default_image

6 months ago

November 19, 2023

हेडको शतक, अष्ट्रेलिया जिततर्फ लम्कदै

1149 views

0 Bookmark

एजेन्सी – ओपनर ट्राभिस हेडले शतक प्रहार गरेपछि अष्ट्रेलिया आइसीसी क्रिकेट विश्वकप २०२३ को फाइनलमा भारतविरुद्ध जिततर्फ लम्किएको छ ।

जितको लागि २ सय ४१ रनको प्रतिस्पर्धात्मक लक्ष्य पछ्याएको अष्ट्रेलिया ७ ओभर सकिँदा ३ विकेट गुमाउँदै ४७ रन बनाएको थियो । तर चौथो विकेटका लागि हेड र मार्नस लाबुसेनले उत्कृष्ट साझेदारी गर्दै अष्ट्रेलियालाई विश्वकप उपाधि नजिक पुर्याएका हुन् ।

हेडले शतक प्रहार गर्ने क्रममा ९४ बलमा १४ चौका र १ छक्का प्रहार गरे । सुरुवातमा इनिङ सम्हाल्दै खेलेका उनले पछिल्लो केही ओभरमा भने आक्रामक ब्याटिङ गर्दै शतक पूरा गरेका हुन् । जारी विश्वकपमा उनको यो दोस्रो शतक हो ।

अष्ट्रेलिया हाल ३४ ओभरमा ३ विकेट गुमाएर १ सय ८५ रनको स्थितिमा छ । लाबुसेन ४१ रन र हेड १ सय रन जोडेर खेलिरहेका छन् । अष्ट्रेलियालाई अब जितका लागि ९६ बलमा ५६ रन आवश्यक छ ।

लक्ष्य पछ्याउने क्रममा आक्रामक ब्याटिङ गरेका ओपनर डेविड वार्नर दोस्रो ओभरमै आउट भए । मोहम्मद शामीको पहिलो बलमै एज लागेर उनी स्लिपमा विराट कोहली हातबाट ७ रनमा क्याच आउट भए ।

मिचेल मार्श पाँचौ ओभरको तेस्रो बलमा १६ रन जोड्दै जस्पित बुमराहको बलमा विकेटकिपर लोकेश राहुलबाट क्याच आउट भए । उनले १५ बलमा १ चौका र १ छक्का हाने ।

बुमराहको सातौं ओभरको अन्तिम बलमा स्टिभ स्मिथ चार रनमा एलबीडब्लू आउट भए ।

त्यसअघि नरेन्द्र मोदि स्टेडियम अहमदाबादमा टस हारेर पहिला ब्याटिङको निम्तो पाएको भारतले निर्धारित ५० ओभरमा २ सय ४० रनमा अल आउट भएको थियो ।

भारतका लोकेश राहुलले १ सय ७ बलमा १ चौकासहित सर्वाधिक ६६ रन बनाए । विराट कोहलीले ६३ बलमा ४ चौकासहित ५३ रन जोडे । कप्तान रोहित शर्माले ३१ बलमा ४ चौका र ३ छक्कासहित ४७ रन बनाए । अन्य कुनैपनी ब्याटरले राम्रो गर्न सकेनन्।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.