default_image

2 months ago

December 13, 2023

इन्दुको अलराउन्ड प्रदर्शनमा एपिएफको विजयी सुरुवात

काठमाडौं (हाम्रो खेलकुद) – उपकप्तान इन्दु बर्माको अलराउन्ड प्रदर्शनमा नेपाल एपिएफ क्लबले पहिलो टि२० खेलमा बागमती प्रदेशलाई ७२ रनले हराउँदै विजयी सुरुवात गरेको छ । योसँगै तीन खेलको सिरिजमा एपिएफले १-० को अग्रता लिएको छ । तल्लोमुलपानी क्रिकेट मैदानमा टस हारेर पहिला ब्याटिङको निम्तो पाएको एपिएफले निर्धारित २० ओभरमा २ विकेट गुमाउँदै १ सय ३५ […]

854 views

0 Bookmark

काठमाडौं (हाम्रो खेलकुद) – उपकप्तान इन्दु बर्माको अलराउन्ड प्रदर्शनमा नेपाल एपिएफ क्लबले पहिलो टि२० खेलमा बागमती प्रदेशलाई ७२ रनले हराउँदै विजयी सुरुवात गरेको छ । योसँगै तीन खेलको सिरिजमा एपिएफले १-० को अग्रता लिएको छ ।

तल्लोमुलपानी क्रिकेट मैदानमा टस हारेर पहिला ब्याटिङको निम्तो पाएको एपिएफले निर्धारित २० ओभरमा २ विकेट गुमाउँदै १ सय ३५ रन बनायो । इन्दुले २७ बलमा ४ चौका र १ छक्कासहित सर्वाधिक ३९ रन बनाइन् । त्यस्तै ममता चौधरी ४८ बलमा ३ चौकासहित ३८ रनमा आउट भइन् ।

सीता रानामगर ३५ बलमा ४ चौकासहित ३० रनमा आउट भइन् । पहिलो विकेटका लागि सीता र ममताले ८२ रनको साझेदारी गरेका थिए । बागमतीकी कृष्मा गुरुङ र सविका कुमारी यादवले समान एक विकेट लिए ।

जितको लागि १ सय ३६ रनको विजयी लक्ष्य पछ्याएको बागमतीले निर्धारित २० ओभरमा ८ विकेट गुमाउँदै ६३ रन बनायो । बागमतीकी कन्चन श्रेष्ठले ३९ बलमा १ चौकासहित २१ रन बनाइन् । अन्य कुनैपनि ब्याटरले दोहोरो अंकमा रन बनाउन सकेनन् ।

ओपनर हेलिसा गुरुङ ७, अस्मिता खरेल ६, सुजिता थापा ५, अनिशा मजाकोटी ७, यशु पाण्डे ७ र खुशी डंगोल ६ रनमा आउट भइन् । दोस्रो खेल बिहीबार र तेस्रो खेल शुक्रबार हुनेछ ।

बागमती प्रदेशको आयोजना र बागमती प्रदेश खेलकुद परिषद्को आर्थिक सहयोगमा प्रधानमन्त्री कपको लागि छनोट जारी छ । बागमती प्रदेशले चार जिल्लाबीच छनोट चितवनमा गराएको थियो ।

बागमती प्रदेश छनोटको उपाधि काठमाडौंले जितेको थियो । काठमाडौं, भक्तुपर, ललितपुर र चितवन बागमती प्रदेश छनोटमा सहभागी भएका थिए । प्रतियोगिता लिगको आधारमा भएको थियो ।

इलिट ट्रफीमा बागमती प्रदेशमा उत्कृष्ट प्रदर्शन गर्ने खेलाडीबाट तीन टोली, रेड, ब्ल्यू र ग्रीन गरि टिम निर्माण गरि सिंगल राउन्ड रोविनको आधारमा इलिट ट्रफीको गरिएको थियो । उपाधि बागमती रेडले जितेको थियो । प्रधानमन्त्री कप पुष पहिलो साता देखी काठमाडौंमा हुँदैछ ।

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

February 23, 2024

नामिबियाले नेदरल्यान्ड्सलाई हरायो

काठमाडौं (हाम्रो खेलकुद) – आइसीसी क्रिकेट विश्वका लिग-२ अन्तर्गत त्रिकोणात्मक सिरिज अन्तर्गतको खेलमा नामिबियाले नेदरल्यान्ड्सलाई २४ रनले पराजित गरेको छ । टियु क्रिकेट मैदानमा मैदान भिजेको कारण ४५ ओभरमा घटाइएको खेलमा नेदरल्यान्ड्सले जितको लागि २ सय ४ रन पछ्याएपनि लक्ष्य पूरा गर्न सकेन । नेदरल्यान्ड्स ४३.५ ओभरमा १ सय ७९ रनमा अलआउट भएको थियो । […]

Success

Thank you for your time.