4 weeks ago
November 7, 2023
एजेन्सी – अष्ट्रेलियाले आइसिसी विश्वकप २०२३ मा आज अफगानिस्तानसँग खेल्दैछ । खेल दिउँसो २ : १५ मा मुम्बईमा रहेको वानखडे स्टेडियममा सुरु हुनेछ । अष्ट्रेलिया अफगानिस्तानलाई हराउँदै एक खेल अगावै सेमिफाइनलमा पुग्न चाहन्छ । उता अफगानिस्तानलाई सेमिफाइनलमा पुग्ने सम्भावना कायमै राख्न यो खेल जित्नै पर्ने हुन्छ । अष्ट्रेलिया ७ खेलमा ५ मा जित र २ […]
एजेन्सी – अष्ट्रेलियाले आइसिसी विश्वकप २०२३ मा आज अफगानिस्तानसँग खेल्दैछ । खेल दिउँसो २ : १५ मा मुम्बईमा रहेको वानखडे स्टेडियममा सुरु हुनेछ । अष्ट्रेलिया अफगानिस्तानलाई हराउँदै एक खेल अगावै सेमिफाइनलमा पुग्न चाहन्छ । उता अफगानिस्तानलाई सेमिफाइनलमा पुग्ने सम्भावना कायमै राख्न यो खेल जित्नै पर्ने हुन्छ ।
अष्ट्रेलिया ७ खेलमा ५ मा जित र २ मा हारसहित १० अंकका साथ तेस्रो स्थानमा छ । आजको खेलमा विजयी भएमा अष्ट्रेलिया १२ अंकका मा पुग्नेछ । सेमिफाइनलमा पुग्न अष्ट्रेलियालाई आजको जित पर्याप्त हुनेछ । उता अफगानिस्तान ७ खेलमा ४ मा जित र ३ मा हारसहित ८ अंकका साथ छैटौं स्थानमा छ ।
अफगानिस्तानले अव अष्ट्रेलिया र दक्षिण अफ्रिकासँग खेल्न बाँकी छ । यी दुबै खेलमा विजयी भएका अफगानिस्तानले पहिलो पटक सेमिफाइनल खेल्नेछ । आजको खेलमा पराजित हुँदा अफगानिस्तानको सेमिफाइनल सम्भावना निकै कठिन बन्ने देखिन्छ ।
अष्ट्रेलियाले सुरुवाती दुई खेल हारेको थियो । त्यसपछि अष्ट्रेलियाले लगातार पाँच खेल जित्दै सेमिफाइनल सम्भावना बढाएको हो । आजको खेलमा स्टिभ स्मिथ खेल्ने सम्भावना कम छ ।
प्रमुख ब्याटर मिचेल मार्श फर्किनेछन् । पछिल्लो खेलमा घाइते भएमा ग्लेन म्याक्सवेल पनि आजको खेलमा उपलब्ध हुनेछन् । डेविड वार्नर र ट्रविस हेडको लय रोक्न अफगानी बलरलाई कठिन पर्नसक्छ । मिचेल मार्श र ग्लेन म्याक्सवेलले पनि राम्रो गर्दै आएका छन् ।
स्पिनर एडम जाम्पाले यस विश्वकपमा ७ खेलमा १९ विकेट लिई सकेका छन् । जाम्पाबाट अष्ट्रेलिया पुन सानदार प्रदर्शन चाहन्छ । मिचेल स्टार्क, जोश हेजलवुड र प्याट कमिन्सको गतीमा खेल्न सहज हुनेछैन ।
उता अफगानिस्तानका रहमानउल्लाह गुरबाज र इब्राहिम जद्रान प्रमुख ब्याटर हुन् । यी दुई ब्याटरले दिने सुरुवातले भर पर्नेछ । उता मध्यक्रममा रहमात शाह र कप्तान हश्मातुल्लाह शाहिदीले पनि राम्रो गर्दै आएका छन् । युवा अलराउन्डर आजमतुल्लाह ओमरजाईले राम्रो अन्त्य गर्दै आएका छन् ।
अफगानिस्तानको मुख्य हतियार नै स्पिन आक्रामण हो । मुजिब उर रहमान, राशिद खान, नुर अहमद र मोहम्मद नाबीको स्पिन आक्रामण खेल्न अष्ट्रेलिया ब्याटरलाई सहज पक्का हुनेछैन ।
December 6, 2023
एजेन्सी – भारतीय २३ वर्षीय युवा स्पिनर रवि विश्रोई अन्तर्राष्ट्रिय क्रिकेट परिषद् (आइसिसी) ले सार्वजनिक गरेको नयाँ टि२० आई वरियता बलिङतर्फ शीर्ष स्थानमा उक्लिएका छन् । यसै साता अष्ट्रेलियाविरुद्ध पाँच टि२० आई खेलको सिरिजमा सानदार प्रदर्शन गरेपछि विश्रोई शीर्ष स्थानमा उक्लिएका हुन् । लेग स्पिनर उनले अफगानिस्तानका राशिद खानलाई पछि पार्दै शीर्ष स्थानमा छ । […]
December 6, 2023
एजेन्सी – पाकिस्तान कप्तान शन मसूदले वार्मअप खेलमा प्राइभ मिनिस्टर–११ विरुद्ध उत्कृष्ट प्रदर्शन गरेका छन् । क्यानबेरामा टस जितेर पहिला ब्याटिङ रोजेको पाकिस्तानले पहिलो दिनको समाप्तिमा ३२४–६ को अवस्थामा छ । पहिलो पटक पाकिस्तानको कप्तानी गरेका उनी २ सय ३५ बलमा १३ चौका र १ छक्कासहित १ सय ५६ रनमा क्रिजमा छन् । पूर्व कप्तान […]
December 6, 2023
एजेन्सी – क्रिकेटमा समय समयमा रोचक घटनाहरु घट्ने गर्दछन् । ढाकामा जारी बंगलादेश र न्युजिल्यान्डबीचको दोस्रो टेस्ट खेलको क्रममा एक रोचक घटना घटेकोछ । ढाकामा टस जितेर पहिला ब्याटिङ रोजेको बंगलादेशले कमजोर ब्याटिङ गरेको छ । त्यसैक्रममा मध्यक्रमका प्रमुख ब्याटर मुश्फिकुर रहिम बल समाउन खोज्दा आउट हुन पुगेका छन् । तीव्र गतिका बलर काइल जेमिसनको […]