default_image

3 months ago

December 14, 2023

राजमतिको उत्कृष्ट ब्याटिङमा एफिएफलाई एक खेल अगावै सिरिज

काठमाडौं (हाम्रो खेलकुद) – बायाँ हाते युवा ब्याटर राजमति ऐरीको उत्कृष्ट ब्याटिङमा नेपाल एपिएफ क्लबले दोस्रो टि२० खेलमा बागमती प्रदेशलाई ६२ रनले हराएको छ । योसँगै तीन खेलको सिरिज एक खेल अगावै जितेको छ । जितको लागि १ सय ४४ रनको विजयी लक्ष्य पछ्याएको बागमतीले निर्धारित २० ओभरमा ७ विकेट गुमाउँदै ८१ रन बनायो । […]

506 views

0 Bookmark

काठमाडौं (हाम्रो खेलकुद) – बायाँ हाते युवा ब्याटर राजमति ऐरीको उत्कृष्ट ब्याटिङमा नेपाल एपिएफ क्लबले दोस्रो टि२० खेलमा बागमती प्रदेशलाई ६२ रनले हराएको छ । योसँगै तीन खेलको सिरिज एक खेल अगावै जितेको छ ।

जितको लागि १ सय ४४ रनको विजयी लक्ष्य पछ्याएको बागमतीले निर्धारित २० ओभरमा ७ विकेट गुमाउँदै ८१ रन बनायो । बागमतीको लागि सलिना सिलवालले ३६ बलमा १ चौकासहित सर्वाधिक २१ रन बनाइन् । यशु पाण्डे १६ बलमा २ चौकासहित २० रनमा नट आउट रहिन् ।

अन्य ब्याटरले भने राम्रो प्रदर्शन गर्न सकेनन् । ओपनर हेसिला गुरुङ ११, कन्चन श्रेष्ठ ४, अस्मिता खरेल ५, सुजिता थापा ३, एली यादव ८ र खुशी डंगोल १ रनमा आउट भइन् । विपिशा शाही ४ रनमा नट आउट रहिन् ।

एपिएफकी स्पिनर निशा भ्टटले ४ ओभरमा १६ रन खर्चेर २ विकेट लिइन् । तीव्र गतिकी बलर रेखा रावलले ३ ओभरमा २० रन खर्चेर २ विकेट लिइन् । सोनु खड्का र करुणा भण्डारीले १–१ विकेट लिइन् ।

त्यसअघि तल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको नेपाल एपिएफ क्लबले निर्धारित २० ओभरमा ३ विकेट गुमाउँदै १ सय ४३ रन बनाएको थियो । ओपनर राजमति ऐरी ६३ बलमा ५ चौका र २ छक्कासहित ६९ रनमा नट आउट रहिन् । ममता चौधरी ४२ बलमा ५ चौकासहित ४६ रनमा आउट भइन् ।

एपिएफलाई ओपनर राजमति र ममताले पहिलो विकेटका लागि १५.१ ओभरमा १ सय २ रनको शतकीय साझेदारी गरेका थिए । रोमा थापा ३ र सरिता मगर १० रनमा आउट भइन् ।

बागमतीको लागि युवा तीव्र गतिकी बलर कृष्मा गुरुङले ४ ओभरमा २६ रन खर्चेर २ विकेट लिइन् । खुशी डंगोलले १ विकेट लिइन् । पहिलो खेलमा बागमती ७२ रनले पराजित भएको थियो । तेस्रो तथा अन्तिम खेल शुक्रबार हुनेछ । खेल बिहान साढे १० बजे सुरु हुनेछ ।

March 2, 2024

करणलाई पहिलो ओभरमै दुई विकेट

काठमाडौं (हाम्रो खेलकुद) – तीव्र गतिका बलर करण केसीले नेदरल्यान्ड्सविरुद्ध खेलको पहिलो ओभरमै दुई विकेट लिएका छन् । टस जितेर पहिलो ब्याटिङ रोजेको नेदरल्यान्ड्सले पहिलो ओभरमा ४ रन जोडेर २ विकेट गुमायो । करणले चौथो बलमा माइकल लेभिटलाई दिपेन्द्र सिंह ऐरीको बलमा मिड अफमा क्याच गराए । लेभिटले दोस्रो बलमा चौका प्रहार गरेका थिए । […]

March 2, 2024

कुशल प्लेइङ-११ मा फर्किए

काठमाडौं (हाम्रो खेलकुद) – ओपनर कुशल भुर्तेल त्रिकोणात्मक टि२०आई सिरिजअन्तर्गत नेदरल्यान्ड्सविरुद्ध पाँचौ खेलमा नेपालको प्लेइङ-११ मा फर्केका छन् । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

March 2, 2024

नेपालले टस हार्यो

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२० सिरिजको पाँचौ खेलमा नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

Success

Thank you for your time.