एजेन्सी – मध्यक्रमका ब्याटर चरिथ असलंकाको शतकमा श्रीलंकाले आइसिसी विश्वकप २०२३ मा बंगलादेशलाई २ सय ८० रनको प्रतिस्पर्धात्मक लक्ष्य दिएकोछ । दिल्लीमा टस हारेर पहिला ब्याटिङको निम्तो पाएको श्रीलंका ४९.३ ओभरमा २ सय ७९ रनमा अल आउट भयो ।

श्रीलंकाका चरिथ असलंकाले १ सय ५ बलमा ६ चौका र ५ छक्कासहित सर्वाधिक १ सय ८ रनको शतकीय इनिङ खेलेका थिए । चरिथ बाहेक अन्य कुनैपनि ब्याटरले ठूलो इनिङ खेल्न सकेनन् । ओपनर पाथुम निसंका ३६ बलमा ८ चौकासहित ४१ रनमा आउट भए । कुशल परेरा ४ र कुशल मेन्डिस १९ रनमा आउट भएका थिए ।

सदिरा समाराविक्रमा ४२ बलमा ४ चौकासहित ४१ रनमा सकिब अल हसनको बलमा क्याच आउट भए । हसनको बलमा सदिरा महमुदूल्लाहबाट क्याच आउट भएका थिए ।

उनी आउट भएपछि हेल्मेट समस्याको कारण तयार हुन दुई मिनेट समय भन्दा बढी लगाएपछि एन्जिलो म्याथ्युज टाइम आउट भएका थिए । क्रिकेट इतिहासमा म्याथ्युज टाइम आउट हुने पहिलो खेलाडी हुन् ।

धनन्जय डि सिल्भा ३४, महेश थिक्सेना २२ र दुश्मन्था चामिरा ४ रनमा आउट भएका थिए । बंगलादेशका तान्जिम हसन सकिबले १० ओभरमा ८० रन खर्चेर ३ विकेट लिए । सकिब अल हसनले १० ओभरमा ५७ रन खर्चेर २ विकेट लिए । शोरिफुल इस्लामले ९.३ ओभरमा ५२ रन खर्चेर २ विकेट लिए ।