एजेन्सी – भारतीय स्पिनर युजबेन्द्र चहलले भारतको लिस्ट ए मान्यता प्राप्त एकदीवसिय प्रतियोगिता विजय हजारे ट्रफीमा एकै खेलमा ६ विकेट लिएका छन् ।

पछिल्लो समय भारतीय टोली बाहिर रहेका उनले उत्तरखण्डलाई ६ विकेटले हराउन हरियाणाबाट ६ विकेट लिएका हुन् ।

टस हारेर पहिला ब्याटिङको निम्तो पाएको उत्तरखण्ड ४७.४ ओभरमा २ सय ७ रनमा अल आउट भयो । उत्तर खण्डका आदित्य तारेले ६८ बलमा ९ चौका र १ छक्कासहित सर्वाधिक ६५ रन बनाए ।

हरियाणाका युजवेन्द्र चहलले १० ओभरमा २ मेडनसहित २२ रन खर्चेर ६ विकेट लिए ।

जितको लागि २ सय ८ रनको विजयी लक्ष्य पछ्याएको हरियाणाले ४५ ओभरमा ४ विकेट गुमाउँदै पूरा गर्यो । हरियाणाका युवराज सिँहले ७८ बलमा ८ चौका र १ छक्कासहित सर्वाधिक ६८ रन बनाए ।

उता अर्को खेलमा मयंक अग्रवालले कर्नाटकाबाट झारखण्डविरुद्ध १ सय ५७ रनको सानदार शतकीय इनिङ खेले ।

टस जितेर पहिला ब्याटिङ रोजेको कर्नाटकाले ५० ओभरमा २ विकेट गुमाउँदै ४ सय २ रन बनाएको थियो ।
कप्तान समेत रहेका अग्रवालले १ सय ३३ बलमा ११ चौका र ८ छक्कासहित १ सय ५७ रनको कप्तानी इनिङ खेलेका थिए । अर्का ओपनर रविकुमार सामर्थले १ सय २३ र देवदत्त पाडिक्कलले ७१ रन बनाए ।

जितको लागि ४ सय ३ रनको विशाल विजयी लक्ष्य पछ्याएको झारखण्ड ३०.४ ओभरमा १ सय ८० रनमा अल आउट भयो ।

झारखण्डका युद्दवीर सिँहले ३९ बलमा ४ चौका र ६ छक्कासहित सर्वाधिक ६४ रन बनाए । कर्नाटकाका विजय कुमार विश्यकले सर्वाधिक चार विकेट लिए ।