default_image

7 months ago

November 10, 2023

कटवाल महिलाको टोलीको मुख्य प्रशिक्षक, राजोपाध्याय सहायक

1090 views

0 Bookmark

काठमाडौं (हाम्रो खेलकुद) – नेपाली महिला क्रिकेट टोलीको मुख्य प्रशिक्षकमा मनोज कटवाल नियुक्त भएका छन् । नेपाल क्रिकेट संघ(क्यान) ले बुधबार देखी हङकङमा सुरु हुने चार देश सम्मिलित महिला टि२० आई सिरिजको लागि मनोजलाई नियुक्त गरेको हो । उनकै प्रशिक्षणमा महिला टोलीले प्रशिक्षण गर्दै आएको छ ।

नेपालका पूर्वक्रिकेटर समेत रहेका मनोजले घरेलु क्रिकेटमा नेपाल पुलिस क्लबमा मुख्य प्रशिक्षकको भूमिका निर्वाह गर्दै आएका छन् । उनको प्रशिक्षणमा पुलिसले घरेलु क्रिकेटमा लगातार राम्रो प्रदर्शन गर्दै आएको छ । सन् २०६२ देखि नेपाल पुलिसबाट खेल्न थालेका कटवाल २०६७ सालमा प्रशिक्षण समालेका थिए ।

विकेटकिपर कटवालले यू१७ हुँदै सन् २००० देखि २००६ सम्म नेपाली राष्ट्रिय टोली प्रतिनिधित्व गरेका थिए । दोस्रो संस्करणको पोखरा प्रिमियर लिग (पिपिएल) चितवन राइनोजले अपराजित रहँदै उपाधि जित्दा कटवाल प्रशिक्षक थिए ।

पछिल्लो पटक गतवर्ष नवौं राष्ट्रिय खेलकुदमा स्वर्ण जित्दा मनोज पुलिसका मुख्य प्रशिक्षक थिए । मनोजले नेपाली सिनियर क्रिकेट टोलीमा पनि सहायक प्रशिक्षकको भूमिका निर्वाह गरि सकेका छन् ।

नेपालकी पूर्व कप्तान निरा राजोपाध्याय सहायक प्रशिक्षकमा नियुक्त भएकी छिन् । त्यस्तै पूर्वक्रिकेटर माया रावल टिम व्यवस्थापकमा रहेका छिन् । क्यानले हाललाई यी तीन जनालाई नै हङकङ भ्रमणको लागि नियुक्त गरेको हो ।

नेपालले हङकङमा चार देश सम्मिलित टि२० सिरिज खेल्दैछ । उक्त सिरिजमा नेपालसँगै तान्जानिया, जापान र हङकङले खेल्नेछन् । नेपालले कार्तिक २९ गते तान्जानिया, कार्तिक ३० गते हङकङ र मंसिर २ मा जापानसँग खेल्नेछ । फाइनल र तेस्रो स्थानको खेल मंसिर ३ मा हुनेछ ।

नेपाली टोली :

इन्दु वर्मा (कप्तान), विन्दु रावल (उपकप्तान), रुविना क्षेत्री, सिता रानामगर, अश्मिना कर्मचार्य, काजोल श्रेष्ठ, रोमा थापा, संगीता राई, सम्झना खड्का, खुसी डंगोल, पुजा महतो, कन्चन श्रेष्ठ, सोमु विष्ट र सोनी पाख्रिन ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.