एजेन्सी – नेपालले चार देशसम्मीलित महिला टि२० आई सिरिजमा आह हङकङसँग खेल्दै छ । खेल नेपाली समय अनुसार मध्याह्न ११: ४५ म सुरु हुनेछ ।

नेपाल पहिलो खेलमा तान्जानियासँग २७ रनले पराजित भएको थियो। उत घरेलु टोली हङकङले जापानलाई ९ विकेटले हराएको थियो । फाइनल खेल्ने सम्भावना कायमै राख्न नेपालले आजको खेल जित्नैपर्ने हुन्छ ।

तान्जानियाले दिएको १ सय १६ रनको विजयी लक्ष्य पछ्याएको नेपाल १६.५ ओभरमा ८८ रनमा अल आउट भएको थियो । नेपालको लागि सीता रानामगरले ३१ बलमा ४ छक्कासहित सर्वाधिक ४३ रन बनाएकी थिईन । अन्य कुनै पनि ब्याटरले राम्रो गर्न सकेका थिएनन् ।

रुविना र सम्झनाले खाता खोल्न सकेका थिएनन् ।
कप्तान इन्दु बर्मा, सीता र रुविना टोलीका प्रमुख खेलाडी हुन् । यी तीन खेलाडीले जिम्मेवारी लिदै ठूलो इनिङ खेल्न आवश्यक देखिन्छ ।

नेपालले ओपनर विन्दु रावलको स्थानमा कन्चन श्रेष्ठलाई डेब्यु दिन सक्छ । विकेटकिपर कन्चनले बागमती प्रदेशबाट घरेलु प्रतियोगितामा राम्रो गर्दै आएकी छिन् ।

नेपालले स्पिनर खुशी डंगोलको स्थानमा युवा तिव्र गतिकी बलर सोनीलाई डेब्यु दिन सक्छ । सोनिले ब्याटिङ पनि राम्रो गर्ने गर्दछिन् ।

उता हङकङ घरेलु मैदानको फाइदा उठाउन चाहन्छ । पछिल्ला ५ खेलमा समान दुईमा जित र हार छ । हङकङको लागि मारिको हिल प्रमुख ब्याटर हुन् ।

विदेशी लिगमा अनुभव बटुलेकी उनको विकेट नेपालको लागि महत्त्वपूर्ण हुनेछ । कप्तान केरि चान प्रमुख बलर हुन् । पछिल्लो खेलमा जापानविरुद्द उनले ५ विकेट लिएकी थिइन् ।

मारिको हिल, केरि चान र नताशा मिल्श प्रमुख हतियार हुन् । ब्याटिङमा मिल्स र हिलको ओपनिङ जोडिको प्रदर्शन निकै महत्त्वपूर्ण हुनेछ ।

आजको पहिलो खेलमा तान्जानियाले जापानसँग खेलेको छ । नेपालले अन्तिम खेल शनिबार जापानसग खेल्नेछ । फाइनल आइतबार हुनेछ ।