default_image

3 months ago

December 17, 2023

आइपिएल अक्सनमा धनको वर्षा हुनसक्ने ८ खेलाडी

एजेन्सी – इन्डियन प्रिमियर लिग (आइपिएल) २०२४ को अक्सन मंगलबार दुबईमा हुँदैछ । ३ सय ३३ खेलाडी आइपिएल अक्सनमा हुनेछन् । अक्सनमा ३० विदेशीसहित बढीमा ७७ खेलाडी बिक्री हुनेछन् । आइपिएल विश्व क्रिकेटमा खेलाडीलाई सर्वाधिक पारिश्रमिक दिने फ्रेन्चाइज टि२० प्रतियोगिता हो । एकै रातबाट खेलाडी करोडपति बन्ने गर्दछन् । आइपिएलमा धेरै फ्रेन्चाइज टोलीलाई एकै खेलाडी […]

4606 views

0 Bookmark

एजेन्सी – इन्डियन प्रिमियर लिग (आइपिएल) २०२४ को अक्सन मंगलबार दुबईमा हुँदैछ । ३ सय ३३ खेलाडी आइपिएल अक्सनमा हुनेछन् ।

अक्सनमा ३० विदेशीसहित बढीमा ७७ खेलाडी बिक्री हुनेछन् । आइपिएल विश्व क्रिकेटमा खेलाडीलाई सर्वाधिक पारिश्रमिक दिने फ्रेन्चाइज टि२० प्रतियोगिता हो । एकै रातबाट खेलाडी करोडपति बन्ने गर्दछन् । आइपिएलमा धेरै फ्रेन्चाइज टोलीलाई एकै खेलाडी आवश्यक परेको खण्डमा अक्सनमा धनको वर्षा हुने गर्दछ ।

अक्सनमा खेलाडीले पाउने मूल्य फ्रेन्चाइज टोलीको प्रतिस्पर्धामा भरपर्नेछ । अक्सनमा फ्रेन्चाइज टोलीले आफ्नो आवश्यकता पूरा गर्न खेलाडीको क्षमता र पछिल्लो समयको प्रदर्शनलाई आधार मानेर मूल्य लगाउने गर्दछन् ।

यस पटक अक्सनमा अघिल्लो महिना विश्वकपमा उत्कृष्ट प्रदर्शन गर्ने खेलाडीमाथि धनको वर्षा हुने अनुमान गरिएको छ । आइपिएल २०२४ को अक्सनमा धनको वर्षा हुनसक्ने ८ खेलाडी यस प्रकार छन् ।

८.वानिन्दु हसरंगा (स्पिन अलराउन्डर)

श्रीलंकाका स्पिन अलराउन्डर वानिन्दु हसरंगा अक्सनमा महँगो मूल्य पाउन सक्ने खेलाडी हुन् । हसरंगाले स्पिन आक्रामणसँगै तल्लोक्रममा राम्रो ब्याटिङ गर्ने गर्दछन् ।

२०२२ को मेघा अक्सनमा उनलाई रोयल च्यालेन्जर्स बेंगलोरले १० करोड ७५ लाख भारुमा किनेको थियो । बेंगलोरले फुकुवा गरेपछि अक्सनमा हसरंगाले न्यूनतम मूल्य १ करोड ५० लाख भारु राखेका छन् ।

हसरंगाले ५८ टि२० आई खेलमा ९१ विकेट लिई सकेका छन् । अन्तर्राष्ट्रिय क्रिकेटमा उनले उच्च प्रदर्शन गर्दै आएका छन् । म्याच विनर अलराउन्डर हुँदा महँगो मूल्य पाउने अनुमान गरिएको छ ।

७.जोश हेजलवुड (बलर)

अष्ट्रेलियाका तीव्र गतिका बलर जोश हेजलवुडलाई बेंगलोरले टोलीबाट फुकुवा गरेको थियो । उनलाई बेंगलोरले २०२२ को मेघा अक्सनमा ७ करोड ७५ लाख भारुमा किनेको थियो । अष्ट्रेलियालाई २०२१ को टि२० विश्वकप, २०२३ को एकदिवसीय विश्वकप र टेस्ट च्याम्पियनसिपको उपाधि जिताउन उत्कृष्ट प्रदर्शन गरेका थिए ।

हेजलवुडले नयाँ बलका साथ विश्व क्रिकेटमा लगातार सानदार प्रदर्शन गर्दै आएका छन् । भारतलाई फाइनलमा हराउँदै विश्वकप उपाधि जिताउन अघिल्लो महिना सानदार प्रदर्शन गरेका थिए ।

चेन्नई, कोलकाता, लखनऊ, मुम्बई र बेंगलोरलाई विदेशी तीव्र गतिका बलर आवश्यक छ । जसले गर्दा न्यूनतम मूल्य २ करोड भारु राखेका हेजलवुड सबै टोलीको प्राथमिकतामा हुँदा महँगो मूल्य पाउन सक्छन् ।

६.डर्याल मिचेल (अलराउन्डर)

न्युजिल्यान्डका स्टार अलराउन्डर डर्याल मिचेल यस पटक अक्सनमा महँगो मूल्यमा बिक्न सक्छन् । मिचेलले अक्सनमा १ करोड ५० लाख भारु न्यूनतम राखेका छन् । पछिल्लो समय उनले अन्तर्राष्ट्रिय क्रिकेटमा लगातार सानदार प्रदर्शन गर्दै आएका छन् ।

उनलाई बिग म्याच अलराउन्डर पनि भन्ने गरिन्छ । विश्वकपको सेमिफाइनल खेलमा भारतविरुद्ध १ सय १९ बलमा ९ चौका र ७ छक्कासहित १ सय ३४ रनको सानदार शतकीय इनिङ खेलेका थिए ।

त्यस्तै लिग चरणमा भारतविरुद्ध उनले १ सय २७ बलमा ९ चौका र ५ छक्कासहित १ सय ३० रनको शतकीय इनिङ खेलेका थिए । विश्वकप २०२३ मा उनले १० खेलमा २ शतकसहित कुल ५ सय ५२ रन बनाएका थिए । २०२१ को टि२० विश्वकपको सेमिफाइनलमा इंग्ल्यान्डलाई हराउन उनले ७२ रनको अविजित इनिङ खेलेका थिए ।

ठूला सर्टका लागि माहिर उनी तीव्र गतिका बलर पनि हुन् । त्यसैले उनलाई किन्न फ्रेन्चाइज टोलीबीच अक्सनमा कडा प्रतिस्पर्धा हुने अनुमान गरिएको छ ।

५.प्याट कमिन्स (अलराउन्डर)

अष्ट्रेलियालाई विश्वकप उपाधि जिताउदाका सुपर हिरो प्याट कमिन्स पनि अक्सनमा महँगो मूल्य पाउन सक्छन् । कमिन्स तीव्र गतिमा बलिङसँगै तल्लोक्रममा आक्रामक ब्याटिङ गर्ने गर्दछन् । २०२० को अक्सनमा कोलकाताले उनलाई १५ करोड ५० लाख भारुमा किनेको थियो ।

गतवर्ष भने राष्ट्रिय टोलीलाई प्राथमिकतामा राख्दै आइपिएल नखेल्ने निर्णय लिएका थिए । उनले कोलकाता, दिल्ली र मुम्बईबाट आइपिएल खेली सकेका छन् । अष्ट्रेलियालाई विश्वकप जिताउन उनको कप्तानी पनि त्यतिकै उत्कृष्ट रह्यो ।

कमिन्सले २०२२ को आइपिएलमा कोलकाताबाट मुम्बईविरुद्ध १५ बलमा ४ चौका र ६ छक्कासहित ५६ रन जोड्दै रोमान्चक जित दिलाएका थिए । कमिन्स बलिङ अलराउन्डरसँगै कप्तानको विकल्प पनि हुँदा महँगो मूल्य पाउन सक्छन् ।

४.जेराल्ड कोट्जी (बलर)

दक्षिण अफ्रिकाका युवा तीव्र गतिका बलर जेराल्ड कोट्जी पनि अक्सनमा महँगो मूल्यमा जान सक्ने खेलाडी हुन् । विश्वकप २०२३ मा सानदार प्रदर्शन गरेपछि उनको सम्भावना बढी भएको हो ।

दक्षिण अफ्रिकालाई सेमिफाइनलसम्म पुर्याउन कोट्जीले विश्वकपमा सानदार प्रदर्शन गर्दै ८ खेलमा २० विकेट लिएका थिए ।कोट्जी बाउन्सर बलका लागि माहिर छन् । उनलाई दक्षिण अफ्रिकाका दोस्रो डेल स्टेन पनि भन्ने गरिन्छ ।

हालसम्म आइपिएल नखेलेका उनले न्यूनतम मूल्य २ करोड भारु राखेका छन् । २३ वर्षीय कोट्जीले दक्षिण अफ्रिकाबाट २ टेस्ट, १४ ओडिआई र ३ टि२० आई खेल खेलेका छन् । उनले तल्लोक्रममा राम्रो ब्याटिङको पनि क्षमता राख्ने गर्दछन् । त्यसैले अक्सनमा कोट्जीमाथि धनको वर्षा हुनसक्छ ।

३.रचिन रविन्द्र (अलराउन्डर)

न्युजिल्यान्डका युवा अलराउन्डर रचिन रविन्द्रले अक्सनमा महँगो मूल्य पाउन सक्छन् । विश्वकप २०२३ मा सानदार प्रदर्शन गरेको हुँदा रचिनले महँगो मूल्य पाउने अनुमान गरिएको छ ।

न्युजिल्यान्डलाई सेमिफाइनल सम्म पुर्याउन उनले १० खेलमा ३ शतक र २ अर्धशतकसहित कुल ५ सय ७८ रन बनाउनुको साथै ५ विकेट लिएका थिए । रचिनले स्पिन बलिङ पनि राम्रो गर्ने गर्दछन् । निडर स्वभाव र आक्रामक ब्याटिङ गर्ने रचिन यस पटकमा महँगो मूल्यमा बिक्न सक्छन् ।

रचिनले अक्सनमा ५० लाख भारु मात्रै न्यूनतम मूल्य राखेका छन् । यस पटक अक्सनमा रचिनलाई किन्न कोलकाता, बेंगलोर, चेन्नई र मुम्बईबीच कडा प्रतिस्पर्धा हुने अनुमान गरिएको छ ।

२.ट्रविस हेड (अलराउन्डर)

अष्ट्रेलियालाई विश्वकप २०२३ को उपाधि जिताउन महत्वपूर्ण प्रदर्शन गर्ने बायाँ हाते ब्याटर ट्रविस हेडलाई अक्सनमा धनको वर्षा हुनसक्ने अनुमान गरिएको छ । फाइनलमा भारतलाई हराउन ४७–३ को अवस्थाबाट १ सय २० बलमा १५ चौका र ४ छक्कासहित १ सय ३७ रन बनाएका थिए ।

त्यसअघि सेमिफाइनलमा दक्षिण अफ्रिकालाई हराउन ६२ रन बनाउनुको साथै २ विकेट लिएका थिए । हेड बिग म्याच प्लेयर हुन् । २०२३ को टेस्ट च्याम्पियनसिपको फाइनलमा भारतलाई हराउन १ सय ६३ रनको इनिङ खेलेका थिए ।

हेडले ओपनिङ र मध्यक्रम दुबैमा आक्रामक ब्याटिङको क्षमता राख्छन् । त्यस्तै पार्टटाइम स्पिनर पनि हुन् । अक्सनमा हेडलाई किन्न धेरै फ्रेन्चाइज टोलीबीच प्रतिस्पर्धा हुने अनुमान गरिएको छ ।

१.मिचेल स्टार्क (बलर)

अष्ट्रेलियाका तीव्र गतिका बलर मिचेल स्टार्क अक्सन २०२४ मा सबैभन्दा बढी महँगो मूल्यमा बिक्न सक्ने खेलाडी हुन् । स्टार्क बिग म्याच प्लेयर हुन् । उनको स्वींग, गति र योर्करको सामना गर्न कुनै पनि विपक्षी ब्याटरलाई सहज हुँदैन । २०१५ र २०२३ को एकदिवसीय विश्वकप उपाधि जिताउन स्टार्कको प्रदर्शन महत्वपूर्ण थियो ।

त्यस्तै २०२१ को टि२० विश्वकप जिताउन पनि महत्वपूर्ण प्रदर्शन गरेका थिए । स्टार्कले नयाँ बलका साथ इन स्वींग र डेथ ओभरमा योर्करका साथ विपक्षी ब्याटरलाई कठिनमा पार्दै आएका छन् ।

स्टार्कले २०१४ मा बेंगलोरबाट आइपिएलमा दिल्लीविरुद्ध डेब्यू गरेका थिए । २०१५ पछि स्टार्कले आइपिएल खेलेका छैनन् । स्टार्कलाई २०१८ को अक्सनमा कोलकाताले ९ करोड ४० लाख भारुमा किनेको थियो । तर चोटका कारण खेलेका थिएनन् ।
पछिल्लो केहि वर्ष यता स्टार्कले अक्सनमा आफ्नो नाम नै दिएका थिएनन् ।

अष्ट्रेलियाको टोली र परिवारलाई समय दिने भन्दै आइपिएल नखेल्ने निर्णय लिएका थिए । तर यस पटक उनले अक्सनमा २ करोड न्यूनतम मूल्यमा आफ्नो नाम दर्ता गराएका छन् ।

उनलाई किन्न बेंगलोरले बढी मूल्य लगाउने देखिन्छ । बेंगलोरसँग अक्सनमा कुल खर्च गर्न पाउने रकम २३ करोड २५ लाख मात्रै भारु छ । बेंगलोरसँगै चेन्नई, कोलकाता, दिल्ली, मुम्बई र हैदराबादले अक्सनमा स्टार्कलाई किन्न मूल्य लगाउने देखिन्छ । अक्सनमा धेरै टोलीको रोजाईमा स्टार्क देखिन्छन् । त्यसैले यस पटक अक्सनमा सबैभन्दा बढी मूल्य पाउन सक्ने अनुमान गरिएको छ ।

March 2, 2024

करणलाई पहिलो ओभरमै दुई विकेट

काठमाडौं (हाम्रो खेलकुद) – तीव्र गतिका बलर करण केसीले नेदरल्यान्ड्सविरुद्ध खेलको पहिलो ओभरमै दुई विकेट लिएका छन् । टस जितेर पहिलो ब्याटिङ रोजेको नेदरल्यान्ड्सले पहिलो ओभरमा ४ रन जोडेर २ विकेट गुमायो । करणले चौथो बलमा माइकल लेभिटलाई दिपेन्द्र सिंह ऐरीको बलमा मिड अफमा क्याच गराए । लेभिटले दोस्रो बलमा चौका प्रहार गरेका थिए । […]

March 2, 2024

कुशल प्लेइङ-११ मा फर्किए

काठमाडौं (हाम्रो खेलकुद) – ओपनर कुशल भुर्तेल त्रिकोणात्मक टि२०आई सिरिजअन्तर्गत नेदरल्यान्ड्सविरुद्ध पाँचौ खेलमा नेपालको प्लेइङ-११ मा फर्केका छन् । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

March 2, 2024

नेपालले टस हार्यो

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२० सिरिजको पाँचौ खेलमा नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

Success

Thank you for your time.