10 months ago
November 27, 2023
एजेन्सी – जिम्बावेका कप्तान सिकन्दर राजाले आइसिसी टि२० विश्वकप अफ्रिका छनोटमा रवान्डाविरुद्ध ह्याट्रिक लिएका छन् । उनको उत्कृष्ट प्रदर्शनमा जिम्बावे १ सय ४४ रनले विजयी हुँदै विश्वकप खेल्ने सम्भावना कायमै राखेको छ ।
जितको लागि २ सय १६ रनको विशाल विजयी लक्ष्य पछ्याएको रवान्डा १८.४ ओभरमा ७१ रनमा अल आउट भयो । सिकन्दर राजाले १९ औं ओभरको दोस्रो बलमा मोहम्मद नादिरलाई २ रनमा बोल्ड, तेस्रो बलमा जिप्पे बिमेनयिमानलाई क्याच र चौथो बलमा रुकिर्जालाई एलबीडब्लू आउट गर्दै ह्याट्रिक पूरा गरे ।
जिम्बावेका राजाले २.४ ओभरमा ३ रन खर्चेर ३ विकेट लिए । रिचर्ड न्गारावले ३ ओभरमा ११ रन खर्चेर ३ र रयान बर्लले २ विकेट लिए ।
त्यसअघि टस हारेर पहिला ब्याटिङको निम्तो पाएको जिम्बावेले निर्धारित २० ओभरमा ४ विकेट गुमाउँदै २ सय १५ रन बनाएको थियो । जिम्बावेका ओपनर सिकन्दर राजाले ३६ बलमा ६ चौका र ४ छक्कासहित ५८ रन बनाएका थिए ।
मरुमानीले ३१ बलमा ४ चौका र ३ छक्कासहित ५०, निक वेल्च १८ र सन विलियम्स २२ रनमा आउट भए । रयान बर्ल २१ बलमा ५ चौका र ३ छक्कासहित ४४ रनमा नट आउट रहे ।
जिम्बावे पहिलो खेलमा नामिबियासँग ७ विकेट र युगान्डासँग ५ विकेटले पराजित भएको थियो । जिम्बावेले तान्जानियालाई ९ विकेटले हराएको थियो । ७ टोली सहभागी प्रतियोगिता शीर्ष दुई टोली २०२४ को विश्वकप खेल्ने पाउनेछन् ।
जिम्बावेले विश्वकप खेल्न बाँकी दुबै खेलमा फराकिलो जित हात पार्नुपर्ने हुन्छ । साथै अन्य टोलीको नतिजा र नेटरनरेटमा पनि भर पर्नुपर्छ । जिम्बावेले अव नाइजेरिया र केन्यासँग खेल्न बाँकी छ ।
अर्को खेलमा घरेलु टोली नामिबियाले केन्यालाई ६ विकेटले हरायो । जितको लागि १ सय ५ रनको विजयी लक्ष्य पछ्याएको नामिबियाले १५.२ ओभरमा ४ विकेट गुमाउँदै पूरा गर्यो ।
नामिबियाका जेन फ्रेलिंक ४१ बलमा ५ चौका र १ छक्कासहित ५७ रनमा नट आउट रहे । नामिबियाले अव तान्जानिया र नाइजेरियासँग खेल्न बाँकी छ । दुई मध्य एक खेल जिते सोझै विश्वकपमा स्थान बनाउनेछ । दुबै खेल हारेको खण्डमा भने नेटरनरेटमा निर्भर हुनेछ ।
नामिबिया ४ खेलमा ८ अंकका साथ शीर्षस्थानमा छ । केन्या ४ खेलमा ३ मा जित र १ मा हारसहित ६ अंकका साथ दोस्रो स्थानमा छ । जिम्बावे ४ खेलमा २ मा जित र २ मा हारसहित ४ अंकका साथ तेस्रो स्थानमा छ ।
३ खेलमा ४ अंक भएपनि युगान्डा चौथो स्थानमा छ । नाइजेरिया ३ खेलमा ३ अंकका साथ पाँचौं, रवान्डा ४ खेलमा १ अंकका साथ छैटौं र तान्जानिया ४ खेलमा अंक विहीन हुँदै पुछारमा छ ।
September 14, 2024
काठमाडौं (हाम्रो खेलकुद)- नेपाल प्रिमियर लिग (एनपिएल) को मार्की खेलाडीको टोली टुंगो लागेको छ। नेपाल क्रिकेट संघ (क्यान) ले शनिवार पत्रकार सम्मेलनमा गोला प्रथाद्वारा मार्की खेलाडीको टोली तय भएको थियो। क्यान सचिव पारस खड्काले कार्यक्रममा खेलाडी अक्सन दशैं अघि हुने जानकारी दिए । अक्सनमा विभिन्न श्रेणीमा खेलाडीलाई विभाजन गरीने छ । मार्की खेलाडीको मुल्य भने […]
September 14, 2024
काठमाडौं(हाम्रो खेलकुद) – नेपाल प्रिमियर लिग (एनपिएल) को ८ टोलीका मार्की खेलाडी हरेकको मुल्य २० लाख रुपैयाँ तोकिएको छ। नेपाल क्रिकेट संघ(क्यान) ले शुक्रवार राष्ट्रिय क्रिकेट टोलीका कप्तान रोहित कुमार पौडेलसहित टोलीका अन्य सदस्य दीपेन्द्र सिंह ऐरी, सन्दीप लामिछाने, सोमपाल कामी, करण केसी, आसिफ सेख, कुशल भुर्तेल र कुशल मल्ललाई मार्की खेलाडीका रुपमा घोषणा गरेको […]
September 14, 2024
एजेन्सी – घरेलु टोली इङ्ग्ल्यान्डले शुक्रवार अस्ट्रेलियालाई दोस्रो टि ट्वान्टीमा ३ विकेटले पराजित गरेको छ । जितसँगै इङ्ल्यान्डले ३ खेलको सिरिजमा १-१ को बराबरी गरेको छ । पहिलो खेल अस्ट्रेलियाले २८ रनले जितेको थियो । कार्टिफमा भएको खेलमा अस्ट्रेलियाले दिएको १ सय ९४ रनको लक्ष्य घरेलु टोलीले १९ ओभरमा ७ विकेट गुमाएर लक्ष्य पूरा गर्यो […]