10 months ago
November 29, 2023
एजेन्सी – भारतीय क्रिकेट बोर्ड (बिसिसिआई) ले मुख्य प्रशिक्षकमा राहुल द्रविडलाई निरन्तरता दिने भएकोछ । उनको सम्झौता विश्वकप २०२३ सँगै सम्पन्न भएको थियो । राहुलले २०२१ देखी भारतको मुख्य प्रशिक्षकको जिम्मेवारी सम्हाल्लेका थिए । दुई साता अघि घरेलु मैदानमा सम्पन्न विश्वकपसँगै उनको सम्झौता सकिएको थियो ।
राहुल द्रविडको स्थानमा भिभियस लक्ष्मण मुख्य प्रशिक्षक बन्नसक्ने चर्चा थियो । तर लक्ष्मणले एनसिए नै हेर्ने भएका छन् । द्रविडको प्रशिक्षणमा भारतले आइसिसी विश्व टेस्ट च्याम्पियनसिपको फाइनलमा अष्ट्रेलियासँग २ सय ९ रनले २०२३ मा हारेको थियो ।
त्यस्तै गतवर्ष टि२० विश्वकपको सेमिफाइनलमा इंग्ल्यान्डसँग १० विकेटले पराजित भएको थियो । आइसिसी विश्वकप २०२३ को फाइनलमा अष्ट्रेलियासँग ७ विकेटले पराजित भएको थियो । यस विश्वकपमा भारतले लगातार १० जित र सानदार ब्याटिङ प्रदर्शनले मुख्य प्रशिक्षक द्रविडको पनि तारिफ भएको थियो ।
द्रविडको सम्झौता २०२४ जुन टि२० विश्वकप सम्म रहेको छ । त्यस्तै बिसिसिआईले ब्याटिङ प्रशिक्षक विक्रम राठोर, बलिङ प्रशिक्षकमा पारस म्हाम्बे्र र टि दिलिपलाई फिल्डिङ प्रशिक्षकमा निरन्तरता दिएको छ ।
October 4, 2024
काठमाडौं (हाम्रो खेलकुद) – नेपाल प्रिमियर लिग (एनपिएल) टोली सुदूरपश्चिमाञ्चल रोयल्सले प्रकाश खड्कालाई सिइओमा नियुक्त गरेको छ । खड्का र सुदूरपश्चिमका मालिक स्वतन्त्र प्रताप शाहले शुक्रवार सम्झौता पत्रमा हस्ताक्षर गरेको टोलीले जनाएको छ। १० वर्ष भन्दा लामो समय क्रिकेटमा व्यवस्थापकीय जिम्मेवारी निर्वाह गरेका खड्का धनगढी प्रिमियर लिग (डिपिएल) का समेत निर्देशकका रुपमा रहिसकेका छन् । […]
October 4, 2024
एजेन्सी – घरेलु टोलीले क्यानडा टि ट्वान्टी त्रिकोणात्मक सिरिज जितेको छ । ओमानलाई बिहीवार ५ विकेटले हराउँदै क्यानडा च्याम्पियन बनेको हो । नेपाल पनि सहभागी यस सिरिजमा शिर्ष स्थानमा रहँदै क्यानडाले उपाधि जितेको हो । क्यानडाले सिरिजमा खेलेका ४ मध्ये ३ खेल जितेको थियो । क्यानडाले सिरिजमा नेपालसँगको दुवै खेलमा जित हासिल गरेको थियो । […]
October 4, 2024
एजेन्सी – युएईमा सुरु भएको नवौं महिला टि ट्वान्टी विश्वकपमा बंगलादेश र पाकिस्तानले विजयी सुरुवात गरेका छन् । शारजाहमा बिहीवार भएका दुवै खेलमा बंगलादेशले स्कटल्यान्डलाई र पाकिस्तानले श्रीलंकालाई पराजित गरेका हुन् । दोस्रो खेलमा पाकिस्तानले श्रीलंकामाथि ३१ रनको जित हासिल गर्यो । १ सय १७ रनको लक्ष्य पछ्याएको श्रीलंकाले निर्धारित २० ओभरमा ९ विकेट गुमाएर […]
