8 months ago
December 14, 2023
बुटवल ( हाम्रो खेलकुद) – निजी क्षेत्रको लगानीमा निर्माणाधीन एक्स्ट्राटेक ओभल क्रिकेट मैदान
फागुनबाट सञ्चालनमा आउने भएको छ ।
मैदान निर्माणस्थल रुपन्देहीको तिलोत्तमा नगरपालिका १७ दरखसवामा बिहीबार पत्रकार सम्मेलन गर्दै एक्स्ट्राटेक ओभल प्रालिका निर्देशक विनोद कुँवरले मैदानको पहिलो चरण निर्माण अन्तिम चरणमा पुगेको जानकारी दिए ।
निर्देशक कुँवरले निर्माणाधिन क्रिकेट रंगशाला अन्तर्राष्ट्रिय मापदण्डअनुसार रहेको बताए । उनले मैदानमा सात वटा पिच रहेको र फागुन १ गतेबाट प्रतियोगिताका लागि खेल्न योग्य हुने स्पष्ट पारे।
उनले वैशाख सम्ममा पहिलो चरण सक्ने योजना रहेपनि त्यो भन्दा ४ महिना अघि नै पूरा भएकोमा खुसी व्यक्त गरे ।
रंगशलामा पेभेलियन, ड्रेसिङ रुम र अन्य रुमहरु निर्माणको काम माघ महिनाबाट सुरु गर्ने पनि निर्देशक कुवँरले जानकारी। त्यसपछि ५ हजार दर्शक क्षमता प्यारापिट निर्माण गरिने बताइएको छ । कुँवरले आगामी दशैं सम्ममा रंगशालाको सम्पूर्ण काम पूरा हुने प्रतिबद्धता जनाए ।
प्रदेश खेलकुद परिषद् लुम्बिनीका सदस्यसचिव जयप्रकाश भट्टराईले मैदानमा धेरै भन्दा धेरै प्रतियोगिता सञ्चालनका लागि पहल गर्ने प्रतिबद्धता जनाए । उनले नेपाल क्रिकेट संघ (क्यान) सँग सहकार्य गरेर प्रतियोगिताहरु सन्चालन गर्न आग्रह गरे।
उनले भने, ‘ खेल्न मिल्ने एक महिनाअघि पत्र पठाउनु होला, प्रदेश खेलकुद परिषद्ले प्रदेश स्तरीय क्रिकेट प्रतियोगिता गर्नेछ।’
जग्गा बाहेक ४० करोड रुपैयाँ लागतमा मैदान, पेभेलियन चेन्जिङ रुम, होस्टल, अभ्यास मैदान निर्माण हुने बताइएको छ ।
रुपन्देही जिल्ला क्रिकेट संघका अध्यक्ष हरिबहादुर थापाले एक्स्ट्राटेकसँग क्रिकेट विकासका लागि सहकार्य गर्न जिल्ला संघ तयार रहेको बताए ।
क्यानका पूर्व कार्यवाहक सचिव प्रशान्त मल्लले एक्स्ट्राटेक छिटो गतिको काम गर्नमा एक्स्ट्राटेकले उदाहरण प्रस्तुत गरेको बताए ।
मैदानका ब्रान्ड एम्बेसडर राष्ट्रिय क्रिकेट टोलीका पूर्व खेलाडी शक्ति गौचनले भौतिक पूर्वाधार निर्माणले नेपालको क्रिकेट विकासमा महत्वपूर्ण भूमिका रहने विश्वास व्यक्त गरे।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]