एजेन्सी – सनराइजर्स हैदराबादले अष्ट्रेलियाका आक्रामक ब्याटर ट्रविस हेडलाई इन्डियन प्रिमियर लिग (आइपिएल) २०२४ को अक्सनमा ६ करोड ८० लाख भारु ( १० करोड ८५ लाख रुपैयाँ) मा किनेको छ ।

ट्रविस हेडले न्यूनतम २ करोड राखेका थिए । उनलाई किन्न सनराइजर्स हैदराबादले मूल्य लगाएको थियो । चेन्नई पछि मूल्य लगाएपछि मूल्य बढेको थियो । चेन्नई र हैदराबादले अक्सनमा निरन्तर प्रतिस्पर्धा गरेका थिए । ६ करोड ८० लाखमा गएर चेन्नईले छाडेको थियो । हैदराबादले उक्त मूल्यमा पाएको हो ।

अष्ट्रेलियालाई विश्वकप जिताउन हेडले अघिल्लो महिना फाइनलमा घरेलु टोली भारतविरुद्ध सानदार शतक हानेका थिए । हेडले ओपनिङ र मध्यक्रम दुबैमा आक्रामक ब्याटिङ गर्नुको साथै स्पिन बलिङ गर्ने गर्दछन् ।

रोभम्यान पावेल

वेस्ट इन्डिजका आक्रामक ब्याटर रोभम्यान पावेलले न्यूनतम मूल्य १ करोड राखेका थिए । कोलकाता नाइट राइडर्स र राजस्थान रोयल्सबीच सुरुवातमा प्रतिस्पर्धा भएको थियो । यी दुई टोलीको निरन्तर प्रतिस्पर्धाले उनले महँगो मूल्य पाएका हुन् । उनलाई दिल्ली क्यापिटल्सले फुकुवा गरेको थियो ।

ह्यारी ब्रुक

ह्यारी ब्रुकले न्यूनतम २ करोड मूल्य राखेका थिए । दिल्लीले सुरुवातमा र त्यसपछि राजस्थानले मूल्य लगाएको थियो । दिल्लीले ह्यारी ब्रुकलाई ४ करोड भारुमा किनेको छ । ब्रुकलाई गतवर्ष अक्सनमा हैदराबादले १३ करोड २५ लाख भारुमा किनेको थियो । ब्रुकले मध्यक्रम र शीर्षक्रममा राम्रो खेल्ने गर्दछन् ।

दक्षिण अफ्रिका राइली रोसोउ भने न्यूनतम २ करोड भारुमा अनसोल्ड भएका छन् ।