एजेन्सी – अष्ट्रेलियाको चर्चित टि२० क्रिकेट बिग ब्यास लिगमा पिचमा पानी छिरेपछि खेल नै स्थगित भएको छ । आइतबार बिग ब्यासको चौथो खेल भिक्टोरिया स्थित जिलोङ्गा रहेको सिमन्ड्स स्टेडियममा पर्थ स्कोचर्स र मेलबर्न रेनेगर्ड्सबीचको खेल रद्ध भएको हो ।

पर्थले टस हारेर ६.५ ओभरमा २ विकेट गुमाउँदै ३० रन बनाउँदा खेल रद्ध भएको हो । पिच खेल्न योग्य नभएको हुँदा रद्ध भएको थियो । रातभर वर्षाको कारण कभरभीत्र पानी छिरेपछि पिच खेल्न योग्न नभएको र खेलाडीलाई खतरा हुन सक्ने भन्दै अम्पायरले खेल रद्ध गरेका हुन् ।

अन्तिम बल हामीले एकदमै अस्वभाविक देखेका थियौं । त्यसैले हामीले सोच्यौ की यसले खतरनाक व्यवहार गरेको छ । त्यसैले खेल रद्ध गर्नुको कारण हो, अम्पायर बेन ट्रेलोरले भनेका छन् । पिचमा पानी परेपछि अस्वभाविक बाउन्स र डाउन भएको थियो । त्यसैले अम्पायरले खेल्न असुरक्षित भन्दै स्थगित गरेका हुन् ।

यस खेललाई पुन खेलाइनले अष्ट्रेलिया क्रिकेट बोर्डले जनाएको छ । खेल हेर्न ६ हजार ६ सय १ दर्शक मैदान पुगेका थिए । ती सबै दर्शकको मूल्य फिर्ता गर्ने पनि क्रिकेट अष्ट्रेलियाले जनाएको छ ।

सोमबार होबार्ट हरिकेन्स र सिड्नी सिक्सर्सबीच खेल हुनेछ । चर्चित बिग ब्यास लिगमा पिचमा पानी छिरेपछि खेल्न असुरक्षित भएको भन्दै खेल नै स्थगित भएको छ ।