default_image

7 months ago

November 30, 2023

भारत तीन फरक कप्तानका साथ दक्षिण अफ्रिका जाने

8274 views

0 Bookmark

एजेन्सी – भारतले दक्षिण अफ्रिका भ्रमणको लागि तीन फरक कप्तानीमा टोली घोषणा गरेको छ । भारतले दक्षिण अफ्रिकासँग डिसेम्बर १० देखी जनवरी ३ सम्म समान तीन टि२०, ओडिआई र दुई टेस्ट खेलको सिरिज खेल्नेछ ।

भारतले सूर्यकुमार यादवको कप्तानीमा टि२० टोली घोषणा गरेको छ । रविन्द्र जडेजा टि२० मा उपकप्तान छन् । तीव्र गतिका बलर दीपक चाहर टि२० आईमा टोलीमा फर्किएका छन् ।

भारतले ओडिआई भने लोकेश राहुलको कप्तानीमा टोली घोषणा गरेको छ । ओडिआई टोलीमा सन्जु स्यामसन र रजत पाटीदारलाई भारतले टोलीमा बोलाएको छ । त्यस्तै युजभेन्द्र चहल पनि भारतीय ओडिआई टोलीमा छन् ।

टेस्ट टोली भने भारतको रोहित शर्माले गर्नेछन् । भारतले रोहित शर्मा र विराट कोहलीलाई टि२० र ओडिआईमा विश्राम दिएको छ । डिसेम्बर १०, १२ र १४ मा भारत र दक्षिण अफ्रिकाबीच टि२० आई सिरिज हुनेछ । डिसेम्बर १७, १९ र २१ मा तीन ओडिआई खेलको सिरिज हुनेछ ।

आइसिसी विश्व टेस्ट च्याम्पियनसिप २०२३ देखी २०२५ अन्तर्गत दुई टेस्ट खेल पनि खेल्नेछ । पहिलो टेस्ट २६ डिसेम्बर र दोस्रो टेस्ट ३ जनवरीमा सुरु हुनेछ ।

दुई साताअघि भारत एकदिवसीय विश्वकपको फाइनलमा अष्ट्रेलियासँग ७ विकेटले पराजित भएको थियो । दक्षिण अफ्रिका पनि सेमिफाइनलमा अष्ट्रेलियासँग ३ विकेटले पराजित हुँदै बाहिरिएको थियो । दुबै टोली उक्त पिडालाई भूलेर २०२४ को टि२० विश्वकपको तयारी गर्न चाहन्छन् ।

भारतको टेस्ट टोली :

रोहित शर्मा (कप्तान), शुभमन गिल, यशस्वी जैसवाल, विराट कोहली, श्रेयस ऐर, ऋतुराज गायकवाड, ईशान किशन, लोकेश राहुल, रविचन्द्रन आश्विन, रविन्द्र जडेजा, शार्दुल ठाकुर, मोहम्मद शिराज, मुकेश कुमार, मोहम्मद शामी, जस्प्रित बुमराह र प्रसिद्ध कृष्णा ।

भारतको ओडिआई टोली :

ऋतुराज गायकवाड, साई सुदर्शन, तिलक बर्मा, रजत पाटिदार, रिंकु सिंह, श्रेयस ऐर, लोकेश राहुल (कप्तान), सन्जु स्यामसन, अक्षर पटेल, वासिन्टन सुन्दर, कुलदीप यादव, युजभेन्द्र चहल, मुकेश कुमार, आवेश खान, अर्शदीप सिंह र दीपक चाहर ।

भारतको टि२० आई टोली

यशस्वी जैसवाल, शुभमन गिल, ऋतुराज गायकवाड, तिलक बर्मा, सूर्यकुमार यादव (कप्तान), रिंकु सिंह, श्रेयस ऐर, ईशान किशन, जितेश शर्मा, रविन्द्र जडेजा, वासिन्टन सुन्दर, रवि विश्रोई, कुलदीप यादव, अर्शदीप सिंह, मोहम्मद शिराज, मुकेश कुमार र दीपक चाहर ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.