8 months ago
November 27, 2023
एजेन्सी – भारतीय युवा ब्याटर शुभमन गिलले इन्डियन प्रिमियर लिग (आइपिएल) मा गुजरात टाइटन्सको कप्तानी गर्ने भएका छन् । हार्दिक पान्ड्या मुम्बई इन्डियन्स फर्किपछि गुजरातले गिललाई कप्तान बनाएको हो ।
गुजरातलाई २०२२ को च्याम्पियन बनाउन गिलले उत्कृष्ट प्रदर्शन गरेका थिए । त्यसवर्ष उनले १६ खेलमा ४ सय ८३ रन बनाएका थिए । २०२३ मा गिलले १७ खेलमा ३ शतक र ४ अर्धशतकसहित कुल ८ सय ९० रन बनाएका थिए । गुजरात फाइनलमा चेन्नईसँग पराजित भएको थियो ।
गतवर्ष फाइनलमा गिल २० बलमा ७ चौकासहित ३९ रन बनाउँदै आउट भएका थिए । स्पिनर रविन्द्र जडेजाको बलमा महेन्द्रसिंह धोनीले उत्कृष्ट स्टम्पिङमा गिल आउट भएका थिए । उक्त खेलको एक प्रमुख टर्निङ प्वाइन्ट थियो ।
गिलले आइपिएल र भारतीय टोली दुबैबाट लगातार उत्कृष्ट प्रदर्शन गर्दै आएका छन् । विश्व क्रिकेटका एक उत्कृष्ट कप्तान केन विलियम्सन टोलीमा भएपनि गिलले कप्तानी जिम्मेवारी पाएका हुन् ।
गुजरातले अल्जारी जोशेफ, दासुन शानका, केएस भरत, ओडेन स्मिथ, प्रदीप सांगवान, शिवम माभी, उर्विल पटेल र यश दयाललाई टोलीबाट फुकुवा गरेका छन् ।
तीव्र गतिका बलर दयाललाई कोलकाता नाइट राइडर्सका रिंकु सिंहले अन्तिम पाँच बलमा जितको लागि ३० रन चाहिँदा गतवर्ष लगातार पाँच छक्का हानेका थिए । त्यहिँ इनिङबाट रिंकुको करिअर टर्निङ प्वाइन्ट बनेको थियो ।
गुजरातमा रहेका खेलाडी :
अभिनव सदारांगानी, बी साई सुदर्शन, दर्शन नाल्कान्डे, डेविड मिलर, जयन्त यादव, जोशुवा लिटिल, केन विलियम्सन, म्याथ्यु वेड, मोहम्मद शामी, मोहित शर्मा, नुर अहमद, आर साई किशोर, राहुल टेवाटिया, राशिद खान, शुभमन गिल, विजय शंकर र रिद्दिमान शाह ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]