5 months ago
November 27, 2023
एजेन्सी – विश्वको सर्वाधिक लोकप्रिय फ्रेन्चाइज क्रिकेट इन्डियन प्रिमियर लिग (आइपिएल) २०२४ मा फ्रेन्चाइज टोलीले फुकुवा र टोलीमै रहने (रिटेन र रिलिज) हुने खेलाडीको नाम सार्वजनिक गरेका छन् । आगमी डिसेम्बरमा १९ फ्रेन्चाइज टोलीले आफूलाई आवश्यक क्षमता भएका खेलाडीलाई अक्सनमा मूल्य लगाउने छन् ।
यस पटकको आइपिएलमा नेपाली खेलाडी बिक्ने उच्च सम्भावना छ । पछिल्लो एक वर्षमा अन्तर्राष्ट्रिय क्रिकेटमा गरेको सानदार प्रदर्शनको कारण नेपाली खेलाडीले आइपिएल खेल्ने सम्भावना उच्च छ ।
पछिल्लो सात महिनामा नेपालले भारतसँग ३ महत्वपूर्ण खेल खेलेको छ । त्यसले गर्दा सबै आइपिएलका फ्रेन्चाइज टोलीले नेपाली खेलाडीको प्रदर्शनको आधारमा अक्सनमा किन्ने सम्भावना धेरैछ । आइपिएल २०२३ मा बिक्नसक्ने उच्च सम्भावना बोकेका ३ नेपाली खेलाडीहरु यस प्रकार छन् ।
३. कुशल मल्ल – (अलराउन्डर)
नेपालका बायाँ हाते युवा अलराउन्डर कुशल मल्ल आइपिएलमा बिक्न सक्ने सम्भावना बोकेका युवा खेलाडी हुन् । कुशल टि२० खेलका लागि चर्चित खेलाडी पनि हुन् । आक्रामक ब्याटिङ र स्पिन आक्रामणको कारण उनी बिक्ने सम्भावना छ ।
कुशल ओपनिङ देखी कुनैपनि भूमिकामा खेल्न सक्छन् । स्पिन पनि पुरै चार ओभर गर्ने क्षमता राख्छन् । हरेक टोली अलराउन्डरमा ध्यान दिनसक्छन् । ठूला सर्टको लागि माहिर हुँदा कुशलको सम्भावना छ ।
कुशलले गत सेप्टेम्बरमा १९ औं एसियाली खेलकुदमा मंगोलियाविरुद्ध ३४ बलमै शतक हानेका थिए । टि२० आई क्रिकेट इतिहासकै सर्वाधिक छिटो शतक थियो । उनले भारतीय कप्तान रोहित शर्मा र दक्षिण अफ्रिका डेविड मिलरको ३५ बलको कीर्तिमान तोडेका थिए ।
उक्त प्रदर्शनपछि धेरै फ्रेन्चाइजले कुशलको प्रदर्शनलाई नजिकबाट हेर्दै आएका छन् । उनले नेपालबाट २८ टि२० आईमा १७४.६२ को स्ट्राइक रेटमा रन जोड्दै ५ सय ८५ रन बनाएका छन् ।
कोलकाता, दिल्ली र बेंगलोरले ४–४ विदेशी खेलाडी किन्न पाउँछन् । माइकल ब्रेसवेल र वानिन्दु हसरंगा जस्ता स्पिन अलराउन्डर फुकुवा गरेको हुँदा बेंगलोरले कुशललाई भित्र्याउन सक्ने सम्भावना देखिन्छ । कुशलले टि१० आबुधाबी र पाकिस्तान जुनियर लिग जस्ता विदेशी लिग खेलि सकेका छन् ।
२. सन्दीप लामिछाने – स्पिनर
सन्दीप आइपिएल खेल्ने पहिलो नेपाली खेलाडी हुन् । उनलाई २०१८ मा दिल्ली क्यापिटल्स (दिल्ली डेयर डेभिल्स) ले २० लाख भारुमा किनेको थियो । सन्दीप २०२० सम्म दिल्लीमा रहेका थिए । तर २०२१ मा फुकुवा गरेपछि उनी बिक्न सकेका छैनन् ।
एसोसिएट क्रिकेटका एक उत्कृष्ट स्पिनर सन्दीपले नेपाली क्रिकेट टोलीबाट उत्कृष्ट प्रदर्शन गर्दै आएका छन् । सन्दीपले आइपिएलसँगै बिग ब्यास लिग लगायतका विश्वका चर्चित विदेशी लिग खेलि सकेका छन् । सन्दीप ओडिआईमा सर्वाधिक छिटो ४२ खेलमा १ सय विकेट पूरा गर्ने खेलाडी हुन् ।
उनले राशिद खानको ४४ औं खेलको कीर्तिमान तोडेका हुन् । गत अगष्टमा ग्लोबल टि२० क्यानडामा सन्दीपले राम्रो प्रदर्शन गरेका थिए । पछिल्लो समय सन्दीपले ब्याटिङमा पनि सुधार गरेका छन् । जसले गर्दा यस पटक अक्सनमा बिक्न सक्ने सम्भावना छ ।
१.दीपेन्द्रसिंह ऐरी – (अलराउन्डर)
यस पटकको आइपिएल अक्सनमा दीपेन्द्रले मूल्य पाउने सम्भावना धेरैछ । दीपेन्द्रले पछिल्लो समय नेपाली क्रिकेट टोलीबाट उत्कृष्ट प्रदर्शन गर्दै आएका छन् । टि२० क्रिकेटमा दीपेन्द्रको प्रदर्शन झनै राम्रो छ । १९ औं एसियाली खेलकुदमा दीपेन्द्रले मंगोलियाविरुद्ध ९ बलमै अर्धशतक हानेका थिए ।
विश्व क्रिकेट इतिहासमा यो अव कहिल्यै नतोडिने र्कीिर्तमान हो । उक्त ९ बलमा अर्धशतकपछि दीपेन्द्रले धेरै फ्रेन्चाइज टोलीको ध्यान आफूतिर केन्द्रित गरेका थिए । त्यसै प्रतियोगितामा क्वाटरफाइनलमा भारतविरुद्ध दीपेन्द्रले शतक बनाएका यशस्वी जैसवाल र कप्तान ऋतुराज गायकवाडलाई आउट गरेका थिए । उक्त खेलमा दीपेन्द्रले ४ ओभरमा ३१ रन खर्चेर २ विकेट लिएका थिए ।
ब्याटिङमा दीपेन्द्रले १५ बलमा ४ छक्कासहित ३२ रन बनाएका थिए । शिवम दुबेलाई १४ औं ओभरमा दीपेन्द्रले लगातार तीन छक्का हानेका थिए । एसिया कपमा दीपेन्द्रले २५ बलमा ३ चौकासहित २९ रन बनाएका थिए । भारतविरुद्ध उत्कृष्ट प्रदर्शनले दीपेन्द्रको सम्भावना धेरैछ ।
ग्लोबल टि२० क्यानडाको कारण एसिसी इमर्जिङ टिम्स एसिया कप भने खेलेका थिएनन् । ग्लोबल टि२० क्यानडामा मोन्टिरिएल टाइगर्सलाई च्याम्पियन बनाउन दीपेन्द्रले ब्याटिङ र बलिङ दुबैमा उत्कृष्ट प्रदर्शन गरेका थिए । दीपेन्द्रले फिल्डिङमा पनि त्यतिनै उत्कृष्ट प्रभाव छाडेका थिए ।
दीपेन्द्रले ५३ टि२० आई खेलमा १ शतक र ७ अर्धशतकसहित कुल १३ सय ४४ रन बनाउनुको साथै २५ विकेट लिएका छन् । दीपेन्द्र मध्यक्रम र फिनिसर कुनैपनि भूमिकामा ब्याटिङ गर्न सक्छन् । अफ स्पिन त्यतिनै राम्रो गर्दछन् । फिल्डिङबाट पनि खेललाई मोड्न सक्ने क्षमता राख्छन् । दीपेन्द्र म्याच विनर अलराउन्डर हुँदा अक्सनमा विक्ने सम्भावना धेरैछ ।
May 10, 2024
एजेन्सी – रोयल च्यालेनजर्स बेंगलूरु (आरसिबि) ले पञ्जाब किंग्स विरुद्ध जित दर्ता गर्दै इंडियन प्रिमियर लिग (आईपिएल) मा प्लेअफ सम्भावना कायम राखेको छ । धर्मशालामा भएको खेलमा आरसिबिले ६० रनको जित दर्ता गरेको हो । टस हारेर पहिले ब्याटिङ गरेको आरसिबिले निर्धारित २० ओभरमा ७ विकेटको क्षतिमा २४१ रनको विशाल योगफल खडा गरेको थियो । […]
May 9, 2024
सुमन अधिकारी,बुटवल न्यु होराइजन बोर्डिङ स्कुलले जेट नेपाल यु १४ टि ट्वान्टी क्रिकेट च्याम्पियनसिपको उपाधि जितेको छ । बुटवल उपमहानगरपालिकाको सहयोग तथा वेष्ट्रन क्रिकेट क्लबको आयोजनामा रुपन्देहीमा भएको प्रतियोगिताको फाइनलमा पूर्व राष्ट्रिय खेलाडी शक्ति गौचनले प्रशिक्षण गरेको न्यु होराइजनले बुद्ध पब्लिक स्कुल, देवदहलाई ३ विकेटले हराउँदै उपाधि जितेको हो । जितका लागि ७९ रनको लक्ष्य […]
May 9, 2024
काठमाडौं (हाम्रो खेलकुद)- मन्त्री परिषद्ले विभिन्न खेलमा सफलता प्राप्त गरेका खेलाडीलाई २ करोड ९७ लाख १० हजार रुपैयाँ पुरस्कार दिने निर्णय गरेको छ। युवा तथा खेलकुद मन्त्रालयले पेश गरेको प्रस्तावलाई मन्त्री परिषदको आज बसेको बैठकले निर्णय गरेसँगै एसियन गेम्समा पदक विजेता, क्रिकेट टिम र पारा तेक्वान्दो खेलाडी तथा प्रशिक्षकले नगद पुरस्कार पाउने भएका हुन्। आइसिसी […]