9 months ago
November 12, 2023
एजेन्सी – भारतले आइसिसी विश्वकप २०२३ मा नेदरल्यान्ड्सविरुद्ध आफ्ना ९ खेलाडीलाई बलिङ गराएको छ । विश्वकप इतिहासमा तेस्रो पटक एकै खेलमा ९ खेलाडीले बलिङ गरेका हुन् ।
यसअघि इंग्ल्यान्डले सन् १९८७ मा श्रीलंका तथा न्युजिल्यान्डले १९९२ मा पाकिस्तानविरुद्ध समान ९ बलरले बलिङ गरेका थिए । ओडिआई इतिहासमा १७ औं पटक एकै खेलमा ९ खेलाडीले बलिङ गरेका हुन् । भारतले यसअघि तीन पटक ओडिआईमा ९ बलर बलिङ गराएको थियो ।
भारतले नेदरल्यान्ड्सविरुद्ध विकेटकिपर लोकेश राहुल र श्रेयस ऐर बाहेक अन्य सबै खेलाडीलाई बलिङ गराएको थियो । विराट कोहली र रोहित शर्माले एक एक विकेट लिन सफल पनि भए । त्यस्तै शुभमन गिल र सूर्यकुमार यादवले पनि बलिङ गरेका थिए ।
भारतले नेदरल्यान्ड्सलाई १ सय ६० रनले हराउँदै सेमिफाइनल खेल्ने भएको छ । भारत लिगका सबै खेलमा अपराजित रहँदै सेमिफाइनल खेल्ने भएको हो ।
जितको लागि ४ सय ११ रनको विशाल विजयी लक्ष्य पछ्याएको नेदरल्यान्ड्स ४७.५ ओभरमा २ सय ५० रनमा अल आउट भएको थियो । भातरले बुधबार न्युजिल्यान्डसँग सेमिफाइनल खेल्नुअघि आफ्ना सम्भावित सबै खेलाडीलाई बलिङ गराएको हो । तुलनात्मक रुपमा कमजोर टोली र जित पक्का भएपछि ९ खेलाडीलाई बलिङ दिने निर्णय लिएको थियो ।
भारतका जस्प्रित बुमराहले ९ ओभरमा १ मेडनसहित ३३ रन खर्चेर २ विकेट लिए । मोहम्मद शिराजले ६ ओभरमा १ मेडनसहित २९ रन खर्चेर २ विकेट लिए । मोहम्मद शामीले ६ ओभरमा ४१ रन खर्चेका थिए ।
कुलदीप यादवले १० ओभरमा १ मेडनसहित ४१ रन खर्चेर २ विकेट लिए । रविन्द्र जडेजाले ९ ओभरमा ४९ रन खर्चेर २ विकेट लिए । विराट कोहलीले ३ ओभरमा १३ रन खर्चेर १ विकेट लिए ।
कोहलीले स्कटल्यान्डका कप्तान स्कट एडवार्ड्सलाई विकेटकिपर लोकेश राहुलबाट लेग साइडमा उत्कृष्ट क्याच आउट गराए । स्कट लेग साइडमा खेल्ने धुनमा एज लागेर आउट भएका थिए ।
शुभमन गिलले २ ओभरमा ११ तथा सूर्यकुमार यादवले २ ओभरमा १७ रन खर्चे । रोहित शर्माले ५ बल गर्दा ७ रन खर्चेर १ विकेट लिए । रोहितले तेजा निडामानुरुको विकेट लिएका थिए ।
ओडिआईमा हालसम्म एकै खेलमा ९ बलरले बलिङ गरेका छन् । पछिल्लो पटक ओडिआई क्रिकेटमा युएईले २०२२ नोभेम्बरमा सिरिजको पहिलो खेलमा नेपालविरुद्ध टियु क्रिकेट मैदानमा ९ बलरलाई बलिङ गराएको थियो ।
विश्वकपको पहिलो सेमिफाइनल खेलमा बुधबार वानखडे स्टेडियम मुम्बईमा भारत र न्युजिल्यान्डबीच प्रतिस्पर्धा हुनेछ । बिहीबार दोस्रो सेमिफाइनल खेलमा इर्डेन गार्डेन कोलकातामा दक्षिण अफ्रिका र अष्ट्रेलियाबीच प्रतिस्पर्धा हुनेछ । फाइनल आइतबार नरेन्द्र मोदी स्टेडियम अहमदाबादमा सुरु हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]