8 months ago
November 29, 2023
एजेन्सी – युगान्डा आफ्नो क्रिकेट इतिहासमा पहिलो पटक विश्वकप नजिक पुगेको छ । नामिबियामा जारी आइसिसी टि२० विश्वकपमा केन्यालाई ३३ रनले हराउँदै विश्वकप नजिक पुगेको हो । बिहीबार युगान्डाले रवान्डालाई हराएको खण्डमा आफ्नो इतिहासमा पहिलो पटक विश्वकप खेल्नेछ । जिम्बावे छनोटबाट बाहिरिने उच्च सम्भावना भएको छ ।
जितको लागि १ सय ६३ रनको विजयी लक्ष्य पछ्याएको केन्या १९ ओभरमा १ सय २९ रनमा अल आउट भयो । केन्याका कोलिन ओबुयाले ३४, रकिब पटेल २६ र सचिनले २७ रन बनाए । युगान्डाका बिलाल हुसनले ४ ओभरमा ३९ रन खर्चेर ४ विकेट लिए ।
त्यसअघि टस जितेर पहिला ब्याटिङ रोजेको युगान्डाले निर्धारित २० ओभरमा ५ विकेट गुमाउँदै १ सय ६२ रन बनाएको थियो । युगान्डाको जितमा ओपनर सिमोन स्सेसाजीले ५० बलमा ५ चौका र २ छक्कासहित ६० रनमा आउट भए । दीनेश नाकरानी २३ बलमा ६ चौकासहित ४० रनमा नट आउट रहे ।
नामिबिया ५ खेलमा १० अंकका साथ शीर्षस्थानमा रहँदै विश्वकपमा पुगि सकेको छ । युगान्डा ५ खेलमा ४ मा जित र १ मा हारसहित ८ अंकका साथ दोस्रो स्थानमा छ । बिहीबार युगान्डा विजयी हुँदा १० अंकका साथ दोस्रो स्थानमा रहँदै विश्वकप खेल्नेछ । यदि युगान्डा पराजित भएको खण्डमा मात्रै जिम्बावेको विश्वकप सम्भावना खुल्नेछ । युगान्डा अन्तिम खेलमा पराजित हुँदा नेटरनरेटमा भरपर्नेछ ।
जिम्बावे ५ खेलमा ३ मा जित र २ मा हारसहित ६ अंकका साथ तेस्रो स्थानमा छ । केन्या ५ खेलमा ३ मा जित र २ मा हारसहित चौथो स्थानमाछ । जिम्बावे र केन्याबीच बिहीबार खेल हुनेछ । यदि युगान्डा रवान्डासँग पराजित भएको खण्डमा मात्रै जिम्बावे विजयी हुँदा विश्वकपमा पुग्नेछ ।
तर युगान्डा विजयी भएमा जिम्बावेको विश्वकप सम्भावना समाप्त हुनेछ । युगान्डाले रवान्डासँग १६ टि२० आई खेल खेल्दा कुनैपनि खेल हारेको छैन । युगान्डाले यू१९ विश्वकप २००४, २००६ र २०२२ मा खेलेको थियो । सिनियरमा भने हालसम्म कुनैपनि विश्वकप खेलेको छैन ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]