default_image

2 months ago

December 19, 2023

आइपिएल अक्सन २०२४ : सर्वाधिक धनको वर्षा भएका ६ खेलाडी बारे जानकारी

एजेन्सी – इन्डियन प्रिमियर लिग (आइपिएल) २०२४ को अक्सनमा अष्ट्रेलियाका तीव्र गतिका बलर मिचेल स्टार्कले कीर्तिमानी मूल्य पाएका छन् । स्टार्कलाई आइपिएल इतिहासकै सर्वाधिक महँगो २४ करोड ७५ लाख भारुमा कोलकाता नाइट राइडर्सले किन्यो । स्टार्कले एक घण्टा अघि आफ्ना कप्तान प्याट कमिन्सले पाएको कीर्तिमानी मूल्य तोडेका थिए । अक्सनमा धनको वर्षा भएका सबै खेलाडी […]

2642 views

0 Bookmark

एजेन्सी – इन्डियन प्रिमियर लिग (आइपिएल) २०२४ को अक्सनमा अष्ट्रेलियाका तीव्र गतिका बलर मिचेल स्टार्कले कीर्तिमानी मूल्य पाएका छन् । स्टार्कलाई आइपिएल इतिहासकै सर्वाधिक महँगो २४ करोड ७५ लाख भारुमा कोलकाता नाइट राइडर्सले किन्यो । स्टार्कले एक घण्टा अघि आफ्ना कप्तान प्याट कमिन्सले पाएको कीर्तिमानी मूल्य तोडेका थिए ।

अक्सनमा धनको वर्षा भएका सबै खेलाडी तीव्र गतिका बलिङ अलराउन्डर छन् । अघिल्लो महिना सम्पन्न एकदिवसीय विश्वकप प्रदर्शन निकै महत्वपूर्ण रह्यो । अष्ट्रेलिया खेलाडीमाथि धनको वर्षा हुँदा दुई खेलाडीले मात्रै ७२ करोड नेपाली रुपैयाँ पाए । २०२४ को अक्सनमा १० करोडमाथि मूल्य पाउने ६ खेलाडी यस प्रकार छन् ।

६.स्पेन्सर जोनसन – १० करोड भारु

अष्ट्रेलिया बायाँ हाते तीव्र गतिका बलर स्पेन्सर जोनसनलाई गुजरात टाइटन्सले १० करोड भारु (१६ करोड नेपाली रुपैयाँ) मा किनेको छ । दुबईमा जारी अक्सनमा न्यूनतम ५० लाख भारु राखेपनि दिल्ली र गुजरातबीच कडा प्रतिस्पर्धा हुँदा १० करोड भारुमा गुजरातमा पुगेका हुन् ।

२८ वर्षीय जोनसन तीव्र गति र स्वींगका लागि चिनिन्छन् । विदेशी लिगमा सानदार प्रदर्शन गर्दै आएका उनले गत अगष्टमा दक्षिण अफ्रिकाविरुद्ध टि२० आईमा डेब्यू गरेका थिए । उत्कृष्ट गति र स्वींग हुँदा उनले महँगो मूल्य पाएका हुन् ।

५. अल्जारी जोशेफ – ११ करोड ५० लाख भारु

रोयल च्यालेन्जर्स बेंगलोरले वेस्टइन्डिजका तीव्र गतिका बलिङ अलराउन्डर अल्जारी जोशेफलाई ११ करोड ५० लाख भारु (१८ करोड नेपाली रुपैयाँ) मा किन्यो । जोशेफले तीव्र गतिमा बलिङ गर्नुको साथै तल्लोक्रममा राम्रो ब्याटिङ गर्ने गर्दछन् । पछिल्लो समय राम्रो लयमा हुँदा महँगो मूल्य खर्चिएको हो ।

न्यूनतम मूल्य २ करोड राखेका जोशेफलाई सुरुवातमा चेन्नई र दिल्लीबीच प्रतिस्पर्धा भएको थियो । त्यसपछि लखनऊ ३ करोड २० लाखबाट मूल्य लगाउन सुरु गरेको थियो । बेंगलोरले ६ करोड ८० लाखबाट मूल्य लगाउन सुरु गरेको थियो ।

लखनऊ र बेंगलोरबीच प्रतिस्पर्धा हुँदा उनले महँगो मूल्य पाएका हुन् । २०१९ मा जोशेफले मुम्बई इन्डियन्सबाट आइपिएलमा डेब्यू गर्दै हैदराबादविरुद्ध ६ विकेट लिएका थिए ।

४. हर्षल पटेल – ११ करोड ७५ लाख भारु

भारतीय तीव्र गतिका बलर हर्षल पटेललाई पन्जाब किंग्सले ११ करोड ७५ लाख भारु(झन्डै १९ करोड नेपाली रुपैयाँ) मा किनेको छ । पटेलले रोयल च्यालेन्जर्स बेंगलोरबाट डेथ ओभरमा राम्रो प्रभाव छाडेका थिए ।

न्यूनतम मूल्य २ करोड राखेका थिए । उनलाई किन्न अक्सनमा गुजरात र पन्जाब किंग्सबीच प्रतिस्पर्धा भएको थियो । ११ करोडमा आएर गुजरातले मूल्य लगाएको थियो । गुजरातले १० करोड ५० लाख भारुमा छाडेको थियो ।

३. डर्याल मिचेल – १४ करोड भारु

न्युजिल्यान्डका स्टार अलराउन्डर डर्याल मिचेललाई पाँच पटकको च्याम्पियन चेन्नई सुपर किंग्सले १४ करोड भा (२२ करोड नेपाली रुपैयाँ) मा किनेको छ । अक्सनमा चेन्नई, दिल्ली र पन्जाबबीच प्रतिस्पर्धा भएको थियो ।

मिचेलले अक्सनमा १ करोड भारु राखेका थिए । उनलाई किन्न दिल्ली र पन्जाबबीच अक्सनमा कडा प्रतिस्पर्धा भएको थियो । दिल्लीले ११ करोड ५० लाख भारुपछि मूल्य लगाउन छाडेको थियो ।

तर १२ करोडमा आएर चेन्नईले मूल्य लगाएपछि थप रोचक बनेको थियो । अन्तिममा चेन्नईले नै किनेको थियो । चेन्नईले यसअघि न्युजिल्यान्डका अलराउन्डर रचिन रविन्द्रलाई १ करोड ८० लाख भारुमा किनेको थियो । मिचेलले पछिल्लो समय अन्तर्राष्ट्रिय क्रिकेटमा सानदार अलराउन्ड प्रदर्शन गर्दै आएका छन् ।

मध्यक्रममा आक्रामक ब्याटिङसँगै तीव्र गतिमा बलिङ गर्ने गर्दछन् । विशेषगरि अघिल्लो महिना विश्वकपमा उत्कृष्ट प्रदर्शन गरेपछि अक्सनमा महँगो मूल्य पाएका हुन् । विश्वकपको सेमिफाइनल खेलमा भारतविरुद्ध १ सय १९ बलमा ९ चौका र ७ छक्कासहित १ सय ३४ रनको सानदार शतकीय इनिङ खेलेका थिए ।

त्यस्तै लिग चरणमा भारतविरुद्ध उनले १ सय २७ बलमा ९ चौका र ५ छक्कासहित १ सय ३० रनको शतकीय इनिङ खेलेका थिए । विश्वकप २०२३ मा उनले १० खेलमा २ शतकसहित कुल ५ सय ५२ रन बनाएका थिए । २०२१ को टि२० विश्वकपको सेमिफाइनलमा इंग्ल्यान्डलाई हराउन उनले ७२ रनको अविजित इनिङ खेलेका थिए ।

२. प्याट कमिन्स – २० करोड ५० लाख भारु

अष्ट्रेलियाका तीव्र गतिका बलर प्याट कमिन्सलाई सनराइर्ज हैदराबादले २० करोड ५० लाख भारु झण्डै ३३ करोड नेपाली रुपैयाँमा किनेको हो । कमिन्सले तीव्र गतिमा बलिङसँगै तल्लोक्रममा आक्रामक ब्याटिङ पनि गर्ने गर्दछन् । त्यस्तै अष्ट्रेलियालाई यस पटक विश्वकप उपाधि जिताउन सानदार कप्तानी पनि गरेका थिए ।

अष्ट्रेलियालाई विश्वकप उपाधि जिताउन फाइनलमा भारतविरुद्ध सानदार प्रदर्शन गर्दै उत्कृष्ट कप्तानीको प्रभाव छाडेपछि अक्सनमा पनि महँगो मूल्य पाएका हुन् । प्याट कमिन्सले न्यूनतम २ करोड भारु राखेका थिए । उनलाई किन्न चेन्नई र मुम्बईबीच प्रतिस्पर्धा भएको थियो । ५ करोडमा आएर बेंगलोरले पनि मूल्य लगाएको थियो । चेन्नईले ६ करोड ८० लाखमा पुगेर प्याट कमिन्सलाई छाडेको थियो ।

तर हैदराबाद त्यसपछि अक्सनमा आएको थियो । हैदराबाद र बेंगलोरबीच कडा प्रतिस्पर्धा भएको थियो । तर बेंगलोरले २० करोड २५ लाखपछि मूल्य लगाएन । हैदराबादले २० करोड ५० लाख रुपैयाँमा किनेको हो । कमिन्सलाई २०२० मा कोलकाताले १५ करोड ५० लाख भारुमा किनेको थियो । २०२२ मा भने कोलकाताले ७ करोड २५ लाख भारुमा किनेको थियो ।

१. मिचेल स्टार्क – २४ करोड ७५ लाख भारु

अष्ट्रेलियाका तीव्र गतिका बलर मिचेल स्टार्कलाई कोलकाता नाइट राइडर्सले आइपिएल इतिहासकै सर्वाधिक सर्वाधिक महँगो मूल्य २४ करोड ७५ लाख भारु झन्डै ४० करोड नेपाली रुपैयाँमा किन्यो ।

स्टार्कले अक्सनमा न्यूनतम २ करोड भारु राखेका थिए । सुरुवातमा दिल्ली र मुम्बईबीच प्रतिस्पर्धा भएको थियो । ९ करोड ६० लाखपछि दिल्लीले मूल्य लगाउन छाडेको थियो ।

त्यसपछि कोलकाताले मूल्य लगाएको थियो । त्यसपछि गुजरात पनि थएिको थियो । ९ करोड ६० लाखपछि दिल्ली र मुम्बई दुबै पछि हटेका थिए । त्यसपछि गुजरात र कोलकाताबीच अक्सनमा प्रतिस्पर्धा भएको थियो । त्यसपछि लगातार प्रतिस्पर्धा हुँदा २४ करोड कटेको थियो । २४ करोड ५० लाख सम्म गुजरातले मूल्य लगाएको थियो ।

तर त्यसपछि गुजरात पछि हटेको थियो । उनको स्वींग, गति र योर्करको सामना गर्न कुनै पनि विपक्षी ब्याटरलाई सहज हुँदैन । बिग म्याच र दबाबको खेलमा लगातार सानदार प्रदर्शन गरेको हुँदा महँगो मूल्य पाएका हुन् । स्टार्क २०१५ पछि आइपिएलमा फर्किनेछन् । २०१८ को अक्सनमा बिकेपनि खेलेका थिएनन् । पछिल्लो तीन वर्षमा उनले अक्सनमा नाम नै दर्ता गराएका थिएनन् ।

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

Success

Thank you for your time.