6 months ago
December 5, 2023
काठमाडौं (हाम्रो खेलकुद) – नेपाली युवा टोलीले युएईमा हुने एसिसी यू–१९ एसिया कप खेल्दैछ । एक महिनापछि दक्षिण अफ्रिकामा हुने आइसिसी यू-१९ विश्वकप तयारीको लागि एसिया कप हुन लागेको हो ।
नेपालले एक महिना अघि मलेसियामा सम्पन्न एसिसी यू–१९ प्रिमियर कपको उपाधि जित्दै एसिया कपमा स्थान बनाएको थियो । नेपालले गत फागुनमा घरेलु टोली युएईलाई हराउँदै २०२४ जनवरी फेब्रुअरीमा हुने यू–१९ विश्वकपमा स्थान बनाएको थियो ।
अघिल्लो महिना सम्पन्न यू१९ प्रिमियर कपबाट नेपालसहित उपविजेता युएई र तेस्रो स्थानमा रहेका जापानले पनि यू१९ एसिया कप खेल्नेछन् । जापानले पहिलो पटक एसिया कप खेल्नेछ । युएईमा हुने एसिया कपको बारे सम्पूर्ण जानकारी यस प्रकार छ ।
मिति : प्रतियोगिता मंसिर २२ देखी पुष १ गतेसम्म (डिसेम्बर ८ देखी १७) हुनेछ ।
स्थान : दुबईको आइसिसी एकेडेमी ओभल-१ र २ मैदानमा हुनेछ ।
समूह ए : नेपाल, भारत, पाकिस्तान र अफगानिस्तान
समूह बी : युएई, जापान, बंगलादेश र श्रीलंका
नेपालको खेल तालिका –
मंसिर २२ (डिसेम्बर ८) – नेपाल र पाकिस्तान
मंसिर २४ (डिसेम्बर १०) – नेपाल र अफगानिस्तान
मंसिर २६ (डिसेम्बर १२) – नेपाल र भारत
मैदान: नेपालबा सबै खेल आइसिसी एकेडेमी ओभल २ मा खेल हुनेछन् ।
मंसिर २९ (डिसेम्बर १५) – सेमिफाइनलका दुबै खेल हुनेछन् । समूह ए को विजेताले समूह बी को उपविजेतासँग खेल्नेछ । समूह बी को विजेताले समूह ए को उपविजेतासँग खेल्नुपर्ने हुन्छ ।
पुष १ (डिसेम्बर १७) – फाइनल खेल हुनेछन् ।
सबै खेल नेपाली समय अनुसार बिहान ११ : १५ मा सुरु हुनेछन् । युएईको समय अनुसार भने बिहान ९ : ३० मा सुरु हुनेछ ।
लाइभ – सबै खेलको लाइभ एसिसीले आफ्नो युटुब च्यानलबाट गर्नेछ ।
पिच कन्डिसन – आइसिसी ओभल एकेडेमी दुबै मैदानमा तीव्र गतिका बलरलाई बढी फाइदा पुग्ने गर्दछ । हरियो दुबो बढी हुँदा तीव्र गतिका बलरले बढी फाइदा उठाउने गर्दछन् ।
नेपालको यू१९ एसिया कप २०२३ खेल्ने टोली :
देव खनाल (कप्तान), अर्जुन कुमाल, आकाश त्रिपाठी, दीपक डुम्रे (विकेटकिपर), हेमन्त धामी, गुलशन झा, दीपेश कंडेल, विशाल विक्रम केसी, सुभाष भण्डारी, दीपक बोहोरा, उत्तम थापा मगर (विकेटकिपर), विपिन रावल (विकेटकिपर), तिलक राज भण्डारी, आकाश चन्द र दीपक बोहरा ।
May 20, 2024
काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]
May 20, 2024
एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]
May 19, 2024
काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]