काठमाडौं (हाम्रो खेलकुद) – नेपाल क्रिकेट संघ(क्यान) ले बिहीबार देखी काठमाडौं र मुलपानीमा सुरु हुने प्रधानमन्त्री कप टि२० राष्ट्रिय प्रतियोगिताको ट्रफी सार्वजनिक गरेको छ । बुधबार काठमाडौंको बसन्तपुर दरबाबरमा एक कार्यक्रमकाबीच ट्रफी सार्वजनिक गरेको हो ।

प्रतियोगिता अघि क्यानले पिएमकप महिलामा पहिलो पटक ट्रर्फी सार्वजनिक, पत्रकार सम्मेलन र कप्तानबीच फोटो सुट गरेको हो । यसअघि क्यानले सिधैं प्रतियोगिता आयोजना गर्दै आएको थियो ।

प्रतियोगितामा ७ प्रदेश र नेपाल एपिएफ क्लबबीच प्रतिस्पर्धा हुनेछ । पहिलो पटक पिएमकप महिला काठमाडौंमा हुन लागेको हो । त्यस्तै पहिलो पटक प्रतियोगिता राउन्ड रोविनको आधारमा हुन लागेको हो ।

यसअघि प्रतियोगिता दुई समूहमा विभाजन गर्दै शीर्ष दुई टोली सेमिफाइनलमा पुग्ने समिकरणमा आयोजना गर्ने गर्दथ्यो । तर यस पटक देखी सबै टोलीले एक अर्कासँग खेल्न पाउने छन् । शीर्ष चार टोली प्लेअफ खेल्नेछन् ।

‘महिला क्रिकेटलाई क्यानले नयाँ सोच, बिचार र ढङ्गले अघि बढ्नुपर्छ भनेर हामीले अहिले राउन्ड रोविनको आधारमा आयोजना गर्दै छौं । फेब्रुअरीमा एसियन टि२० छनोट छ । मलाई लाग्छ यस प्रतियोगितापछि टिम त्यसको तयारीमा लाग्नेछ ।
राउन्ड रोबिन हुँदा कम्तिमा खेलाडीले टोलीले ७ खेल खेल्न पाउनेछ । आगामी २०२७ विश्वकप यू१९ महिला आयोजना गर्ने हुँदा हामी । महिला क्रिकेटलाई केन्द्रबिन्दुमा राखेर अघि बढेका छौं । समग्र कप्तान र खेलाडीह?लाई बधाई तथा शुभकामना’, क्यानका सचिव पारस खड्काले कार्यक्रमा भने ।

ट्रफी सार्वजनिकमा सबै कप्तानले राउन्ड रोविनमा आयोजना गरेको हुँदा क्यानलाई धन्यावाद दिएका थिए । प्रतियोगितामा हरेक दिन चार खेल हुनेछन् । टियुमा दुई र मुलपानी मैदानमा दुई खेल हुनेछन् । लगातार दुई दिन खेलपछि एक दिन विश्राम हुनेछ । सबै खेलहरु बिहान ९ : ३० र दिउँसो १ : १५ मा सुरु हुनेछन् ।