default_image

5 months ago

November 26, 2023

अष्ट्रेलियामाथि भारतको लगातार दोस्रो जित

एजेन्सी – घरेलु टोली भारतले टि२० सिरिज अन्तर्गत दोस्रो खेलमा अष्ट्रेलियामाथि ४४ रनको जित हात पारेको छ । योसँगै पाँच खेलको टि२० आई सिरिजमा भारतले २-० को अग्रता लिएको छ । जितको लागि २ सय ३६ रनको विशाल विजयी लक्ष्य पछ्याएको अष्ट्रेलिया निर्धारित २० ओभरमा ९ विकेट गुमाउँदै १ सय ९१ रन बनायो । अष्ट्रेलियाका […]

3431 views

0 Bookmark

एजेन्सी – घरेलु टोली भारतले टि२० सिरिज अन्तर्गत दोस्रो खेलमा अष्ट्रेलियामाथि ४४ रनको जित हात पारेको छ । योसँगै पाँच खेलको टि२० आई सिरिजमा भारतले २-० को अग्रता लिएको छ । जितको लागि २ सय ३६ रनको विशाल विजयी लक्ष्य पछ्याएको अष्ट्रेलिया निर्धारित २० ओभरमा ९ विकेट गुमाउँदै १ सय ९१ रन बनायो ।

अष्ट्रेलियाका लागि मार्कस स्टोइनिसले २५ बलमा २ चौका र ४ छक्कासहित सर्वाधिक ४५ रन बनाए । टिम डेविडले २२ बलमा ४ चौका र २ छक्कासहित ३७ रन बनाए । एक समय ७.२ ओभरमा ५८(४ को अवस्थामा पुगेको अष्ट्रेलियालाई स्टोइनिस र डेविडले ३८ बलमा ८१ रनको साझेदारी गर्दै जितको सम्भावना देखाएका थिए । डेविड स्पिनर रवि विश्रोईको १४ औं ओभरको तेस्रो बलमा ऋतुराज गायकवाडबाट क्याच आउट भएपछि जितको सम्भावना लगभग सकिएको थियो ।

ओपनर स्टिभ स्मिथ र म्याथ्यु सर्टले १९-१९ रन बनाए । पहिलो खेलमा शतक बनाएका जोश इंग्लिस २ र ग्लेन म्याक्सवेल १२ रनमा आउट भएपछि दबाबमा परेको थियो । कप्तान म्याथ्यु वेड २३ बलमा १ चौका र ४ छक्कासहित ४२ रनमा नट आउट भए ।

भारतका स्पिनर रवि विश्रोईले ४ ओभरमा ३२ रन खर्चेर ३ विकेट लिए । प्रसिद्ध कृष्णाले ४ ओभरमा ४१ रन खर्चेर ३ विकेट लिए । अर्शलीप सिंह, अक्षर पटेल र मुकेश कुमारले एकएक विकेट लिए ।

त्यसअघि विशाखापट्नमा टस हारेर पहिला ब्याटिङको निम्तो पाएको भारतले निर्धारित २० ओभरमा ४ विकेट गुमाउँदै २ सय ३५ रन बनाएको थियो । भारतको जितमा ओपनर रितुराज गायकवाडले ४३ बलमा ३ चौका र २ छक्कासहित सर्वाधिक ५८ रन बनाएका थिए ।

बायाँ हाते युवा ओपनर यशस्वी जैसवालले २५ बलमा ९ चौका र २ छक्कासहित ५३ रन बनाउदै उत्कृष्ट सुरुवात दिलाएका थिए । ओपनर रितुराज गायकवाड र जैसवालले पहिलो विकेटका लागि ५.५ ओभरमा ७७ रनमो आक्रामक साझेदारी गर्दै विशाल योगफलको आधार तय गरेका थिए ।

जैसवाल नाथन एलिसको बलमा एडम जाम्पाबाट क्याच आउट भए । दोस्रो विकेटका लागि रितुराज र इशान किशनले ५८ बलमा ८७ रनको साझेदारी गरेका थिए । इशान किशन ३२ बलमा ३ चौका र ४ छक्कासहित ५२ रनमा आउट भए । सुर्यकुमार यादव १० बलमा २ छक्कासहित १९ रनमा क्याच आउट भए ।

रिंकु सिँहले ९ बलमा ४ चौका र २ छक्कासहित ३१ रनमा नट आउट रहे । तिलक बर्मा २ बलमा १ छक्कासहित ७ रनमा नट आउट रहे ।

अष्ट्रेलियाका नाथन एलिसले ४ ओभरमा ४५ रन खर्चेर ३ विकेट लिए । मार्कस स्टोइनिसले १ विकेट लिए । भारत पहिलो खेलमा २ विकेटले विजयी भएको थियो । अव तेस्रो खेल मंगलबार गुवाहाटी, चौथो खेल शुक्रबार रैपुर र पाँचौं तथा अन्तिम खेल आइतबार बेंगलोरमा हुनेछ ।

April 20, 2024

दिल्लीमाथि हैदरावादको सानदार जित

एजेन्सी – विष्फोटक ब्याटिङ प्रदर्शन सहित सनराईजर्स हैदरावादले इंडियन प्रिमियर लिग (आइपिएल) मा शनिबार दिल्ली क्यापिटल्स माथि फराकिलो जित दर्ता गरेको छ । हैदरावादले दिल्लीमाथि उसैको मैदानमा ६७ रनको सानदार जित निकालेको हो। टस हारेर पहिला ब्याटिङको निम्तो पाएको हैदरावादले उत्कृष्ट ब्याटिङ सहित २० ओभरमा ७ विकेट गुमाउँदै २ सय ६६ रनको विशाल योगफल खडा […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

Success

Thank you for your time.