default_image

3 months ago

December 10, 2023

भारतमाथि पाकिस्तानको सानदार जित

एजेन्सी – शीर्षक्रमका ब्याटर आजन अवैसको शतक र मोहम्मद जिशानको उत्कृष्ट बलिङमा पाकिस्तानले एसिसी यू१९ एसिया कपमा भारतमाथि ८ विकेटको सानदार जित हात पारेको छ । लगातार दोस्रो जितसँगै पाकिस्तान सेमिफाइनलमा पुग्न औपचारिकता बाँकी छ । जितको लागि २ सय ६० रनको विजयी लक्ष्य पछ्याएको पाकिस्तानले ४७ ओभरमा २ विकेट गुमाउँदै पूरा गर्यो । पाकिस्तानको […]

4886 views

0 Bookmark

एजेन्सी – शीर्षक्रमका ब्याटर आजन अवैसको शतक र मोहम्मद जिशानको उत्कृष्ट बलिङमा पाकिस्तानले एसिसी यू१९ एसिया कपमा भारतमाथि ८ विकेटको सानदार जित हात पारेको छ । लगातार दोस्रो जितसँगै पाकिस्तान सेमिफाइनलमा पुग्न औपचारिकता बाँकी छ ।

जितको लागि २ सय ६० रनको विजयी लक्ष्य पछ्याएको पाकिस्तानले ४७ ओभरमा २ विकेट गुमाउँदै पूरा गर्यो । पाकिस्तानको जितमा आजनले १ सय ३० बलमा १० चौकासहित १ सय ५ रनमा अविजित रहे । कप्तान साद बेग ५१ बलमा ८ चौका र १ छक्कासहित ६८ रनमा नट आउट रहे ।

तेस्रो विकेटका लागि साद र आजनले १ सय १५ बलमा १ सय २५ रनको अविजित साझेदारी गरे । ओपनर श्यामुयल हसन ८ रनमै आउट भएका थिए ।

दोस्रो विकेटका लागि शहजैब खान आजनले १ सय १० रनको सानदार शतकीय साझेदारीका साथ सहज जितको आधार तय गरेका थिए । खान ८८ बलमा ४ चौका र ३ छक्कासहित ६३ रनमा आउट भए । भारतको दुबै विकेट अभिषेक मुरुगनले लिएका थिए ।

त्यसअघि दुबईमा रहेको आइसिसी एकेडेमी ओभल–१ मैदानमा टस हारेर पहिला ब्याटिङको निम्तो पाएको भारतले निर्धारित ५० ओभरमा ९ विकेट गुमाउँदै २ सय ५९ रन बनाएको थियो ।

भारतका कप्तान उदय शहरनले ९८ बलमा ५ चौकासहित ६० रन बनाए । आर्दश सिंह ८१ बलमा ४ चौका र १ छक्कासहित ६२ रनमा आउट भए । सचिन दासले ४२ बलमा २ चौका र ३ छक्कासहित ५८ रन बनाएका थिए । अन्य कुनैपनि ब्याटरले राम्रो गर्न सकेनन् ।

पाकिस्तानका मोहम्मद जिशानले १० ओभरमा १ मेडनसहित ४६ रन खर्चेर ४ विकेट लिए । जिशानले नेपालविरुद्ध ६ विकेट लिएका थिए । अमिर हसन र उबेद शाहले समान दुई विकेट लिए ।

भारतले पहिलो खेलमा अफगानिस्तानलाई ७ विकेटले हराएको थियो । पाकिस्तानले नेपाललाई ७ विकेटले हराएको थियो । मंगलबार भारतले नेपालसँग खेल्नेछ । पाकिस्तानले सोहि दिन अफगानिस्तानसँग खेल्नेछ ।

February 29, 2024

पाँचपोखरी र ह्योल्मो-११ समूह विजेता बन्दै सेमिफाइनलमा

काठमाडौं (हाम्रो खेलकुद) – पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगितामा जित दर्ता गरेका छन् । यस जितसँगै दुवै विजयी टोली समूह विजेता बन्दै सेमिफाइनलमा स्थान पक्का गर्न सफल भए । मुलपानी क्रिकेट मैदानमा विजय धितालको उत्कृष्ट प्रदर्शनमा पाँचपोखरीले मेलम्ची नगरपालिकालाई ३ विकेटले हरायो । पहिलो ब्याटिङ गरेको मेलम्ची १७.१ ओभरमा […]

February 29, 2024

नेदरल्यान्ड्सको लगातार दोस्रो जित

काठमाडौं (हाम्रो खेलकुद) – युवा ओपनर माइकल लेभिटको शतकमा नेदरल्यान्ड्सले त्रिकोणात्मक टि२० सिरिजमा लगातार दोस्रो जित निकालेको छ । नामिबियालाई ५९ रनले पराजित गर्दै नेदरल्यान्ड्स अंक तालिकाको शीर्ष स्थानमा पनि उक्लेको छ । नेदरल्यान्ड्सको ४ अंक, नामिबियाको २ अंक र नेपाल अंकविहिन छ । जितको लागि २ सय ४८ रनको कीर्तिमानी लक्ष्य पछ्याउने क्रममा नामिबियाले […]

February 29, 2024

लेभिटको शतकमा नेदरल्यान्ड्सको कीर्तिमानी योगफल

काठमाडौं (हाम्रो खेलकुद) – युवा ओपनर माइकल लेभिटको शतकमा नेदरल्यान्ड्सले त्रिकोणात्मक टि२० सिरिजको तेस्रो खेलमा नामिबियाविरुद्ध कीर्तिमानी योगफल खडा गरेको छ । टस जितेर ब्याटिङ रोजेको नेदरल्यान्ड्सले निर्धारित २० ओभरमा ५ विकेट गुमाएर २ सय ४७ रन जोड्यो । लेभिटले ६२ बलमा ११ चौका र १० छक्कासहित १ सय ३५ रन जोड्यो । त्यस्तै साइब्रान्ड […]

Success

Thank you for your time.