2 years ago
December 12, 2023
काठमाडौं (हाम्रो खेलकुद) – प्रधानमन्त्री कप महिला टि२० राष्ट्रिय प्रतियोगिता अव राउन्ड रोविनको आधारमा हुने भएको छ । नेपाल क्रिकेट संघ (क्यान) ले प्रधानमन्त्री कप पुरुष एकदिवसीय प्रतियोगिता राउन्ड रोविनको आधारमा हुने यसअघि नै घोषणा गरेको थियो ।
पुष १ देखी प्रधानमन्त्री कप महिला टि२० प्रतियोगिता काठमाडौंमा हुँदैछ । पिएमकप महिला टि२० राष्ट्रिय प्रतियोगिता राउन्ड रोविनमा गर्न लागेको क्यानका सचिव पारस खड्काले हाम्रो खेलकुदलाई बताएका छन् ।
‘महिला क्रिकेटमा खेलहरु बढाउनै पर्ने भएको छ । यस पटक देखी पिएमकप महिला पनि राउन्ड रोविनमा गराउने छौं । यस सम्बन्धी हामीले चाँडैनै आधिकारिक रुपमा घोषणा गर्नेछौं । जति धेरै म्याचहरु त्यति धेरै खेलाडीहरुले एक्सपोजर पाउने हुन्’, पारसले हाम्रो खेलकुदसँग भने ।
पिएमकप महिलाको लागि सबै प्रदेशले छनोट जारी गरेका छन् । पिएमकप महिला पहिलो पटक काठमाडौंमा हुदैछ । यसअघि पिएमकप महिला काठमाडौं बाहिर हुँदै आएको थियो । प्रतियोगितामा नेपाल एपिएफ क्लबसहित ७ प्रदेशको सहभागीता रहनेछ । सबै टोलीले अव एक अर्कासँग खेल्नेछन् ।
यसअघि पिएमकप महिलामा ८ टोलीलाई दुई समूहमा विभाजन गरेर सेमिफाइनल हुँदै खेलाइने गरिन्थ्यो । तर यस पटक देखी हरेक टोलीले एक अर्कासँग खेल्नेछन् । शीर्ष दुई टोलीले पहिलो क्वालिफायर खेल्नेछन् ।
तेस्रो र चौथो स्थानमा रहने टोलीले प्लेअफ क्वालिफायर खेल्नेछन् । पहिलो क्वालिफायरमा पराजित हुने टोलीले प्लेअफको विजेतासँग दोस्रो क्वालिफायर खेल्नेछ । यसले गर्दा महिला खेलाडीले धेरै खेलहरु पाउनेछन् । खेलहरु माथिल्लो मुलपानी मैदान र टियुमा हुनेछन् ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
