एजेन्सी – पाकिस्तानका युवा स्टार बलर नसिम शाहका भाई उबेदले एसिसी यू-१९ एसिया कपमा नेपालविरुद्ध खेलेका छन् । आइसिसी एकेडेमी ओभल-२ मा नेपालले टस हारेर पहिला ब्याटिङको निम्तो पाएको छ ।

पाकिस्तानको टोलीमा नसिम शाहका भाइ उबेदले दोस्रो ओभर लिएर उनी बलिङ गर्न आएका थिए । दोस्रो ओभरको दोस्रो बलमा विपिन रावलले उनलाई चौका प्रहार गरेका थिए । दोस्रो ओभरमा उनले ८ रन खर्चेका थिए ।

नसिमको माइलो हुनैन र कान्छो भाइको रुपमा उबेद छन् । १९ वर्षीय हुनैनले सेन्ट्रल पन्जाबबाट घरेलु क्रिकेट खेल्ने गर्दछन् । तीव्र गतिका बलर हुनैनले ८ प्रथम श्रेणी, ८ लिष्ट ए र १४ टि२० क्रिकेट खेलेका छन् । प्रथम श्रेणीमा १७, लिष्ट ए मा १२ र टि२० मा १७ विकेट लिएका छन् ।

२० वर्षीय नसिम पाकिस्तानका प्रमुख बलर हुन् । उनले पाकिस्तानबाट १७ टेस्ट, १४ ओडिआई र १९ टि२० आई क्रिकेट खेलेका छन् । चोटका कारण उनले अघिल्लो महिना सम्पन्न एकदिवसीय विश्वकप गुमाएका थिए । नसिम, शाहिद अफ्रिदी र हरिस रौफको जोडीले पाकिस्तानमा सानदार प्रदर्शन गर्दै आएका छन् ।

१७ वर्षीय उबेदले यू१९ मा सानदार प्रदर्शन गरेर स्थान बनाएका हुन् । श्रीलंकासँग अघिल्लो महिना चार युथ यू१९ ओडिआईमा ९ विकेट लिँदै टोलीमा परेका थिए ।