5 months ago
December 18, 2023
काठमाडौं (हाम्रो खेलकुद) – तीव्र गतिकी बलर अश्मिना कर्माचार्यको कप्तानीमा बागमती प्रदेशले बिहीबार देखी काठमाडौंमा सुरु हुने प्रधानमन्त्री कप महिला टि२० राष्ट्रिय प्रतियोगिता खेल्ने टोली घोषणा गरेको छ ।
बागमतीले प्रदेश छनोटसँगै इलिट ट्रफी र नेपाल एपिएफ क्लबसँग तीन खेलको सिरिज खेल्दै अन्तिम टोली घोषणा गरेको छ । घोषणा टोलीमा यसअघिका खेलाडीले नै निरन्तरता पाएका छन् ।
बागमतीको टोलीमा अश्मिनासँगै सोनी पाख्रिन, कन्चन श्रेष्ठ र खुशी डंगोल नेपाली टोलीबाट खेलेका खेलाडी छन् । त्यस्तै नेपाली टोलीमा परि सकेकी स्पिनर मनिषा उपाध्याय पनि टोलीमा छिन् ।
बागमतीले चार जिल्लाबीच प्रदेश छनोट खेलेको थियो । त्यहाँ राम्रो गर्ने खेलाडीबाट तीन टोलीबीच बागमती इलिट ट्रफी खेलेको थियो । नेपाल एपिएफ क्लबसँग तीन खेलको टि२० सिरिज पनि खेलेको थियो ।
पिएमकप महिला पुष ५ देखी १७ गतेसम्म मुलपानी र टियु क्रिकेट मैदानमा हुनेछ । प्रतियोगितामा ७ प्रदेश र नेपाल एपिएफ क्लबको सहभागीता रहनेछ । पहिलो पटक राउन्ड रोविनको आधारमा खेल हुनेछ । सबै टोलीले एक अर्कासँग खेल्नेछन् । शीर्ष चार टोली प्लेअफमा पुग्नेछन् ।
शीर्ष दुई टोलीले पहिलो क्वालिफायर खेल्नेछन् । विजेता टोली फाइनलमा पुग्दा पराजित हुने टोलीले दोस्रो क्वालिफायर खेल्ने अवसर पाउनेछ । एलिमिनेटरमा तेस्रो र चौथो स्थानमा रहने टोली भिड्नेछन् । एलिमिनेटरको विजेताले पहिलो क्वालिफायरमा पराजित हुने टोलीसँग फाइनलमा पुग्न प्रतिस्पर्धा गर्नेछ ।
बागमती प्रदेशको टोली :
अश्मिना कर्माचार्य (कप्तान), सोनी पाख्रिन, कन्चन श्रेष्ठ, खुशी डंगोल, हेलिसा गुरुङ, अस्मिता खरेल, कृष्मा गुरुङ, संस्कृति फुँयाल, सलिना सिलवाल, सबिका कुमारी यादव, यशोदा विष्ट, विपिशा शाही, मनिषा उपाध्याय र यशु पाण्डे ।
वैकल्पिक खेलाडी : सुजिता थापा, एली यादव, अनिशा मजाकोटी र लक्ष्मी माया रुम्बा ।
प्रशिक्षक : सुधिर कुमार महर्जन
टिम व्यवस्थापक : निरा राजोपाध्याय
प्राविधिक विश्लेषक : राजन शाह
May 19, 2024
एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]
May 19, 2024
एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]
May 18, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]