5 months ago
November 28, 2023
काठमाडौं (हाम्रो खेलकुद) – पोखरामा जारी केपी ओली टि२० कप प्रतियोगितामा नेपाल पुलिस क्लब सुदूरपश्चिम प्रदेशसँग ४ विकेटले पराजित भएसँगै समूह सी बाट नै बाहिरिएको छ । पुलिसको हारले भने मधेश समूह सी को विजेता बन्दै सेमिफाइनलमा पुगेको छ ।
समूह सी मा मधेश, पुलिस र सुदूरको समान २–२ अंक रह्यो । तर नेटरनरेटमा मधेश माथि रहँदै सेमिफाइनलमा पुगेको हो । मधेशको नेटरनरेट १.४७२, पुलिसको १.०८४ र सुदूरपश्चिमको माइनस ३-२२९ रह्यो ।
मधेश पहिलो खेलमा पुलिससँग ५७ रनले पराजित भएको थियो । दोस्रो खेलमा सुदूरपश्चिमलाई ८ विकेटले हराएको थियो । मधेशले सुदूरले दिएको ५९ रनको लक्ष्य ४.४ ओभरमा पूरा गर्दै सेमिफाइनल सम्भावना कायमै राखेको थियो । सुदूरले पुलिसलाई हराएपछि मधेश सेमिफाइनलमा पुगेको हो ।
समूह ए बाट बागमती सेमिफाइनलमा पुगेको थियो । समूह बी बाट एपिएफ सेमिफाइनलमा पुगेको थियो । गण्डकीलाई नेटरनरेटमा पछि पार्दै एपिएफ सेमिफाइनलमा पुगेको थियो । समूह सी बाट मधेश सेमिफाइनलमा पुगेको छ ।
समूह डी बाट भने सेमिफाइनल खेल्ने टोलीको टुङ्गो लाग्न बाँकी छ । समूह डी मा त्रिभुवन आर्मी क्लब, कोशी प्रदेश र मदन भण्डारी स्पोर्ट्स एकडेमी ब्ल्यू छन् । पहिलो सेमिफाइनल खेलमा बागमतीले समूह डी को विजेतासँग खेल्नेछ । दोस्रो सेमिफाइनलमा मधेश र एपिएफ भिड्नेछन् । सेमिफाइनल मंसिर १४ र फाइनल मंसिर १५ मा हुनेछ ।
यो पनि : किरण र नरेनको उत्कृष्ट प्रदर्शनमा सुदूरपश्चिमले पुलिसलाई हरायो
May 10, 2024
एजेन्सी – रोयल च्यालेनजर्स बेंगलूरु (आरसिबि) ले पञ्जाब किंग्स विरुद्ध जित दर्ता गर्दै इंडियन प्रिमियर लिग (आईपिएल) मा प्लेअफ सम्भावना कायम राखेको छ । धर्मशालामा भएको खेलमा आरसिबिले ६० रनको जित दर्ता गरेको हो । टस हारेर पहिले ब्याटिङ गरेको आरसिबिले निर्धारित २० ओभरमा ७ विकेटको क्षतिमा २४१ रनको विशाल योगफल खडा गरेको थियो । […]
May 9, 2024
सुमन अधिकारी,बुटवल न्यु होराइजन बोर्डिङ स्कुलले जेट नेपाल यु १४ टि ट्वान्टी क्रिकेट च्याम्पियनसिपको उपाधि जितेको छ । बुटवल उपमहानगरपालिकाको सहयोग तथा वेष्ट्रन क्रिकेट क्लबको आयोजनामा रुपन्देहीमा भएको प्रतियोगिताको फाइनलमा पूर्व राष्ट्रिय खेलाडी शक्ति गौचनले प्रशिक्षण गरेको न्यु होराइजनले बुद्ध पब्लिक स्कुल, देवदहलाई ३ विकेटले हराउँदै उपाधि जितेको हो । जितका लागि ७९ रनको लक्ष्य […]
May 9, 2024
काठमाडौं (हाम्रो खेलकुद)- मन्त्री परिषद्ले विभिन्न खेलमा सफलता प्राप्त गरेका खेलाडीलाई २ करोड ९७ लाख १० हजार रुपैयाँ पुरस्कार दिने निर्णय गरेको छ। युवा तथा खेलकुद मन्त्रालयले पेश गरेको प्रस्तावलाई मन्त्री परिषदको आज बसेको बैठकले निर्णय गरेसँगै एसियन गेम्समा पदक विजेता, क्रिकेट टिम र पारा तेक्वान्दो खेलाडी तथा प्रशिक्षकले नगद पुरस्कार पाउने भएका हुन्। आइसिसी […]