4 months ago
December 19, 2023
एजेन्सी – इन्डियन प्रिमियर लिग (आइपिएल) २०२४ को अक्सनमा अष्ट्रेलियाका तीव्र गतिका बलर मिचेल स्टार्क इतिहासकै सर्वाधिक मूल्य पाउने खेलाडी बने । दुबईमा जारी आइपिएल अक्सनमा स्टार्कलाई कोलकाता नाइट राइडर्सले २४ करोड ७५ लाख भारु रकम खर्चेको हो । आइपिएल २००८ देखी सुरु भएको हो । विश्वको सर्वाधिक सफल र धोनी लिगमा खेलाडी रातारात करोडपति […]
एजेन्सी – इन्डियन प्रिमियर लिग (आइपिएल) २०२४ को अक्सनमा अष्ट्रेलियाका तीव्र गतिका बलर मिचेल स्टार्क इतिहासकै सर्वाधिक मूल्य पाउने खेलाडी बने । दुबईमा जारी आइपिएल अक्सनमा स्टार्कलाई कोलकाता नाइट राइडर्सले २४ करोड ७५ लाख भारु रकम खर्चेको हो ।
आइपिएल २००८ देखी सुरु भएको हो । विश्वको सर्वाधिक सफल र धोनी लिगमा खेलाडी रातारात करोडपति बन्ने गर्दछन् । आइपिएल अक्सनमा सधैं तीव्र गतिका बलिङ अलराउन्डरले महँगो मूल्य पाएका छन् । हालसम्म सर्वाधिक महँगो मूल्यमा बिक्री भएका पनि तीव्र गतिका बलर नै छन् ।
आइपिएल फ्रेन्चाइज टोलीले तीव्र गतिसँगै अलराउन्डरलाई महँगो मूल्य खर्चिदै आएका छन् । विशेषगरि इंग्लिस खेलाडी पहिलो रोजाईमा पर्दै आएका छन् । आइपिएल इतिहासमा हालसम्म अक्सनमा सर्वाधिक महँगो मूल्य पाउने ६ खेलाडी यस प्रकार छन् ।
१. मिचेल स्टार्क, २४ करोड ७५ लाख भारु – २०२४
अष्ट्रेलियाका तीव्र गतिका बलर मिचेल स्टार्कलाई कोलकाता नाइट राइडर्सले २४ करोड ७५ लाख भारुमा किनेको हो । कुनैपनि खेलाडीले आइपिएलमा पाएको सर्वाधिक मूल्य हो । न्यूनतम २ करोड मूल्य राखेका उनलाई किन्न अक्सनमा बेंगलोर, दिल्ली, मुम्बई, गुजरात र कोलकाताबीच कडा प्रतिस्पर्धा भएको थियो ।
स्टार्क तीव्र गतिसँगै योर्कर, इनस्वींग र बाउन्सरको लागि चिनिन्छन् । विशेषगरि नयाँ बलको साथ उत्कृष्ट बलिङ गर्ने गर्दछन् । प्रतिघण्टा १६०.४ किलोमिटरको गतीमा बलिङ गर्ने क्षमता राख्ने स्टार्क बिग म्याच प्लेयर हुन् । अष्ट्रेलियालाई २०१५ र २०२३ को एकदिवसीय तथा २०२१ को टि२० विश्वकप जिताउन महत्वपूर्ण योगदान दिएका थिए ।
२. प्याट कमिन्स, २० करोड ५० लाख भारु – २०२४
अष्ट्रेलियाका विश्वकप विजेता कप्तान प्याट कमिन्सलाई सनराइजर्स हैदराबादले २० करोड ५० लाख भारुमा किनेको हो । दुबईमा भएको अक्सनमा न्यूनतम २ करोड भारु राखेका कमिन्सलाई किन्न हैदराबाद, बेंगलोर, चेन्नई, पन्जाब र मुम्बईले अक्सनमा भिडेका छन् ।
कमिन्स तीव्र गतिसँगै तल्लोक्रममा उत्कृष्ट ब्याटिङको क्षमता राख्छन् । त्यस्तै अघिल्लो महिना भारतलाई विश्वकपको फाइनलमा हराउन कमिन्सले उत्कृष्ट कप्तानी गरेका थिए । त्यसैको कारण यस पटक अक्सनमा हैदराबादले महँगो मूल्य खर्चिएको हो
३. साम करन, १८ करोड ५० लाख भारु – २०२३
इंग्ल्यान्डका अलराउन्डर साम करनलाई २०२३ को अक्सनमा पन्जाब किंग्सले १८ करोड ५० लाख भारुमा किनेको थियो । २०२४ अघि त्यो नै सर्वाधिक मूल्य थियो ।
बायाँ हाते तीव्र गतिका बलर साम करनले २०२२ को टि२० विश्वकप इंग्ल्यान्डलाई जिताउन सानदार बलिङ प्रदर्शन गरेपछि अक्सनमा महँगो मूल्य पाएका थिए । मध्यक्रममा ब्याटिङसँगै तीव्र गतिमा बलिङ गर्ने हुँदा साम करनले अक्सनमा महँगो मूल्य पाएका थिए ।
४. क्यामरन ग्रीन, १७ करोड ५० लाख भारु – २०२३
२०२३ को अक्सनमा मुम्बई इन्डियन्सले अष्ट्रेलिया ब्याटिङ अलराउन्डर क्यामरन ग्रीनलाई १७ करोड ५० लाख भारुमा किनेको थियो ।
ग्रीनले ओपनिङ, मध्यक्रम र तल्लोक्रम कुनैपनि स्थानमा विष्फोटक ब्याटिङको क्षमता राख्ने गर्दछन् । त्यस्तै तीव्र गतिमा बलिङ गर्ने हुँदा उनलाई अक्सनमा गतवर्ष धनको वर्षा भएको थियो । त्यो समय अक्सनमा दिल्ली, मुम्बई र बेंगलोरबीच प्रतिस्पर्धा भएको थियो । यस पटक भने खेलाडी ट्रेड मार्फत ग्रीन बेंगलोर पुगेका छन् ।
५. बेन स्टोक्स, १६ करोड २५ लाख भारु – २०२३
वर्तमान विश्व क्रिकेटका प्रमुख अलराउन्डर बेन स्टोक्सलाई २०२३ को अक्सनमा चेन्नई सुपर किंग्सले १६ करोड २५ लाख खर्चेको थियो ।
मध्यक्रममा उत्कृष्ट ब्याटिङसँगै तीव्र गतिमा बलिङ गर्ने बेन स्टोक्सलाई किन्न त्यो समय राजस्थान, लखनऊ, बेंगलोर, चेन्नई र हैदराबादबीच अक्सनमा कडा प्रतिस्पर्धा भएको थियो ।
६. क्रिस मोरिस, १६ करोड २५ लाख भारु – २०२१
दक्षिण अफ्रिकाका तीव्र गतिका बलर क्रिस मोरिसलाई २०२१ को अक्सनमा राजस्थान रोयल्सले १६ करोड २५ लाख भारुमा किनेको थियो ।
तीव्र गतिसँगै उनले तल्लोक्रममा उत्कृष्ट बलिङ प्रदर्शन गर्ने गर्दर्थे । अक्सनमा ७५ लाख न्यूनतम मूल्य राखेका उनलाई किन्न मुम्बई, बेंगलोर, राजस्थान र पन्जाबबीच प्रतिस्पर्धा भएको थियो ।
May 1, 2024
काठमाडौँ (हाम्रो खेलकुद) – वेस्ट इन्डिज ‘ए’ ले नेपालविरुद्ध जारी टि २० सिरिजको तेस्रो खेलमा जित निकाल्दै श्रृंखलामा अग्रता लिएको छ । पहिलो खेलमा हार बेहोरेको पाहुना टोलीले लगातार दुई खेल जित्दै पाँच खेलको श्रृंखलामा २-१ को अग्रता लिएको हो । बुधवार भएको तेस्रो खेलमा वेस्ट इन्डिज ‘ए’ले नेपाललाई ७६ रनले पराजित गर्यो । वेस्ट […]
May 1, 2024
काठमाडौँ (हाम्रो खेलकुद) – ओपनर जोनसन चार्ल्सको शतकीय इनिङको मद्दतमा वेस्ट इन्डिज ‘ए’ ले जारी टि २० सिरिजको तेस्रो खेलमा नेपाल सामू विशाल लक्ष्य पेश गरेको छ । टियु क्रिकेट मैदानमा टस जितेर पहिला ब्याटिङ गर्ने निर्णय लिएको वेस्ट इन्डिजले निर्धारित २० ओभरमा ३ विकेट गुमाउँदै २२७ रन बनायो । चार्ल्सले अविजित रहँदै ६१ बलमा […]
May 1, 2024
काठमाडौं (हाम्रो खेलकुद) – वेस्ट इन्डिज ‘ए’ विरुद्ध जारी टि २० सिरिजको तेस्रो खेलमा नेपालले टस हारेको छ । नेपालका लागि दीपेन्द्र सिंह ऐरीले कप्तानी सम्हाल्दै छन् । नियमित कप्तान रोहितलाई आज विश्राम दिइएको छ । वेस्ट इन्डिज ‘ए’ का कप्तान रोस्टन चेजले टस जितेर पहिलो ब्याटिङ गर्ने निर्णय लिएका छन् । नेपालले आज टोलीमा […]