9 months ago
November 7, 2023
काठमाडौं (हाम्रो खेलकुद) – नेपालका दुई टोलीले पहिलो पटक एकै वर्ष विश्वकप खेल्ने भएका छन् । नेपालको सिनियर र यू१९ टोली दुबैले २०२४ मा विश्वकप खेल्दैछन् ।
नेपालले २०२४ जुन ४ दखी ३० सम्म वेस्टइन्डिज र अमेरिकामा संयुक्त रुपमा आयोजना हुने टि२० विश्वकप खेल्दैछ । उता यू-१९ विश्वकप जनवरी १३ देखी फेब्रुअरी ४ सम्म श्रीलंकामा हुँदैछ । नेपालको दुबै टोलीले निर्णायक खेलमा युएईलाई हराउँदै विश्वकपमा स्थान बनाएका हुन् ।
नेपालले २०१४ मा पहिलो पटक टि२० विश्वकप बंगलादेशमा खेलेको थियो । तर त्यो वर्ष यू१९ टोलीले विश्वकप खेलेको थिएन । त्यसैले नेपालको यू१९ र सिनियर टोलीले एकै वर्ष विश्वकप खेल्नेछन् । सिनियर टोलीले २०१४ र यू१९ टोलीले २०१६ पछि पहिलो पटक विश्वकप खेल्नेछन् ।
नेपालले माथिल्लो मुलपानी मैदानमा आइसिसी टि२० विश्वकप एसिया क्षेत्र फाइनल छनोटको सेमिफाइनल खेलमा युएईलाई ८ विकेटले हराउँदै टि२० विश्वकपमा पुगेको हो । नेपालले दोस्रो पटक विश्वकपमा स्थान बनाएको हो ।
नेपालले समूह चरणमा सिंगापुरलाई ८ विकेट र मलेसियालाई ६ विकेटले हराएको थियो । ओमानसँग पाँच रनले हारेको थियो । फाइनलमा भने नेपाल ओमानसँग नै सुपर आोभरमा पराजित भएको थियो ।
नेपालले २०१४ मा बंगलादेशमा भएको टि२० विश्वकपमा डेब्यू गरेको थियो । त्यो विश्वकपमा नेपालले हङकङलाई र अफगानिस्तानलाई हराएको थियो । नेपाल बंगलादेशसँग पराजित हुँदै सुपर १० मा पुगेको थिएन । त्यसपछि नेपालले विश्वकपमा स्थान बनाउन सकेको थिएन ।
नेपालले गत फागनुमा आइसिसी यू-१९ विश्वकप एसिया क्षेत्र छनोटमा अन्तिम खेलमा युएईलाई ७ रनले पराजित गर्दै ८ वर्षपछि विश्वकपमा पुगेको थियो । सन् १९८८ देखि सुरु भएको यू-१९ विश्वकपमा नेपालले २००० मा डेब्यू गरेको थियो ।
नेपालले २००० देखि २०१६ सम्म ७ पटक यू१९ विश्वकप खेलेको थियो । नेपालले २००० देखि २००८ सम्म पाँच संस्करण विश्वकप लगातार खेलेको थियो । त्यसपछि २०१२ र २०१६ मा यू-१९ विश्वकप खेलेको थियो । नेपालले २०१०, २०१४, २०१८, २०२० र २०२२ को यू-१९ विश्वकप गुमाएको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]