8 months ago
December 12, 2023
काठमाडौं (हाम्रो खेलकुद) – नेपालले एसिसी यू१९ एसिया कपमा आज भारतसँग खेल्दैछ । खेल नेपाली समय अनुसार बिहान ११ : १५ मा दुबईको आइसिसी एकेडेमी ओभल-२ मैदानमा सुरु हुनेछ । नेपाल पहिलो खेलमा पाकिस्तानसँग ७ विकेट र दोस्रो खेलमा अफगानिस्तानसँग ७३ रनले पराजित भएको थियो ।
शीर्ष दुईमा रहँदै सेमिफाइनल खेल्न नेपालले भारतमाथि मिराकल विशाल जित निकाल्न आवश्यक पर्दछ । नेपाललाई मिराकल जित मात्रै पर्याप्त हुनेछैन । उता पाकिस्तानले अफगानिस्तानलाई हराउन पर्छ । यो अवस्थामा नेपाल, भारत र अफगानिस्तानको समान २ अंक हुनेछ । नेपाल नेटरनरेटमा माथि रहँदै सेमिफाइनल खेल्नसक्छ ।
नेपालको नेटरनरेट माइनस २.०२४, भारतको ०.४५४ र अफगानिस्तानको ०.२०३ छ । नेपालले दुबै खेलमा राम्रो ब्याटिङ गर्न सकेको छैन । पाकिस्तानसँग १ सय ५२ र अफगानिस्तानसँग १ सय ८८ रनमा अल आउट भएको थियो । पाकिस्तानसँग उत्तमथापा मगरले सर्वाधिक ५१ र अफगानिस्तानसँग अर्जुन कुमालले ९१ रन बनाएका थिए ।
सिनियर टोलीका प्रमुख दुई खेलाडी देव खनाल र गुलशन झाले राम्रो प्रदर्शन गर्न नसक्दा नेपालले अपेक्षा अनुसार ब्याटिङ गरेको छैन । देव पाकिस्तानसँग शून्य र अफगानिस्तानसँग २४ रनमा आउट भएका थिए । गुलशन पाकिस्तानसँग १ र अफगानिस्तानसँग १७ रन बनाएका थिए ।
यी दुई खेलाडीको प्रदर्शनले टोलीको मनोबल र नतिजामा फरक पर्ने हुँदा जिम्मेवारी प्रदर्शन गर्न आवश्यक छ । विशेषगरि गुलशनले खेलमा जिम्मेवारी लिन आवश्यक देखिन्छ । अर्जुन कुमाल टोलीका सबैभन्दा भरपर्दा ब्याटर हुन् । उनले अफगानिस्तानविरुद्ध साथ पाएका थिएनन् ।
नेपालका ओपनर विपिन रावल आजको खेलमा बेन्चमा बस्ने सम्भावना छ । रावल ७ र शून्यमा आउट भएका थिए । विपिनलाई बेन्चमा राख्दा दीपक डुम्रेलाई खेलाउन सक्छ । ओपनिङमा अर्जुन कुमाल र दीपक बोहरा खेल्न सक्छन् । डुम्रेले भने मध्यक्रममा खेल्ने गर्दछन् । नेपालले टोलीमा अन्य परिवर्तन गर्ने सम्भावना छैन ।
उता भारतलाई पनि यो खेल जित्नै पर्ने दबाब छ । भारतले अफगानिस्तानलाई ७ विकेटले हराएको थियो । पाकिस्तानसँग ८ विकेटले हारेको थियो । नेपालले आफ्नो क्रिकेट इतिहासमा भारतलाई एक पटक मात्रै हराएको छ ।
सन् २०१७ को यू१९ एसिया कपमा कप्तान दीपेन्द्रसिंह ऐरीले ८८ रन बनाउनुको साथै ४ विकेट लिँदै अलराउन्ड प्रदर्शन गरेपछि नेपालले भारतलाई १९ रनले हराएको थियो । अन्य कुनैपनि खेलमा नेपालले भारतलाई हराउन सकेको छैन । भारतसँग यू१९ मा नेपालले २०१८ पछि पहिलो पटक खेल्दैछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]