिए । म्याथ्युज क्रिजमा आएपनि हेल्मेट परिवर्तन गर्न थप समय लगाएपछि बंगलादेशका कप्तान सकिब अल हसनले टाइम्ड आउट अपिल गरेका थिए । हेल्मेटमा समय बढी लगाएपछि उनी टाइम्ड आउट भएका हुन् ।

क्रिकेट इतिहासमा यसरी आउट हुने पहिलो खेलाडी बनेका छन् । नियम अनुसार कुनैपनि खेलाडी ब्याटिङ गर्न तीन मिनेटभीत्रमा आइसक्नुपर्छ । यस विश्वकपको नियम अनुसार दुई मिनेट भित्र ब्याटिङ गर्न आइ सकेको हुनुपर्छ । उनी सदिरा आउट भएपछि अर्को बल सामना गर्न दुई मिनेट भित्रमा तयार भई सकेको हुनु पर्ने थियो ।

म्याथ्युज दुई मिनेट नपुग्दै मैदान आएका थिए । तर पहिला आफूले लिएको हेल्मेटमा केहि समस्या भएपछि उनले ड्रेसिङ रुमबाट पुन हेल्मेट मगाएका थिए । पुन हेल्मेट मगाउदा दुई मिनेट भन्दा बढी समय लागेको थियो । त्यसैको कारण म्याथ्युज बल सामना तयार भएका थिएनन् ।

तर उनले दुई मिनेट भन्दा बढी समय लगाएका थिए । म्याथ्युजले बंगलादेशका कप्तानलाई हेल्मेट समस्या देखाएका थिए । तर बंगलादेशको टोलीको अपिलपछि उनी नियम अनुसार आउट हुन पुगे । यसरी आउट हुने क्रिकेट इतिहासमा पहिलो खेलाडी बनेका छन् ।

श्रीलकाले ४६ ओभरमा ७ विकेट गुमाउँदै २ सय ६१ रन बनाएको छ । चरिथ असंलका ९४ रनमा खेलेका छन् ।