2 years ago
November 9, 2023
एजेन्सी – न्युजिल्यान्डले आइसिसी विश्वकप २०२३ मा श्रीलंकासँग अन्तिम खेल खेल्दैछ । खेल नेपाली समय अनुसार दिउँसो २ : १५ मा बेंगलोरमा सुरु हुनेछ । न्युजिल्यान्डलाई सेमिफाइनलमा पुग्न यो खेल जित्नै पर्ने हुन्छ । न्युजिल्यान्ड ८ खेलमा ४ मा जित र ४ मा हारसहित ८ अंकका साथ तेस्रो स्थानमा छ ।
श्रीलंका ८ खेलमा २ मा जित र ६ मा हारसहित ४ अंकका साथ नवौं स्थानमा छ । श्रीलंका सेमिफाइनल दौडबाट बाहिरी सकेको छ । न्युजिल्यान्ड यस खेलमा विजयी भएर मात्रै सेमिफाइनलमा पुग्न सक्दैन । सेमिफाइनलमा पुग्न अफगानिस्तान र पाकिस्तानसँगको नेटरनरेटमा पनि भरपर्नुपर्ने हुन्छ ।
पाकिस्तान र अफगानिस्तान दुबैले समान एक खेल खेल्न बाँकी हुँदा ८–८ अंक छ । न्युजिल्यान्डको नेटरनरेट ०.३९८, पाकिस्तानको ०.०३६ र अफगानिस्तानको माइनस ०.३३८ छ । पाकिस्तानले इंग्ल्यान्ड र अफगानिस्तानले दक्षिण अफ्रिकासँग अन्तिम खेल खेल्न बाँकी छ ।
अन्तिम खेलमा अफगानिस्तान र पाकिस्तान पराजित भएमा न्युजिल्यान्डलाई आजको खेलमा जित मात्रै पर्याप्त हुनेछ । तर यी दुई टोली मध्य एक वा दुबै विजयी भएको खण्डमा भने नेटरनरेट निर्णायक बन्नेछ ।
अन्तिम चारमा रहने टोलीले सेमिफाइनलमा भारतसँग खेल्नेछ । दक्षिण अफ्रिका र अष्ट्रेलियाले दोस्रो सेमिफाइनल खेल्ने पक्का भएको छ । न्युजिल्यान्डले सुरुवाती चार खेल जितेपनि त्यसपछि लगातार चार खेल हारेको छ । पछिल्लो पटक न्युजिल्यान्डले ४ सय १ रन बनाएपनि वर्षा बाधक बन्दा पाकिस्तानसँग पराजित भएको थियो ।
पाकिस्तानले उक्त विजयी लक्ष्य पछ्याउनेक्रममा २५.३ ओभरमा १ विकेट गुमाउँदा वर्षाको कारण खेल हुन सकेको थिएन । त्यसैको कारण पाकिस्तान डकवर्थ लेविस पद्धतिको आधारमा २१ रनले विजयी भएको थियो ।
पाकिस्तानलाई जिताउन ओपनर फखार जमानले ८१ बलमा ८ चौका र ११ छक्कासहित १ सय २६ रनको सानदार शतकीय इनिङ खेलेका थिए ।
यता न्युजिल्यान्डका युवा ब्याटर रचिन रविन्द्र प्रमुख हतियार बन्दै आएका छन् । पाकिस्तानविरुद्ध उनले १ सय ८ रन बनाएपनि टोलीलाई जिताउन सकेका थिएनन् । यस विश्वकपमा रचिनले तीन शतक प्रहार गरि सकेका छन् ।
कप्तान केन विलियम्सनले पाकिस्तानविरुद्ध ९५ रन बनाएका थिए । बेंगलोरको ब्याटिङ सहयोगी पिचमा न्युजिल्यान्डले पुन विशाल योगफल बनाउन सक्छ ।
ओपनर डेभन कन्वेबाट न्युजिल्यान्ड ठूलो इनिङ चाहन्छ । डर्याल मिचेल र ग्लेन फिलिप्सले पनि उत्कृष्ट प्रदर्शन गर्नुपर्ने हुन्छ । न्युजिल्यान्डले इश सोधीको स्थानमा लोकी फर्गुसनलाई मौका दिनसक्छ । ट्रेन्ट बोल्ट र टिम साउथीबाट पावर प्लेमा सानदार सुरुवातको अपेक्षा गर्नेछ ।
उता श्रीलंकालाई च्याम्पियन्स ट्रफी खेल्ने सम्भावना कायमै गर्न यो खेल जित्नै पर्ने हुन्छ । आजको खेल हारेको खण्डमा श्रीलंकाले २०२५ मा हुने च्याम्पियन्स ट्रफी गुमाउने लगभग पक्कापक्की जस्तै हुनेछ ।
श्रीलंकाका युवा तीव्र गतिका बलर दिलशान मदुशानका यस विश्वकपमा सर्वाधिक विकेट लिने खेलाडी हुन् । उनले २१ विकेट लिई सकेका छन् । बायाँ हाते उनी बाहेक अन्य कुनैपनि बलरले प्रभाव जमाउन सकेका छैनन् ।
कुशल मेन्डिस, चरिथ असलंका र पाथुम निसंका श्रीलंकाका प्रमुख ब्याटर हुन् । यी तीन ब्याटरको प्रदर्शनमा नतिजा निर्भर हुनसक्छ । २०१९ यता न्युजिल्यान्डले श्रीलंकासँग हारेको छैन ।
पाकिस्तानले शनिबार इंग्ल्यान्ड तथा अफगानिस्तानले शुक्रबार दक्षिण अफ्रिकासँग खेल्नेछ । यी दुई खेलको नतिजापछि मात्रै सेमिफाइनलमा पुग्ने एक टोलीको टुङ्गो लाग्नेछ ।
यी तीन टोलीनै १० अंकका साथ सेमिफाइनल खेल्ने लक्ष्यमा हुँदा नेटरनरेट निर्णायक हुने देखिन्छ । नेटरनरेट अन्य टोलीको भन्दा न्युजिल्यान्डको राम्रो हुँदा आजको खेलमा विजयी हुँदा सम्भावना बढी देखिन्छ ।
June 14, 2025
काठमाडौं (हाम्रो खेलकुद) – पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी जिल्ला स्तरीय पाँचपोखरी टि२० क्रिकेट प्रतियोगिताको सेमिफाइनल समीकरण पूरा भएको छ । कीर्तिपुरस्थित त्रिवि क्रिकेट मैदानमा समूह ‘ए’ बाट पाँचपोखरी क्रिकेट क्लब र द माइटी साँगाचोक क्लब तथा समूह ‘बी’बाट मेलम्ची नगरपालिका र भोटेचौर स्पोर्टस क्लबले अन्तिम चारको यात्रा तय […]
June 14, 2025
एजेन्सी – दक्षिण अफ्रिकाले अस्ट्रेलियालाई ५ विकेटले पराजित गर्दै वर्ल्ड टेस्ट च्याम्पियनसिपको उपाधि जितेको छ। दक्षिण अफ्रिकाले लामो समयदेखि प्रतीक्षित अन्तर्राष्ट्रिय उपाधि जित्ने सपना पूरा गरेको छ। दक्षिण अफ्रिकाको सिनियर क्रिकेट टोलीले सन् १९९८ पछि पहिलो पटक आइसिसी उपाधि जितेको हो। दक्षिण अफ्रिकाले जितको लागि दोस्रो इनिङ्समा २ सय ८२ रनको लक्ष्य पाएको थियो। चौथो […]
June 14, 2025
सुर्खेत (हाम्रो खेलकुद)- मधेश प्रदेशले टिबी शाह स्मृति प्रथम यु १६ राष्ट्रिय क्रिकेट प्रतियोगिताको उपाधि जितेको छ। वीरेन्द्रनगरको कालुंगचोक मैदानमा शनिवार भएको फाइनलमा बागमतीलाई ७ विकेटले हराउँदै मधेशले उपाधि जितेको हो। लिग चरणमा बागमतीले मधेशलाई हराएको थियो। १ सय १३ रन लक्ष्य पछ्याएको मधेशले १३.४ ओभरमा मात्र ३ विकेट गुमाएर पूरा गरेको थियो। ओपनर आयान […]