default_image

7 months ago

December 2, 2023

‘हामीले जिल्ला र प्रदेशलाई केहि गर्न खोजेका छौं, प्रदेश सरकारले खेलाडीलाई हेर्नुपर्छ’

1287 views

0 Bookmark

काठमाडौं (हाम्रो खेलकुद) – नेपालका युवा विकेटकिपर अनिलकुमार शाहले आफूहरुले जिल्ला र प्रदेशलाई केहि गर्न खोजेको हुँदा प्रदेश सरकारले खेलाडीहरुलाई हेर्दिनु पर्ने बताएका छन् । शुक्रबार केपी ओली कपको फाइनलमा नेपाली क्रिकेट टोलीका खेलाडीको बाहुल्यता रहेको आर्मीलाई हराउँदै उपाधि जितेपछि अनिलले उक्त प्रतिक्रिया दिएका हुन् ।

‘हामीलाई चुनौतीपूर्ण थियो । विभागीय टोली भन्दा युवा खेलाडीको मनोबल केहि दबाबमा हुने गर्दछ । टि२० मा जसले राम्रो खेल्छ त्यसैले जित्ने हो । म, पवन र हरिको अनुभवले काम गर्यो’, जितपछि अनिल शाहले भने ।

मधेशले फाइनलमा आर्मीलाई ११ रनले हराउँदै उपाधि जितेको थियो । प्रदेश संरचनामा गएपछि मधेशले जितेको यो कुनैपनि प्रतियोगिता पहिलो उपाधि थियो । प्रदेश बलियो बनाउन सरकारले पनि केहि गर्नुपर्ने उनी बताउँछन् ।

सबै विभागीय टोलीमा प्रदेशकै खेलाडी हुनुन्छ । वहाँहरु आर्थिक रुपमा बलियो हुन त्यहाँ जानुहुन्छ । हामी पनि त्यसैको लागि गएका हौं । फर्किएर आएका छौं । प्रादेशिक सरकारले हामीलाई पनि हेर्दिनुपर्छ । आर्थिक रुपमा सुरक्षा पाएमा हामी पनि विभागीय टोलीमा जादैनौं । हामी प्रदेश र जिल्लालाई केहि गर्न खोजेका छौं । त्यसमा प्रदेश सरकारले पनि अलिकति चासो दिनुपर्यो’, उनले भने ।

अनिलले सुरुवातमा मधेशबाट क्रिकेट खेलेका थिए । तर यू–१९ हुँदै नेपाली टोलीमा परेपछि अनिलले नेपाल एपिएफ हुँदै नेपाल पुलिस क्लबबाट क्रिकेट खेलेका थिए । त्यहाँ छाडेर २०२२ देखी प्रदेशबाट खेल्न लागेका छन् । पवन सरार्फ पनि एपिएफ हुँदै पुलिस छाडेर मधेश फर्किएका हुन् । तर युवा ब्याटर विवेक यादव यसै प्रतियोगिता देखी मधेश छाडेर आर्मी गएका थिए ।

यस टिमलाई निरन्तरता दिन प्रदेशको आफ्नै क्यालेन्डर हुनुपर्ने अनिल बताउँछन् ।’ प्रदेशको आफ्नै क्यालेन्डर हुनुपर्यो । जिल्ला र क्लबको क्रिकेट जतिहुन्छ त्यतिनै राम्रो हो । विभागीय टोलीमा अन्य खेलहरु खेलेका हुन्छन् । प्रदेशका खेलाडीहरु वर्षमा एउटा प्रतियोगिता खेल्नुपर्छ । हाम्रो प्रदेशमा धेरै खेलाडीहरु छन् । हाम्रा ८ जिल्लामै क्रिकेट हुन्छ । सबैमा एकदमै क्रिकेटको क्रेज छ’, उनले भने ।

कुनैपनि खेलाडीलाई प्रदेशमा बसेर खेल्न कठिन अवस्था र चुनौती छ । सबै प्रदेशका खेलाडी विभागीय टोलीमा अनुबन्ध हुन चाहन्छन् । तर मधेशबाट अनिल र पवनले विभाग छाडेर प्रदेश फर्किएका हुन् ।

‘प्रदेशमा रहेर क्रिकेट खेल्न एकदमै चुनौतीछ । हाम्रो लागि प्रदेशमा केहि पनि छैन । हामी यहाँ आउदा क्याम्प, छनोट केहिपनि थिएन । पुरानै टिम खेल्न आएका थियौं । खेलहरु र आर्थिक रुपमा सुरक्षा भएमा अनिमात्रै राम्रो गर्नसक्छौं’, उनले भने ।

अनिलले पछिल्लो समय राम्रो प्रदर्शन गरेका छन् । एपिएफलाई सेमिफाइनलमा हराउन ३६ बलमा २ चौका र ६ छक्कासहित ५७ रनको योगदान दिएका थिए । अनिलले नेपालबाट २०१८ मा नेदरल्यान्ड्सविरुद्ध ऐतिहासिक ओडिआई खेल नै खेल्ने मौका पाएका थिए । उनले नेपालबाट ४ ओडिआई र १ टि२० आई खेल खेलेका छन् ।

‘छनोटको दबाब हुन्छ । त्यसलाई साइडमा राखेर जे हुन्छ हुन्छ । म आफ्नो उत्कृष्ट दिन चाहन्छु । मोन्टी सर आउनु भएको छ । कोहि खेलाडीले राम्रो गरेको छ भने मोन्टी र पारस दाईले पक्कै हेर्नुहुन्छ । त्यो वहाँहरुको पार्टहो । हामी मिहिनेत गर्दै राम्रो प्रदर्शनमा ध्यान दिनुपर्छ’, उनले भने ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.